Lambda Ursae Minoris (λ UMi / HD 183030 / HR 7394 / HIP 84535) ye una estrella na constelación de la Osa Menor de magnitú aparente +6,35, siendo apenes observable a simple vista.
Anguaño a pocu menos d'un grau del polu norte celeste, hai unos doscientos años Lambda Ursae Minoris foi la meyor Estrella Polar, yá que por cuenta de la precesión de los equinoccios el polu norte celeste describe un círculu alredor del polu norte de la eclíptica cada 25 780 años. Ello ye que el polu norte celeste va pasar ente Lamda Ursae Minoris y Polaris (α Ursae Minoris) nel añu 2060.
17h 16m 56.416s, 89° 2′ 15.74″
Asitiada a 876 años lluz del Sistema Solar, Lambda Ursae Minoris ye una xigante colorada de tipu espectral M1III con una temperatura superficial de 3800 K. 600 vegaes más lluminosa que'l Sol, el so radiu ye 57 vegaes más grande que'l radiu solar, aproximao'l 69% de la distancia que dixebra Mercuriu del Sol. Ta catalogada como una variable semirregular que'l so rellumu fluctúa 0,10 magnitúes.
A 55 segundos d'arcu de Lambda Ursae Minoris puede reparase una estrella de magnitú 14, desconociéndose si dambes tán gravitacionalmente xuníes. Si dambes estrelles formaren un verdaderu sistema binariu, la separación ente elles sería de siquier 15 000 UA y el periodu orbital devasaría'l millón d'años.
This article uses material from the Wikipedia Asturianu article Lambda Ursae Minoris, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.