Bonete
El bonete ye un gorru de seda, rasu o terciopelo negru que se ponen na cabeza los eclesiásticos y antiguamente, los colexales y graduaos.
Esisten diferentes tipos de bonetes.
- El de los eclesiásticos ye d'unos cuatro deos d'altura circular y uniforme sobre'l que figuren cuatro picos iguales más o menos salientes d'otros tantos espacios a modo de medies llunas o bien de cuartos llunares con una abeyota, a veces, si'l que lu usa ye graduáu, nel centru de la copa.
- El de los colexales, etc. suel ser cuadráu y esquináu.
- Por último, el de los graduaos, meyor llamáu birrete, tien seis llaos y picos non salientes con abiyota negra o de diferente color distintivu de la so facultá.
Dellos relixosos como los premonstratenses y abás de delles congregaciones usen bonete blancu.
L'escritor asturianu Antonio Balvidares Argüelles (1751 - 1792) na so composición El entierro del canónigo Reguero fai referencia al bonete d'esta miente:
Los callóndrigos venín
cadún per la so filera
vestidos de mantellina
y la capa d'estameña,
gorrote de cuatro picos
y encaxes a la francesa
Referencies
- Esti artículu contién material del diccionariu enciclopédicu popular ilustráu Salvat de los años 1906 a 1914 que ta nel dominiu públicu.
This article uses material from the Wikipedia Asturianu article Bonete, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.