Presidente Del Conseyu De Ministros D'italia
El Presidente del Conseyu de Ministros d'Italia (n'italianu, Presidente del Consiglio dei Ministri) ye'l xefe de Gobiernu del país, y ocupa unu de los cinco cargos más importantes a nivel estatal, siendo l'equivalente al Primer Ministru d'otros gobiernos, anque con menores poderes con al respective de otros Estaos.
| Presidente del Conseyu de Ministros d'Italia | |
|---|---|
| cargu públicu | |
| xefe de Gobiernu y Primer ministru | |
 | |
| Titular | Giorgia Meloni |
| Tratamientu | Excelencia (es)  |
| Residencia | Palacio Chigi (es) |
| Nomáu por | Presidente d'Italia |
| Parte de | consejo de ministros de Italia (es) |
| Xurisdicción | Italia |
| Institución | Presidencia del Consejo de Ministros de Italia (es) |
| Estáu | Italia |
| Creación | 1946 |
| Llista | llista de presidentes del Conseyu de Ministros d'Italia |
| Sitiu web | https://www.governo.it |
 | |
La Presidencia del Conseyu de Ministros ye un cargu con rangu constitucional establecíu polos artículos 92, 93, 94, 95 y 96 de la Constitución Italiana. El Presidente de la República, esto ye, el Xefe d'Estáu ye l'encargáu de designar al Presidente del Conseyu.
Funciones
Amás de les funciones propies que'l cargu tien, por ser parte del Gobiernu, ye'l Presidente del Conseyu de Ministros quien indica al Presidente de la República la llista de los ministros del Gobiernu. Refrenda, amás, tolos actos con fuercia de llei emitíos pol Presidente de la República.
L'artículu 95 de la Constitución de la República Italiana señala que: "el Presidente del Conseyu de Ministros dirixe la política xeneral del Gobiernu"; esti poder ye variable, según la influencia individual de los ministros y de los partíos qu'estos representen.
Usualmente la xera del Presidente del Conseyu de Ministros consiste más en mediar ente les distintes posiciones de los partíos políticos (cuando se trata de coaliciones) que les actividaes propies del Conseyu de Ministros. El so poder de direición ye llindáu a una formalidá, yá que nun puede echar por sigo mesmu a los ministros colos cualos ta en desalcuerdu.
Xefe de Gobiernu
De 1861 hasta l'actualidá'l Presidente del Conseyu de Ministros foi'l Xefe de Gobiernu. Ye designáu pol xefe d'estáu, pero, al precisar el sofitu del Parllamentu d'Italia, suel ser miembru del partíu políticu más votáu.
Ver tamién
Referencies
Enllaces esternos
Datos: Q796897
Multimedia: Prime ministers of the Italian Republic
This article uses material from the Wikipedia Asturianu article Presidente del Conseyu de Ministros d'Italia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.