Francu Cfa

Los dos monedes del francu CFA son el francu CFA d'África Central y el francu CFA d'África Occidental. Anque teóricamente son dos monedes separaes, los dos monedes de francu CFA son intercambiables.

Francu CFA
País	53
Símbolu	FCFA

Les Islles Comores, nel océanu Índicu tán acomuñaes al francu CFA, dientro de la zona francu (francu comorano).

El Franco CFA foi creáu coles mesmes que'l Franco CFP en 26 d'avientu de 1945, cuando Francia ratificó los alcuerdos de Bretton Woods. Naquel momentu les sos sigles significaben francu de les Colonies Franceses d'África.

 

Ensin camudar de sigles, el nome evolucionó en francu de la Comunidá Francesa d'África en 1958, y güei significa francu de la Comunidá Financiera d'África dientro de la UEMOA, y francu de la cooperación financiera n'África Central dientro de la CEMAC. La esistencia de dos apelaciones distintes evidencian la división de la zona francu en dos: dende 1993, dos talos institutos d'emisión (el BCEAO, Bancu Central de los Estaos d'África del Oeste y el BEAC, Bancu de los Estaos d'África Central) nun intercambien yá les sos respeutives monedes.

Los alcuerdos que venceyen a los dos bancos centrales africanos coles autoridaes franceses son idénticos y tán basaos nes siguientes clauses:

• Un tipu de cambéu fixu frente al francu francés.
• Plena convertibilidad de les sos monedes en francos franceses garantizada pola Ayalga francés.
• Fondu común de reserves de moneda estranxera nel que participen tolos países de la CFA (siquier el 65% de les posiciones en reserves depositaes na Ayalga francesa, onde se-yos concede una garantía de tipos de cambéu).
• Como contrapartida a la convertibilidad, dase participación a les autoridaes franceses na definición de la política monetaria na zona CFA.

El francu CFA tenía una paridá fixa con respectu al francu francés, salvu escasos accidentes: la devaluación del francu francés el 17 d'ochobre de 1948 (el francu CFA pasa de 1,70 FF a 2 FF ), la llegada del nuevu francu'l 27 d'avientu de 1958 (la paridá nominal pasa de 2 FF a 0,02 nuevos FF, ye dicir que nun hai nenguna devaluación), y el 12 de xineru de 1994 la devaluación repentina del francu CFA de 50% (pasa de 0,02 FF a 0,01 FF), impuesta per Francia y sofitada poles instituciones financieres internacionales (FMI y Bancu Mundial). Esta devaluación nun resolvió los problemes económicos de la rexón.

Dende'l 1 de xineru de 1999, el francu CFA ta fitu al euru (un euru val 655,957 francos CFA). L'Ayalga francés (non la Xunión Europea) sigue garantizando la convertibilidad del francu CFA.

• Franco CFA d'África Central
• Franco CFA d'África Occidental