Clamator Levaillantii: Especie de páxaru

Clamator levaillantii
Estáu de caltenimientu
Esmolición menor (IUCN 3.1)
Clasificación científica
Reinu:	Animalia
Filu:	Chordata
Clas:	Aves
Orde:	Cuculiformes
Familia:	Cuculidae
Xéneru:	Clamator
Especie:	C. levaillantii (Swainson, 1829)
Consultes
[editar datos en Wikidata]

Alcuéntrase en hábitats arbustivos. Ye un parásitu de puesta, yá que utiliza niales de bulbules y timalíidos. Foi nomáu n'honor al esplorador, coleicionista y ornitólogu francés François Levaillant.

 

La especie tien 37.5 cm de llargor, con una cola más llarga que la del críalo blanquinegru (Clamator jacobinus), y un gargüelu con más franxes. Hai dos clases de coloración. La variedá clara ye negru percima, con llixeros tonos azulaos o verdosos. Les franxes del gargüelu pueden estendese a los llaos. Les plumes primaries y retrices son blanques. La variedá escura ye negra sacante por un parche blancu principal y manches blanques nes plumes esternes de la cola (estos tán ausentes nel críalo blanquinegru escuru). Los mozos son marrones penriba, ablondu nes coberteras de les ales y estremos de les rectrices, con una frente, cara y partes inferiores bufes, y el gargüelu más rayáu. El llamáu ye un runfíu grave «kuwu-weer, kuwu-weer...» y un emocionante «ku-wi-wi-wi».

 

Ye un parásitu de puesta y la fema pon los sos güevos nel nial d'otra especie d'ave, polo xeneral el turdoide bicolor (Turdoides bicolor), el turdoide caricalvo (Turdoides gymnogenys), el turdoide de Hartlaub (Turdoides hartlaubii) o'l turdoide de Jardine (Turdoides jardineii). Tanto'l machu como fema vuelen con movimientos acrobáticos alredor del nial pa distrayer a los páxaros depredados. El machu sigue la distracción mientres la fema pon los güevos. A diferencia de munches otres especies de críalo, el pitucu recién eclosionado nun s'impon sobre los otros güevos y pichones del nial. Dexa'l nial dempués d'unos diez díes ya independízase en cuatro a seis selmanes.

Bibliografía

• Zimmerman, Dale (1999). Birds of Kenya and Northern Tanzania (n'inglés). Princeton: Princeton University Press. ISBN 9780691010229.

• Esta obra remanez de la traducción de Levaillant's cuckoo de Wikipedia - inglés, concretamente d'esta versión del 12 d'ochobre de 2014, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

•   Wiki Commons acueye conteníu multimedia sobre Clamator levaillantii  .
• Clamator levaillantii y la so distribución en Avibase.
• Ficha de la UICN (inglés).
• Clamator levaillantii (Swainson, 1829) del orde Cuculiformes pol Congresu Ornitolóxicu Internacional (inglés).
• Ficha del Proyeutu Web del Árbol de la vida (inglés).
• Testu especial en The Atlas of Southern African Birds (inglés).
• Clamator levaillantii (Sharpe, 1870) en xeno-canto.