طيفال: شركة فرانساوية
طيفال (بالفرانساوية Tefal) هي واحد الشركة فرانساوية متخصصة ف الماعن ؤ الدوزان د الكوزينة خصوصا الماعن اللي ما كايلصّقوش.
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
ولات فرع ديال ݣروپ SEB من 1968 ؤ مسجلة 150 بروڤي ديال الختيراع ف العالم.
طيفال | ||
 | ||
| معلومات أساسية | ||
| نوع د لمؤسسة | بيزنيس و مقاولة | |
| لبلاد | فرانصا | |
| لموضع | روميلي | |
| لمؤسس | مارك ڭريڭوار | |
| تاريخ د تّأسيس | 1956 و 1954 | |
| سّيت رّسمي | tefal.com | |
| معلومات إضافية | ||
| فروع | ||
التاريخ
الفكرة ؤ البداية
شركة طيفال المحدودة (بالفرانساوية: Tefal S.A.) تصاوبات ف 1956 ف سارصيل Sarcelles ف الڤال دو وازي Val-d'Oise، ف فرانسا من طرف جوج ديال المهندسين: مارك ݣريݣوار Marc Grégoire، مهندس ف l'ONERA (المكتب الوطني ديال المدارسة ؤ البحث الفضاوي) ؤ لويس هارتمان Louis Hartmann، المتخصص ديال الپوليميرات اللي ما كايلصقّوس اللي كايتسمّاو الطيفلون téflon. مارك ݣريݣوار كان خدّام كايغيّز القصبات د الصيد ديالو حتى اختارع القصبة الطيليسكوپية بالسبيب ديال الزاج. ولكن المشكلة كانت هي أن المادة اللي صنع منها السبيب كانت كاتتلصّق فاش كايبغي يفكّها ؤ تما فين جاتو الفكرة يخدّم فيها مادة الطيفلون اللي كانت موجودة عند l'ONERA باش السبيب يتفك ب سهولة. فاش مراتو ݣالت ليه يصاوب ليها كاصويرة ما كاتلصّقش، مارك مشى لأقرب حانوت فين لقا غا مقلة. مور ما قرا واحد المقال علمي على الموضوع، ناض حط واحد الپروصيص اللي كايمكّن من التغراس (التلصاق) ديال الطيفلون على ديسك ديال لامينيو: فاش كاتداوي لامينيو ب لاسيد كلوريك كايتسبب ليه ف تقيبات صغار بزاف فين ممكن الطيفلون يشد ؤ يتفيكسا. البروڤي ديال أول مقلة ما كاتلصقش تحط ف 1954. السمية ديال طيفال Tefal جات من الضميص ديال كلمة طيفلون teflon ؤ ألومينيوم aluminium. أول مقلة من هاد الشكل محطوطة ف متحف دوپون دو نومور Dupont-de-Nemours ف ويلمينݣطون ف ماريكان.
محاولة بيع الپروڤي
موراها، مارك حاول يبيع الاختراع ديالو ل بزاف ديال المنتجين بلا حتى فايدة: المقلة ديال القلي ديك الساعة كانو الناس كايشوفوها كا دهاز ديال الدار كايشريوها فاش يالاه كايكّونو الفاميلة ؤ العش ديالهم ؤ كاتبقى تتوارت ؤ تدوز من جيل لجيل، واخا كايرقّعوها مرة مرة. المنتجين إدن كانو ما مسوقينش لهاد الاختراع. هنا فين مارك ݣريݣوار قرّر يصاوب مقاليه اللي ما كايلصّقوش الراسو: ناض أسس ماركة طيفال Tefal ف 1956 اللي كانت عبارة على SARL ديك الساعة ؤ خدّم أول أجير ديالو اللي هو هيلموت موتل Helmut Mottl.
الشهرة ف ميريكان
هاد الماركة الجديدة دارت راواج عالمي كبير مباشرة مور ما ربح تجون فرانكلين كينيدي ف الاتخابات ف ماريكان. حيت مراتو مباشرة من مور ما طلع كانت مشات تصورات شادة مقلة د طيفال ف يدها ؤ هي خارجة من الحانوت د ماكي Macy ف الربيع ديال 1961. كا نتيجة لهاد الشي، المْقالي د طيفال تشهرو بزاف ف ميريكان ؤ تباعو بالملاين. الشي اللي خلا بعض المرات الشركة تصيفطهم ل تمّا ف الطيارة.
فورنيسّور جديد
خمس سنين موراها، واحد من الفورنيسورات ديال الدياسك د لامينيو سميتو فورج دو كرون Forges de Cran ؤ اللي دابا ولّى سميتو پيشيني رينالو Pechiney Rhenalu، ف أنيسي Annecy عرض على شركة طيفال تشري من عندو وْزين ديال لامينيو التيساع ديالو 3000 ميطرو مربع ؤ اللي قريب لفين هوما كاينين. ف 1961 طيفال تأنسطالات ف روميلي Rumilly.
الشريان من طرف ݣروپ سيب
ف 1968، طيفال شراها الڭروپ سيب groupe SEB.
النمو ؤ الابداع
الشركة عولات على الابداع بزاف ؤ بالجهد باش تطوّر راسها. ف 1974، خرّجات طاوا ديال الڭوفري ؤ البريكة ديال البوطة د الڭاز. ف 1980، خرّجات للعالمية واحد القشرة مضادة للتلساق سميتها T-Plus. عاماين موراها لونصات أول مقراج ديال الضو ديالها موجهة للسوق النڭليزية. ف 1985 خرجات أول ميزات ديال بنادم خدام بالضو. ف 1990 خرجات حجرة ديال الطياب خدامة بالضو. ف 1995 طيفال دخلات على المارشي ديال Puericulture (التهلية فالترابي) بواحد التشكيلة سميتها Tefal Baby Home (طيفال ديال الترابي ف الدار). ف 2002 خرجات للمارشي القالب ديال السيليكون الساهل ف الخويان.
التلوت
ف غشت 2022، الوكالة المحلية ديال الصحة ARS t ف ؤڤيرن-رون-ألپس دارت تحاليل ديال الما الصالح للشريب ف روميلي Rumilly ؤ لقات باللي بالنيڤو ديال PFOA اللي هو واحد المركب ممنوع فايت ب 1,5 للنيڤو المسموح صحيا.
ف فبراير 2023، الجورنال لوموند Le Monde نشر مقال كايدوي فيه على التلوت ديال شي مواضع ف فرانسا بالPFAS ؤ ركز على الموضع ديال روميلي Rumilly، ؤ نبه على أن المفرشات الماوية ف داك السيكطور ملوتين بيه بزاف. شي خدّاما قدام ديال ڭروپ سيب (مول شركة طيفال) تّاهمو الڭروپ بأنه جاب كاميونات ديال الPTFE ؤ دفڭهم بالعاني ف مزبالات كانو تما. الشي اللي الڭروپ نكرو.
شهر من موراها، المقاطعة د الساڤوا العالية ؤ الوكالة المحلية ديال الصحة ARS t ف ؤڤيرن-رون-ألپس نصحو الناس باش ما يبقاوش ياكلو الحوت اللي كايصيدوه فالسيكطور د روميلي Rumilly.
عيون الكلام
مزاود
This article uses material from the Wikipedia داريجة article طيفال, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.