Ivy Mike (31 d'ochobre de 1952) foi la primera bomba d'hidróxenu (bomba termonuclear de fusión nuclear).
Foi españada a les 7:15 (hora llocal) del 1 de payares de 1952, o a les 19:15 del 31 d'ochobre (hora mundial). Produció 10,4 megatones, una fuercia aproximao 650 vegaes más grande que la de les armes desenvueltes por Robert Oppenheimer mientres la Segunda Guerra Mundial.
Formó parte, xunto a la prueba nuclear de Ivy King (de 0,5 Mt), de la Operación Ivy.
El diseñu de la bomba (diseño Teller-Ulam) foi'l primer diseñu d'una bomba termonuclear o d'hidróxenu. Pola complexidá del so diseñu y por ser la primera, tuvo una cabina especial na cual allugábense'l dispositivu y la maquinaria necesaria pa faelo funcionar con ésitu. El dispositivu foi diseñáu pol físicu Richard Garwin.
Amás d'eso, foi'l primer dispositivu termonuclear lleváu a cabu a toa escala (Fullscale Thermonuclear Device n'inglés). Foi españáu en Enewetak, un atolón de les Islles Márxal.
Xeneró una bola de fueu de 5 km de diámetru y una nube de fungu d'unos 17 km d'altu en menos de 90 segundos de la so detonación. Dexó un cráter de 1,9 km de diámetru y 50 m de fondura onde taba la isla Elugelab (parte del atolón de Enewetak), que sumió por completu.
This article uses material from the Wikipedia Asturianu article Ivy Mike, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.