تّقويم هوّا سيستيم ديال تنضيم زّمان، لي كيتقسم فيه ل يامات، سيمانات، شهورا ؤ عوام.
تّاريخ هوّا تحديد ديال واحد نّهار براسو ف تّقويم، لي كيتّعرف ب سميتو، نّمرة ديالو ف شّهر، ؤ لعام (متلاً تّنين 20 يونيو 2022). لموصطلح د "تقويم" يقدر يتسما حتا على تسجيل مكتوب ديال تقويم ف وراق ؤلا غيرو، وخا ف تّخدام لعام كلمت "كالوندري" مستعملة كتر ب هاد لمعنى. لفترات (شهورا ؤ عوام) ديال تقويم كيتبعو عادةً لحاراكات ديال لقمر ؤ شّمش، ولاكين ماشي ديما.
أكتر نوع ديال تّقويمات لي كان مستعمل ف لقديم، كان هوّا تّقويم لقمري شّمسي، لي كان كيحدد شّهر على حساب دّورة ديال لقمر على لأرض، معا إضافة ديال شهر ف لعام ف بعض لعوام باش يبقا تابع ل لمدة د لعام شّمسي على لمدى لبعيد. تّخدام ديال تّقويمات كيرجع ل لعصر نّيوليتي، ؤ كاينين مبنيات ميڭاليتية لي كيعتاقدو لأركيولوجيين بلي كاتمتّل سيستيمات ديال لحساب د زّمان، بحال ستونهينج ف نّڭليز ؤ معلامة مزورا ف لمغريب.
هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article تقويم, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.