Robert Hyuston Eqqers (7 iyul 1983) — Amerikalı rejissor, ssenarist, prodüser.
Rejissoru olduğu "Cadugər" və "Mayak" filmləri ilə tanınır. Eqqers karyerasına Nyu-Yorkda teatr tamaşaları üçün dizayner və rejissor olaraq başlasa da, sonralar film sektoruna keçid etmişdir.
Robert Eqqers | |
---|---|
ing. Robert Eggers | |
| |
Doğum adı | Robert Houston Eggers |
Doğum tarixi | 7 iyul 1983 (40 yaş) |
Vətəndaşlığı | |
Uşağı | 1 |
Fəaliyyəti | kinorejissor, ssenarist, istehsal dizayneri[d], rejissor |
Fəaliyyət illəri | 2007-ci ildən |
IMDb | ID3211470 |
roberteggers.com | |
Vikianbarda əlaqəli mediafayllar |
Robert Eqqers 7 iyul 1983-cü ildə Amerikanın Nyu-Hempşir ştatında anadan olmuş, uşaqlığını da məhz bu ştatda keçirmişdir. 2 qardaşı var. ABŞ-nin Yeni İngiltərə bölgəsində keçən gəncliyi rejissorun yaradıcıllığı üçün ilham qaynağı olub. 2001-ci ildə bir aktyorluq məktəbinə yazılmaq üçün Nyu-Yorka köçüb.
Eqqers rejissor kimi debütünü 2015-ci ildə öz ssenarisi əsasında çəkdiyi "Cadugər" adlı qorxu filmi ilə etmişdir. Filmin premyerası 2015-ci ilin yanvarında Sandens Film Festivalında baş tutdu. Məşhur produksiya şirkəti A24 tərəfindən satın alınan film bir il sonra, 19 fevral 2016 tarixindən etibarən teatrlarda nümayişə qoyuldu. Tənqidçilərin filmə reaksiyası olduqca pozitiv idi və film 4 milyon dollarlıq büdcəsinə qarşı 40 milyon dollar gəlir gətirdi.
Növbəti filmi "Mayak"-ın ssenarisini hazırlayarkən rejissor qardaşı Maks Eqqers ilə birlikdə işləmişdir. Film 2019-cu ildə yayımlandı və tənqidçilərlə izləyicilər tərəfindən müsbət qarşılandı.
Hal-hazırda Eqqers orta əsrlərdə keçən və Vikinqlər haqqında olan "Şimal Adamı" filmi üzərində işləyir. Filmdə iştirak edəcək aktyorlara Nikol Kidman, Villem Defo, Anya Teylor-Coy və İtan Houk daxildir. Rejissor həm də Qriqori Rasputinin həyatı haqqında bir mini-serial çəkməyə hazırlaşır.
İl | Film | Qeyd | ||
---|---|---|---|---|
Rejissor | Ssenarist | Prodüser | ||
2015 | Cadugər | Hə | Hə | Yox |
2019 | Mayak | Hə | Hə | Hə |
2022 | Şimallı | Hə | Hə | Yox |
This article uses material from the Wikipedia Azərbaycanca article Robert Eqqers, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Əksi qeyd olunmayıbsa, bu məzmun CC BY-SA 4.0 çərçivəsində yayımlanır. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Azərbaycanca (DUHOCTRUNGQUOC.VN) is an independent company and has no affiliation with Wiki Foundation.