Аҡбутина Әлфиә Носрат Ҡыҙы
Аҡбутина Әлфиә Носрат ҡыҙы (9 октябрь 1955 йыл) — журналист, тәржемәсе.
1988 йылдан СССР Журналистар союзы ағзаһы. 2015 йылдан Башҡорт Википедияһының әүҙем мөхәррире. Башҡортостан Республикаһының атҡаҙанған мәҙәниәт хеҙмәткәре (1997), Шәһит Хоҙайбирҙин исемендәге премия лауреаты (2005).
| Аҡбутина Әлфиә Носрат ҡыҙы | |
| Зат | ҡатын-ҡыҙ |
|---|---|
| Гражданлыҡ |  СССР Рәсәй |
| Тыуған көнө | 9 октябрь 1955 (68 йәш) |
| Тыуған урыны | Үрге Этҡол, Ишембай районы, Башҡорт АССР-ы, РСФСР, СССР |
| Һөнәр төрө | журналист |
| Уҡыу йорто | Башҡорт дәүләт университеты |
| Әүҙемлек урыны | Йәшлек, "Башҡортостан" гәзите һәм Башҡортостан ҡыҙы |
| Маҡтаулы исемдәре һәм башҡа бүләктәре | |
Биографияһы
Әлфиә Носрат ҡыҙы Аҡбутина (ҡыҙ фамилияһы Ҡаҙаҡҡолова) 1955 йылдың 9 октябрендә БАССР-ҙың Маҡар районы Үрге Этҡол ауылында тыуған.
Урта мәктәпте Нуриман районының Иҫке Күл ауылында бөтә.
1977 йылда Башҡорт дәүләт университетының филология факультетын тамамлағандан һуң «Ленинсы» — «Ленинец» гәзите хеҙмәткәре булып эшләй.
1978 йылдан алып (өҙөклөк менән) «Башҡортостан» гәзитендә хеҙмәт итә: хәбәрсе, 1990 йылдан башлап өлкән хәбәрсе, 1993 йылдан — бүлек мөдире, 1995 йылдан — яуаплы секретарь, 1999 йылдан — баш мөхәррир урынбаҫары. 2011 йылдан 2014 йыл аҙағына тиклем «Башҡортостан ҡыҙы» журналының баш мөхәррир урынбаҫары.
Республика матбуғатында оҙаҡ йылдар уңышлы эшләгән өсөн 1993 йылда Әлфиә Аҡбутина Башҡортостан Республикаһы Юғары Советы Президумының Почёт грамотаһы менән бүләкләнә. 1997 йылда уға «Башҡортостан Республикаһының атҡаҙанған мәҙәниәт хеҙмәткәре» тигән маҡтаулы исем бирелә. Ижтимағи-сәйәси темаларға яҙылған аналитик мәҡәләләре һәм ЮНЕСКО линияһы буйынса Европа илдәренә яһаған сәйәхәтенең юл яҙмалары өсөн 2005 йылда журналист Башҡортостан Республикаһы Хөкүмәтенең Шәһит Хоҙайбирҙин исемендәге премияһына лайыҡ була.
Әлфиә Аҡбутина 1988 йылдан СССР Журналистар союзы ағзаһы.
Маҡтаулы исемдәре һәм башҡа бүләктәре
- Башҡортостан Республикаһы Хөкүмәтенең Шәһит Хоҙайбирҙин исемендәге премияһы лауреаты (2005).
- Башҡортостан Республикаһының атҡаҙанған мәҙәниәт хеҙмәткәре (1997).
- Башҡортостан Республикаһы Юғары Советы Президумының Почёт грамотаһы (1993)
- «За заслуги в проведении Всероссийской переписи населения» миҙалы (2002).
Иҫкәрмәләр
Әҙәбиәт
- Равиль Рамазанов. Согревая теплом своей души (к юбилею журналиста Альфии Акбутиной). Информационное агентство «Башинформ», 9 октября 2010 года (рус.) (Тикшерелеү көнө: 5 октябрь 2018)
- Равиль РАМАЗАНОВ. Творческий почерк Альфии Акбутиной. «Республика Башкортостан» гәзите, 28 октябрь 2010 года 2014 йыл 11 октябрь архивланған. (рус.) (Тикшерелеү көнө: 5 октябрь 2018)
- Перевод Библии. Перевод Ветхого Завета на башкирский язык. Религиозная организация «Российское Библейское общество». Официальный сайт (рус.) (Тикшерелеү көнө: 5 октябрь 2018)
Һылтанмалар
- Аҡбутина Әлфиә Носрат ҡыҙы // Башҡорт энциклопедияһы. — Өфө: БР ДАҒУ «Башҡорт энциклопедияһы», 2015—2024. — ISBN 978-5-88185-143-9. (Тикшерелеү көнө: 28 ғинуар 2022)
- АКБУТИНА Альфия Нусуратовна // Ишимбайская энциклопедия. — Уфа: Башкирская энциклопедия, 2015. — С. 63. — 656 с. — 3000 экз. — ISBN 978-5-88185-205-4.
This article uses material from the Wikipedia Башҡорт article Аҡбутина Әлфиә Носрат ҡыҙы, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башҡа шарт булмаһа, CC BY-SA 4.0 лицензияһына ярашлы, эстәлек менән һәр кем файҙалана ала. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Башҡорт (DUHOCTRUNGQUOC.VN) is an independent company and has no affiliation with Wiki Foundation.