Escuela De Negocios Wharton

Imparte tantu titulaciones de grau (Bachelor of Science n'Economía), como de posgráu (Maestría n'Alministración de Negocios y doctoraos). El so nome recuerda a Joseph Wharton, que donó 100.000 $ en 1881 pa la creación del centru docente.

La Escuela Wharton produció a fundadores y líderes de les compañíes más grandes del mundu, xefes d'estáu, ganadores del premiu Nobel, xueces de la Suprema Corte de los Estaos Xuníos, astronautes, y embaxadores.

Historia

Joseph Wharton fundó la escuela en 1881 como la primer escuela de negocios universitaria nos Estaos Xuníos. Miráu como un innovador y visionariu, el so propósitu yera "impartir una educación lliberal en toles materies rellacionaes coles finances y l'economía." Wharton publicó los primeros llibros de testos de negocios, estableció'l primer centru d'investigación nuna escuela de negocios, creó'l primer centru pal espíritu entamador, creó'l primer programa na xerencia internacional, estableció'l primera MBA en cuidu médicu y propiedaes inmobiliaries, y el primer programa executivu desenvueltu de la educación. Güei Wharton ye considerada una de les principales escueles de negocios y management del mundu, y emplega al más grande, claustru de 304 profesores. Wharton ye reconocida pola so direición innovadora y una gran fortaleza académica en cada disciplina importante y en tolos niveles de la educación nel ámbitu de los negocios. La escuela tien aproximao 2.320 estudiantes, 1.671 MBA y estudiantes doctorales, y una rede de más de 80.000 ex-alumnos en 139 países alredor del mundu.

Rankings

Nel ranking de Business Week, Wharton ocupa la tercer plaza por detrás de la University of Chicago Booth School of Business y de Harvard Business School, ente qu'en ranking de Forbes, Wharton ocupa la cuarta plaza por detrás de Harvard, Stanford y Chicago Booth. Wharton ocupa tercer plaza nel ranking MBA de US News por detrás de Harvard Business School y Stanford Graduate School of Business. Nos rankings europeos, Wharton ocupa la tercer plaza nel ranking del periódicu británicu Financial Times, y la 15 nel de The Economist.

Alumnáu

Isaac Perez Recao, empresariu venezolanu.
Pridiyathorn Devakula, gobernador del Bancu de Tailandia.
Peter Lynch, vicepresidente de Fidelity.

Enllaces esternos

(n'inglés) Wharton School

Referencies

This article uses material from the Wikipedia Asturianu article Escuela de negocios Wharton, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.