عبدصمد زلزولي، تولد ف 17 دجنبر 2001 ف بني ملال، هو كوايري مغريبي كيلعب جناح معا ريال بيتيس.
عبدصمد زلزولي | |||
معلومات عامة | |||
زيادة | 17 دجنبر 2001 (22 عام) بني ملال | ||
لجنسية | سپانيا (2021–) لمغريب | ||
لحرفة | كوايري | ||
رياضة | |||
رياضة | كورة | ||
پوسط | نصف الجناح | ||
لجنسية رّياضية | لمغريب | ||
نمرة | 7 | ||
لفراقي | |||
---|---|---|---|
أعوام | فرقة | ماتشات | بيوتا |
2019–2020 | نادي إيركوليس ب | 25 | (5) |
2019–2021 | نادي إيركوليس | 22 | (2) |
2021–2022 | نادي برشلونة أتلتيك | 21 | (3) |
2021–2023 | إف سي برصلونة | 14 | (1) |
2022–2023 | ← أوساسونا (إعارة ) | 34 | (6) |
2023– | ريال بيتيس | 4 | (0) |
لمونتخاب لوطني | |||
2020– | منتخب المغرب تحت 20 سنة | 5 | (2) |
2022– | لمنتخب لوطني لمغريبي د لكورة | 7 | (0) |
2023– | منتخب المغرب تحت 23 سنة | 4 | (3) |
لجوايز |
| ||
تولد زلزولي ف بني ملال ف لمغريب، ؤ رحل معا عائيلتو ل صبانيا ملي كانت عندو سبع سنين، ب ضبط ف مدينة إلتشي.
بدا يلعب كورة ملي كان صغير معا لفراقي د مدينتو، ؤ حاول يدخل يلعب معا إلتشي سي إف، لفرقة لكبيرة ف لمدينة، والاكين ماقبلوهش. بقا مكمل معا لفراقي د درب ف إلتشي حتا شافو لمودريب د هيركوليس ؤنطونيو مورينو دومينݣيز، لي قتارح ليه كونطرا باش يلعب معاهم، ؤ موراها مشا زلزولي يلعب معا لفرقة د مدينة أليكانتي. ماركا أول بيت ديالو ضد ؤريويلا سي إف ف 22 نونبر 2020. ف لخر د 2020 كان غادي يمشي يلعب معا ڤالينسيا، والاكين حتال أخير وقيتة زادت لفرقة ديالو بند جديد بلي إلا مالعبش 45 دقيقة ف 5 د لماتشات ڤالينسيا خاصها تعطي تعويض د عشرالاف ؤرو، هادشي خلا لمفاوضات ماتكملش ؤ بقا معا هيركوليس.
ف 31 غشت 2021، سنا كونطرا د تلت سنين معا لفرقة د إف سي برصلونة ب جوج مليون د لأورو. بدا يلعب موراها معا لفرقة تانية.
ف 30 أكتوبر، عيطلو لمدريب لمؤقت سيرجي بارخوان د لفرقة لولة باش يلعب ضد ديپورتيڤو ألاڤيس ف ليݣا، لي دخل يلعب فيه ف دقيقة 80 بلاصت ؤسكار مينݣيزا. ف 12 دجنبر، ماركا أول بيت ديالو ضد ؤساسونا ب ضومي ڤولي پاصاها لو ؤسمان ديمبيلي.
ف 1 شتنبر 2022، جدد لكونطرا ديالو حتال 2026 معا لبارصا، لي موراها سلفاتو ل لفرقة د ؤساسونا.
شارك زلزولي ف بزاف د لماتشات لويدية معا لكاطيڭوريات صغار د لمونتخاب د لمغريب، خصوصا معا قل من 15 لعام ؤ حتا معا قل من 17 لعام، لي كان كيدربهم لمودريب لبرطقيزي جواو فيليپ أروسو لوپيس دا سيلڤا.
ف 2020، شارك معا لمونتخاب د لمغريب ف كاس لعرب د قل من 20 عام، ؤ ماركا فيها جوج بيوتا ضد دجيبوتي.
ف أكتوبر 2021، شارك ف تربص إعدادي معا لمونتخاب د لمغريب قل من 23 عام. ف 23 دجنبر، عيطلو لمودريب وحيد خليلوزيتش باش يلعب كاس إفريقيا ف لكاميرون معا لمونتخاب لول. رفض زّلزولي موراها دعوة ديال خليلوزيتش باش يركز معا يركز معا فرقتو.
This article uses material from the Wikipedia داريجة article عبدصمد زلزولي, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.