آشیری ساغچی‌لیق
آشیری ساغچی‌لیق — رادیکال ساغ و یا اکسترِمیست ساغ، ساغچی سیاستده ساغچی‌لیغین ان یوکسک فورماسینی گؤستریر.
آشیری ساغ سیاست توپلومداکی سوسیال طبقه‌لشمه‌نی دستکله‌ییر و هله دوغوشدان بعضی اینسان‌لارین آشاغی، دیگرلری‌نین اوستون اولدوغو دوشونجه‌لرینی احتیوا ائدیر. موعین شخص‌لرین و یا قروپ‌لارین اوستونلوگونو دستکله‌ییر. بو تیپ سیاست گئنیش اوتوریانیزمی دستکله‌ییر و آنتی-کومونیزم ایستیقامتلی اولور. عومومیتله آشیری ساغچی‌لیق ترمینی آرزوولونماز قروپ‌لارا قارشی کؤچ و اویغونلاشما علئیهینه مؤوقعیی، سوسیال-مدنی فورمادا تضییق‌لر، میلّی آیری-سئچکی‌لیک؛ عیرقی و دینی قروپ‌لارین دیگرلریندن اوستون اولماسینا و قلوبال‌لاشمایا قارشی موناسیبت‌لر کیمی فیکیرلر ایره‌لی سورورلر.
باشقا سؤزله، قاورام آشیری میلّتچی، یابانچی دوشمنی، عیرقچی، کؤکدن‌دینچی و یا گئریچی فیکیرلری اولان اینسان‌لاری و یا قروپ‌لاری تصویر ائتمک اوچون ایستیفاده اولونور.
اساساً ایکی فرقلی قروپدا اؤیره‌نیلیر: " آشیری میلّتچی‌لیک ایله عیرقچی‌لیک " و " کؤکدن دینچی‌لیک " .
آشیری میلّتچی‌لیک و عیرقچی‌لیک
آشیری ساغ گؤروشلو آشیری میلّتچی‌لر سوسیال همرأی‌لیگه اساسلانان و میلّی بیرلیک اساسلی توتالیتار حاکیمیت آلتیندا جمعیتین بیرلیگینی طلب ائدیرلر. اؤز میلّت‌لری‌نین بیرلیگینی و گوجلرینی دیگر میلّت‌لرین بیرلیگینه و گوجونه قارشی مودافیعه ائدرکن، میلّتچی‌لیگه و میلّت آنلاییشینا قارشی چیخان آشیری سولچولوق جریانینا دا قارشی چیخیرلار. آشیری میلّتچی‌لر اؤز میلّت‌لرینده ضررلی اولاراق تعیین ائتدیکلری و یا حقیقتاً ضررلی اولان دوشونجه‌لره قارشی موباریزه آپارماغی هدف‌له‌ییرلر و عئینی زاماندا اِپیک المنت‌لرله بزه‌دیلمیش تاریخی عونصورلردن فایدالانیرلار. عیرقچی‌لر، عکسینه، اوستون حساب ائتدیکلری عیرقی بیر کؤکه باغلی بیر قروپو یاشادیقلاری جمعیتده آشاغی حساب ائتدیکلری دیگر قروپدان آییرماق و داها آشاغی اولان‌لاری سیخیشدیراراق توپلومدان چیخارماق ایسته‌ییرلر.
کؤکدن‌دینچی‌لیک
کؤکدن‌دینچی‌لیک دینی قایدالارا سؤیکنن و بو پرینسیپ‌لره ان جیدی شکیلده رعایت ائدن، دین و سیاست آراسینداکی فرقی ردّ ائدن و توپلومون واحید بیر دینین شرط‌لری ایله ایداره اولونماسی پرینسیپینی مودافیعه ائدن بیر جریان‌دیر. کؤکدن‌دینچی‌لر منسوب اولدوقلاری قروپون دولایی یوللا بوتون اؤلکه‌نین دینی قایدالارلا ایداره اولونماسینی ان دوزگون شرط حساب ائدیرلر و دونیوی‌لیگی ردّ ائدیرلر.
قالری
قایناق‌لار
- Woshinsky, Oliver H., Explaining Politics: Culture, Institutions, and Political Behavior (Oxon, England; New York City, United States: Routledge, 2008) p. 154.
- İngilizce Wikipedia 24 Mart 2013 tarihinde Wayback Machine sitesindearşivlendi. dan Genel derleme
- Carlisle, Rodney P., ed., The Encyclopedia of Politics: The Left and the Right, Volume 2: The Right (Thousand Oaks, California, United States; London, England; New Delhi, India: Sage Publications, 2005) p. 693.
This article uses material from the Wikipedia تۆرکجه article آشیری ساغچی‌لیق, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچینده‌کیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.