Daniel Gabriel Fahrenheit
Daniel Gabriel Fahrenheit (24 de mayu de 1686, Gdańsk – 16 de setiembre de 1736, L'Haya) foi un físicu, inxenieru y soplador de vidriu alemán, célebre ente otres coses por desenvolver el termómetru de mercuriu y la escala Fahrenheit de temperatura.
Daniel Gabriel Fahrenheit | |
|---|---|
 | |
| Vida | |
| Nacimientu | Gdańsk, 24 de mayu de 1686 |
| Nacionalidá | República de les Dos Naciones |
| Muerte | L'Haya, 16 de setiembre de 1736 (50 años) |
| Sepultura | Kloosterkerk (La Haya) (es)  |
| Familia | |
| Casáu con | ensin valor |
| Estudios | |
| Llingües falaes | alemán |
| Oficiu | físicu, inventor, fabricante d'instrumentos, químicu |
| Llugares de trabayu | L'Haya, Ámsterdam, Dinamarca y Ámsterdam |
| Trabayos destacaos | Grau Fahrenheit |
| Premios | |
| Miembru de | Royal Society |
 | |
 | |
Biografía
Tres la muerte de los sos padres fizo viaxes d'estudios a Alemaña, Inglaterra y Dinamarca, onde conoció a Ole Rømer en 1708. Establecióse depués n'Ámsterdam, nesa dómina ún de los principales centros de fabricación d'instrumental científicu, onde trabayó como soplador de vidriu. Ende empezó a desenvolver preseos de precisión creando los termómetros d'agua (1709) y de mercuriu (1714).
Escales termométriques de Celsius y Fahrenheit
En 1714 publicó n'Acta Editorum les sos investigaciones proponiendo una nueva escala pa la midida de temperatures. Fahrenheit diseñó una escala, emplegando con referencia un amiestu d'agua y sal de cloruru d'amoniu a partes iguales, na que la temperatura de conxelación y d'ebullición ye más baxa que la de l'agua. El valor de conxelación d'esi mezu llamólu 0 °F, a la temperatura del so cuerpu 96 °F y a la temperatura de conxelación de l'agua ensin sales llamóla 32 °F.
En concretu, 212 graos Fahrenheit correspuenden a 100 graos Celsius;
Los 0 °F correspuenden a los -17.78 °C.
El motivu d'asignar a la temperatura del cuerpu'l valor 96 yera por que ente'l cero y el 96 hubiera una escala formada por una docena de divisiones caúna d'elles subdividida n'ocho partes. D'esa manera 12 x 8 = 96.
En 1724, Fahrenheit espublizó nes Philosophical Transactions, estudios tocante a, ente otros temes, les temperatures d'ebullición de los líquidos y la solidificación de l'agua nel vacíu. Esi mesmu añu entró na Royal Society, la más antigua sociedá científica del Reinu Xuníu y una de les más antigües d'Europa.
Ver tamién
- Grau Fahrenheit
- Anders Celsius
- Lord William Kelvin
Referencies
This article uses material from the Wikipedia Asturianu article Daniel Gabriel Fahrenheit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.