Sóviet De Les Nacionalidaes

Funcionó ente los años 1938 y 1991. A diferencia del Sóviet de la Unión, el Sóviet de les Nacionalidaes taba compuestu poles distintes nacionalidaes (repúbliques) de la Xunión Soviética, que representaben les divisiones alministratives y non por representantes de los distintos grupos étnicos.

Sóviet de les Nacionalidaes
Datos xenerales
Tipu	Cámara alta
Sede	Kremlin Presidium (en)
Parte de	Sóviet Supremu de la Xunión Soviética

El Sóviet de les Nacionalidaes esfrutó de los mesmos derechos que'l Sóviet de la Unión, tantu nel área de les iniciatives llexislatives, como na resolución d'otres cuestiones. Gociaba d'autonomía pa escoyer al so presidente, que dirixía les sesiones de la cámara, según a los sos cuatro vicepresidentes y a les comisiones permanentes.

El Sóviet de les Nacionalidaes taba compuestu por 625 diputaos, y los sos miembros yeren escoyíos de forma universal, igualitaria, direuta y secreta, acordies colos principios de la democracia socialista. Cola regla d'igualdá de representación de les distintes nacionalidaes soviétiques, el sóviet taba formáu por igual cantidá de representantes de caúna de les Repúbliques de la Xunión Soviética:

• 32 diputaos per cada república (ensin cuntar otres unidaes autónomes que podíen tar dientro de la república, qu'unviaben miembros de forma separada).
• 11 diputaos por cada república autónoma.
• 5 diputaos por cada óblast autónomu.
• 1 diputáu per cada distritu nacional.

Nel Sóviet de les Nacionalidaes, la más grande de les repúbliques, la RSS de Rusia, con una población de 147 millones de persones, y la república más pequeña, la RSS d'Estonia, con una población de 1,5 millones, teníen 32 diputaos caúna.

 

• Comisión Mandatoria
• Comisión en Supuestos Llexislativos
• Comisión de Planificación de Presupuestu *

Comisión d'Asuntos Esteriores

• Comisión d'Asuntos de la Mocedá *

Comisión d'Industria * Comisión de Tresportes y Comunicaciones

• Comisión de Construcción ya Industria de los Materiales de Construcción
• Comisión de Serviciu de Consumu y Economía Municipal
• Comisión de Mediu Ambiente.

• Sóviet de la Unión
• Constitución de la Xunión Soviética
• Gobiernu de la Xunión Soviética
• Política de la Xunión Soviética

 

•   Wiki Commons tien conteníu multimedia tocante a Sóviet de les Nacionalidaes.