Actor Patrick Wilson: Actor estauxunidense

Dende 1996 participó en dellos musicales y protagonizó delles obres teatrales nel circuitu de Broadway. En 2003 trabayó na serie de televisión Angels in America de la cadena HBO, que ta basada na obra homónima de Tony Kushner y onde interpretó a Joe Pitt. Como actor de cine destacóse en películes como The Alamo, La pantasma de la ópera, Little Children, Watchmen, The A-Team, The Ledge, The Conjuring y Insidious y el so secuela. En 2011 estelarizó la serie dramática A Gifted Man de la cadena televisiva CBS, onde encarnó'l papel d'un neurociruxanu que ve l'espíritu de la so difunta esposa. Foi nomáu a los premios Tony, a los premios Emmy y a los premiu Globu d'Oru.

Patrick Wilson
Vida
Nacimientu	Norfolk, 3 de xunetu de 1973 (50 años)
Nacionalidá	Estaos Xuníos
Residencia	Montclair (es)
Llingua materna	inglés
Familia
Casáu con	Dagmara Dominczyk Vera Farmiga (2005 – )
Pareyes	Jennifer Love Hewitt
Fíos/es	3
Familia	ver Scott Foley (cuñáu) Marika Domińczyk (cuñada)
Estudios
Estudios	Universidá Carnegie Mellon Grado en Bellas Artes (es) Shorecrest Preparatory School (en)
Llingües falaes	inglés
Oficiu	actor, actor de televisión, actor de teatru, actor de cine, productor de cine, direutor de cine, actor de voz, cantante
Altor	1,84 m
Premios	ver Premio Máquina del Tiempo  (2019)
Nominaciones	ver Premiu Tony al meyor actor protagonista nun musical (2001) Premiu Tony al meyor actor protagonista nun musical (2002)
Instrumentu musical	voz
IMDb	nm0933940
patrickwilsonfan.com

Primeros años

Nació en Norfolk, Virxinia; y crióse en San Petersburgu, Florida. La so madre ye Mary K. Wilson, profesora de cantar y cantante profesional, y el so padre ye John Wilson, presentador de noticies de la canal de televisión WTVT en Tampa, que ta afiliáu a la cadena de televisión Fox. El so hermanu Mark tamién trabaya como presentador de noticies na mesma cadena televisiva. Tien otru hermanu, llamáu Paul, quien dirixe una compañía de rellaciones públiques y publicidá en San Petersburgu, Florida.

Wilson estudió na secundaria Shorecrest Preparatory School en San Petersburgu y nuna entrevista declaró que foi ellí onde tuvo les sos primeres esperiencies como actor al participar n'obres teatrales de William Shakespeare y en dellos musicales. En 1995 graduóse na Universidá Carnegie Mellon en Pittsburgh, Pennsylvania, con un títulu n'Arte Dramáticu.

Carrera

Nel añu 2003 los críticos emponderaron la so actuación na miniserie dramática Angels in America, que foi emitida pola cadena televisiva HBO. La so interpretación de Joe Pitt mereció-y nominaciones a los premios Globu d'Oru y Emmy na categoría al meyor actor de repartu.

En 2004 participó nel rodaxe de la película The Alamo. Esi mesmu añu actuó en La Pantasma de la Ópera xunto a los actores Gerard Butler y Emmy Rossum.

Nel 2006 interpretó'l papel de Michael Sheppard nel filme Running with Scissors que ta basáu nel rellatu autobiográficu del autor estauxunidense Augusten Burroughs. Darréu actuó en Little Children xunto a l'actriz de Titanic, Kate Winslet, y pola que llogró una nominación a meyor actor de drama nos premios Satellite Awards.

En 2008 personificó a Chris Mattson na película Lakeview Terrace xunto a Samuel L. Jackson, Kerry Washington y Jay Hernández.

Un añu dempués representó al personaxe Uxu nocherniegu II nel filme Watchmen, dirixíu por Zack Snyder.

Nel 2010 interpretó a un reporteru na comedia Morning Glory xunto a Rachel McAdams, Jeff Goldblum, Harrinson Ford y Diane Keaton.

En 2011 protagonizó la película de cine independiente Insidious, onde encarnó'l papel de Josh. El 23 de setiembre de 2011 estrenó n'Estaos Xuníos la serie A Gifted Man onde interpreta'l personaxe de Michael Holt, un talentosu ciruxanu.

En xineru de 2012 foi unu de los primeros actores en ser confirmaos pa protagonizar L'Esconxuru, sol papel de Ed Warren. Papel que protagonizó xunto a l'actriz Vera Farmiga sol rol de Lorraine Warren.

Teatru

Satellite Awards

• Patrick Wilson na Internet Movie Database (n'inglés)