تشاكرا

كلمت "تشاكرا" جات من جدر هندوؤروپي قديم، لي كانلقاو مشتقات ديالو ف ليونانية κύκλος، ؤ تا ف لّوغات لّاتينية بحال لفرانساوية cycle، ؤ كاتعني "سيكل" ؤلا "دوّارة".

واخا عندها بزاف تاع تّفسيرات ولكن كاين تفسير واحد مشترك:

• تتشكل جزء من مكنون طاقة رقيقة حدا قنوات ؤلا ويدان طّاقة لمسمية "نادي" و حتا تيارات رقيقة تتسمى "برانات".
• هيّا كاينة ف واد رئيسي لي سميتو سوشومنا، و لي تيمشي داخل سّنسول و حداه.
• كاينين 2 تاع نوادي خرين هوما إيدا و پينݣالا تيمشو ف تشاكرا حدا سوشومنا، و بعض لمرات تيقطعوها ف بلاصة شاكرات.

يعني بلي تشاكرات هي مراكز طاقة ف سّنسول و كاينة ف تفرعات رئيسية د لجهاز لعصبي د بنادم. و تتبدا من قاعدة سّنسول وغادية طالعة ل فوق لقلقولة، و تدوز من تلاتة قنوات تاع طّاقة رّئيسية، لي هيّا سوشومنا و إيدا و پينݣالا. تتعتبر تشاكرا نقطة لملاقية و رابطة طاقة لفيزيك لحيوية د لكسدة تاع بنادم. و ݣالت سوزان شومسكي بلي لبرانا هو لمكون لأساسي تاع لكسدة لي ماتيبانش و هو حقل طاقة و نيضام تشاكرا متكامل... سّاروت تاع لحياة و مصدر طاقة ت لكون.

تشاكرات سّبعة لأساسية على حساب لوصف لعام ديالها:

1. مولادارا (سنسكريتية मूलाधार، طايلاندية มูลาธาระ) وهي تشاكرا جّدر ولا لقاعدة (پروسطاط)
2. سڤاديستانا (سنسكريتية स्वाधिष्ठान، طايلاندية สฺวาธิษฺฐานะ) تشاكرا سّاكروم (عضم سّاكروم لي كيكون ف لتحت ف سّنسول)
3. مانيپورا (سنسكريتية मणिपूर، طايلاندية มณีปูระ) تشاكرا الضفيرة الشمسية (كاينة ف السرة)
4. أناهاتا (سنسكريتية अनाहत, طايلاندية อนาหะตะ) تشاكرا لقلب ( كاينة ف لقلب)
5. ڤيشودي (سنسكريتية विशुद्ध, طايلاندية วิศุทฺธะ) تشاكرا لقرجوطة ( كاينة ف لقرجوطة و رّجبة، لفوق د سّدر)
6. أجنا (سنسكريتية आज्ञा, طايلاندية อาชฺญา) تشاكرا لحاجب ؤلا لعين التالتة (لغدة الصنوبرية ولا لعين التالتة)
7. ساهاسرارا (سنسكريتية सहस्रार, طايلاندية สหัสฺราระ) تشاكرا التاج ( فوق رّاس)

• الشاكرات
•  
  مولادارا
•  
  سڤاديستانا
•  
  مانيپورا
•  
  اناهاتا
•  
  ڤيشودي
•  
  أجنا
•  
  ساهاسرارا