Titu Liviu

Nacíu y muertu no que güei ye Padua, capital de la Venetia, treslladóse a Roma con 24 años. Encargóse-y la educación del futuru emperador Claudiu. Titu Liviu escribió una Historia de Roma, dende la fundación de la ciudá hasta la muerte de Nerón Claudiu Drusu en 9 e.C., Ab urbe condita libri (de normal conocida como les Décades). La obra constaba de 142 llibros, estremaos en décades o grupos de 10 llibros. D'ellos, solo 35 llegaron hasta nós. Fueron del 1 al 10 y del 21 al 45.

Los llibros que llegaron hasta nós contienen la historia de los primeros sieglos de Roma, dende la fundación nel añu 753 e.C. hasta 292 e.C., rellaten la Segunda Guerra Púnica y la conquista polos romanos de la Galia cisalpina, de Grecia, de Macedonia y de parte d'Asia Menor.

Otru escritor escribió Epítome pa tolos sos llibros. Esos Epítome permanecieron, y déxennos saber cual yera'l plan siguíu por Titu Liviu y l'orde nel que narraba los acontecimientos.

Fontes

Basóse en Quintu Claudiu Quadrigariu, Valeriu Antias, Antípatru, Polibiu, Catón el Vieyu y Posidoniu. Polo xeneral xúntase a una de les fontes, que depués completa coles otres, lo que dacuando fai que s'atopen doblaos, discrepancies cronolóxiques ya inclusive inexautitudes.

Intereses

Nesta Historia de Roma tamién atopamos la primera ucronía conocida: Titu Liviu imaxinando'l mundu si Alexandru Magnu empecipiara les sos conquistes escontra l'oeste y non escontra l'este de Grecia.

L'entusiasmu de Titu Liviu pola República rescampla y sicasí, la familia Xuliu-Claudia almirábalu. Ye célebre la rellación qu'entabló Titu Liviu col emperador Augustu. Dellos autores dixeron que la historiografía de Liviu llexitimaba y daba sustentu al poder imperial, lo que se demostraba nes llectures públiques de la so obra; sicasí, pueden apreciase —na obra de Titu Liviu— crítiques escontra l'imperiu d'Augustu que refuten tal condición de llexitimidá. Al paecer l'historiador y el gobernante —quien yera'l so mecenes— yeren bien amigos y eso dexó que la obra del primeru afigurárase tal como ésti lo decidiera.

• Ab Urbe condita libri
• Historia de l'Antigua Roma

 

• Liviu, Titu. Historia de Roma dende la so fundación. Obra completa. Madrid: Editorial Gredos. ISBN 978-84-249-1428-8.

1. Volume I: Llibros I-III. 1997. ISBN 978-84-249-1434-9.
2. Volume II: Llibros IV-VII. 1990. ISBN 978-84-249-1429-5.
3. Volume III: Llibros VIII-X. 1990. ISBN 978-84-249-1441-7.
4. Volume IV: Llibros XXI-XXV. 1993. ISBN 978-84-249-1608-4.
5. Volume V: Llibros XXVI-XXX. 1993. ISBN 978-84-249-1609-1.
6. Volume VI: Llibros XXXI-XXXV. 1993. ISBN 978-84-249-1620-6.
7. Volume VII: Llibros XXVI-XL. 1993. ISBN 978-84-249-1629-9.
8. Volume VIII: Llibros XLI-XLV. 1994. ISBN 978-84-249-1643-5.

• Xuliu Obsecuente (1995). Períoques y fragmentos/ Llibru de les maravíes. Madrid: Editorial Gredos. ISBN 978-84-249-1696-1.

•   Wiki Commons acueye conteníu multimedia sobre Titu Liviu.
•   Wikiquote tien frases célebres suyes o que faen referencia a Titu Liviu.

• Testos llatinos en Wikisource.
• Titu Liviu na Biblioteca Virtual Miguel de Cervantes.
• Períoques en castellán y llatín - "ab urbe condita" en castellán dixitalizáu por Google Books y en formatu epub pa llectores electrónicos
• -liviu "Historia de Roma dende la so fundación" "ab urbe condita" en castellanu dixitalizáu por Google Books y en formatu epub pa llectores electrónicos
• Períoques en castellán y llatín.
• Titu Liviu nel Proyeutu Perseus.