VG247 (VG24/7 kimi üslublaşdırılıb) — 2008-ci ilin fevral ayında Patrik Qarratt tərəfindən Böyük Britaniyada təsis edilən videooyunlar üzrə ixtisaslaşmış bloq.
CNET bloqu olan Crave saytı dünyanın ən yaxşı üçüncü videooyun bloqu hesab etmişdir.
VG247 | |
---|---|
URL | vg247.com |
Kommersiya | Yox |
Tipi | Videooyun |
Qeydiyyat | Yox |
Dilləri | İngilis dili İtalyan dili Polyak dili Türk dili |
Sahibi | videogaming247 Ltd. |
Müəllif (lər) | Patrik Qarratt |
Redaktor | Mett Martin (baş redaktor) |
Açılma tarixi | 14 fevral 2008 ) |
Alexa reytinqi | ▲ 3,869 (15 dekabr 2018) |
Vikianbarda əlaqəli mediafayllar |
Jurnalist Patrik Qarratt tərəfindən "Eurogamer Network" şirkətinin dəstəyi ilə 2008-ci ilin fevral ayında videogaming247.com adı altında təsis edilən "VG247" Böyük Britaniyadakı ilk videooyun bloqu olmuşdur. Fəaliyyətinin ilk dövrlərində "VG247" videooyunları gözdən keçirmirdi və sadəcə xəbərlər, müsahibələr və öncədənbaxışlara diqqət ayırmışdı. O dövrdə Qarratt saytın redaktor heyətinin yeganə üzvü idi.
2009-cu ilin əvvəllərində sayt "VG247" adı ilə yenidən fəaliyyətə başlamışdır. Saytın url keçidi dəyişdirilmiş, dizaynı yenidən işlənmişdi.
2012-ci ildə "VG247" orijinal video məzmunlar hazırlamağa başlamışdır. 2014-cü ildə Mett Martin saytın yeni baş redaktoru olmuş, Patrik Qarratt isə nəşrçi olmuşdur. Bu dövrdə sayt ikinci dəfə dizaynını dəyişdirmişdir. Həmin ilin mart ayında "VG247" bloqunun italyan dilindəki saytı fəaliyyətə başlamışdır.
2015-ci ilin oktyabr ayında "VG247" "Uncharted 4: A Thief's End" videooyunu üçün olan gözdən keçirmələrini ləğv etmiş və ictimai şəkildə üzr istəmişdir. Buna səbəb "Sony" şirkətinin mütəxəssislərə "Uncharted 4" yerinə "Uncharted 2: Among Thieves" videooyununun yenidən nəşrini gözdən keçirdiklərini bildirməsi idi.
"VG247" Oyun KİV Mükafatlarında iki dəfə (2008, 2009) ən yaxşı veb-sayt və ən yaxşı onlayn bloq mükafatlarına nominasiya olmuşdur. 2008-ci ildəki nominasiyalarında heç bir mükafata layiq görülməsə də, sayt 2009-cu ildə ən yaxşı onlayn bloq mükafatına layiq görülmüşdür. Həmin il, Qarratt ən yaxşı onlayn mütəxəssis yazıçı mükafatına layiq görülmüşdür.
2010-cu il və 2011-ci ildə Oyun KİV Mükafatlarında sayt yenidən ən yaxşı onlayn bloq mükafatına nominasiya olmuşdur.
This article uses material from the Wikipedia Azərbaycanca article VG247, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Əksi qeyd olunmayıbsa, bu məzmun CC BY-SA 4.0 çərçivəsində yayımlanır. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Azərbaycanca (DUHOCTRUNGQUOC.VN) is an independent company and has no affiliation with Wiki Foundation.