Asturianu Normativu
Col nome d'asturianu normativu conozse a tou aquel escritu fechu nún de los cuatro rexistros de calter normativu: La variedá oriental, la occidental, la central y l'asturianu estándar.
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
L'Academia de la Llingua Asturiana esmolecida poles estremaes variedaes de la llingua, y col enfotu de que se caltuvieren y siguieren amosando la so bayura terminolóxica y fonética, decidió afitar la diferencia de lo qu'asocede con otres llingües; una normativa pa cadún de los dialeutos del asturianu oriental, occidental y central amás de la normativa pal modelu estándar de llingua
Poro, escribir asturianu normativu, nun ye necesariamente facelo nel estándar, sinón que ye, únicamente, facelo acordies coles regles gramaticales y gráfiques de caduna de les variantes.
Rexistros normativos
Norma, namái qu'hai una, pero ye flexible ya inclúi los estremaos dialeutos.
Rexistru d'asturianu central
La normativa reconoz la metafonía, como principal rasgu del asturianu central y almite formes que seríen incorreutes nun asturianu estándar, como por exemplu ris por res o aforquéu por aforcáu. Tamién reconoz cambeos en dellos determinantes como Isti por Esti. Polo demás, nun suel haber muncha diferencia ente l'asturianu central y l'estándar, ya qu'esti últimu garra'l central como base.
Rexistru d'asturianu oriental
Gráficamente la so particularidá reconocida, ye l'emplegu de la "ḥ" pa pallabres como ḥornu (fornu) o ḥoguera (foguera). Amás destaca l'emplegu de los pronomes personales qu'estremen dativu y acusativu: Diome y diomi envede l'únicu del estándar diome y, dacuando, la desapaición del xéneru neutru.
Rexistru d'asturianu occidental
Gráficamente reconozse la "ḷḷ" y el so emplegu en pallabres que nel rexistru estándar nun taríen almitíes como ḷḷeite por lleche. Amás, reconócense y respétense les diptongaciones decrecientes "ei" y "ou" en pallabres como marchóu o ferreiru por ferreru. Amás del grupu it pa dellos casos que los otros rexistros del asturianu (incluyíu l'estándar) empleguen la ch, como nueite (por nueche). Respétase y reconozse tamién l'emplegu de los femeninos finaos n'-as asina como la desapaición del neutru de materia fináu n'-o propiu del estándar y del central.
Rexistru d'asturianu estándar
L'estándar, pola so condición de talu, ye normativu dafechu. Pa más información sobro él mirar esti artículu sobro l'asturianu estándar
Ver tamién
Referencies
Enllaces esternos
This article uses material from the Wikipedia Asturianu article Asturianu normativu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.