vikipediya Lüğət Deyil

Bu qayda rəsmi olaraq qəbul edilməmişdir. Qayda hal-hazırda hazırlanma mərhələsindədir.

Ancaq hər bir məqalə əhatə etdiyi mövzuya dair ətraflı tərif ilə başlamalıdır. Əgər lüğət tipli layihə üzərində çalışmaq istəyirsinizsə, sizə Vikilüğət layihəsini gözdən keçirməyi təklif edirik.

Vikipediya ilk baxışdan bəlkə də lüğəti xatırladır. Bir sıra məqalələrin məzmunu çox qısadır. Buna səbəb bəzi istifadəçilərin bir cümləlik məqalələr yaradaraq onları zənginləşdirmək istəməməsidir. Bunun nəticəsində qaralama halında olan və ya daha pisi, zənginləşmə ehtimalı olmayan məqalələrin sayı artır. Bu hal heç kim tərəfindın bəyənilmir; ancaq bunun qarşısının necə alınması ilə bağlı qəti bir fikir həmrəyliyi də yoxdur. Əgər fəaliyyətinizin bəyənilməyini istəyirsinizsə məqalənin başlığında onun mövzusuna dair verdiyiniz tərif hissəsindən sonra heç olmasa bir neçə ensiklopedik cümlə də əlavə edin. Çünki bəzi Vikipediya meyarlarına cavab verməyən qaralama şəklində olan məqalələr gələcəkdə silinə bilər.

Bəzi ifadələr və sözlər sırf lüğəti məna daşıdığına və buna görə əhəmiyyətli olduğuna, Vikipediyada isə belə məqalələrə yer verilmədiyinə görə onları VikiLüğət-də yaratmaq daha məqsədəuyğundur.