كيفاش تزيد لعيون
هاد لمقال كيحاول يشرح، من نّاحية تّقنية، كيفاش كيتزادو لمصادر د لمعلومات (عيون لكلام كيف كانسمّيوهوم ف ويكيپيديا ب دّاريجة).
لحكام د لعيون ب لموقابيل موجودين ف ويكيپيديا:لحكام د لمحتوى - عيون لكلام.
وحدة من سّياسات لأساسية ديال ويكيپيديا هيّا لمراجعية، يعني لقابلية ديال لمعلومات باش يتراجعو ؤ يتڤيريفاو من طاراف أي كتاتبي ؤلا قاري. لمقالات د ويكيپيديا خاصها تكون موتّقة ب عيون موتوقة لي كاتدعم لمحتوى د لمقال، سيرتو لمعلومات لي يقدر شي حد يشكّك ف صّحة ديالها. ويكيپيديا أيضاً ماشي بلاصة ديال لأبحات لأصلية، ؤ ماخاص حتا كتاتبي يزيد معلومات ؤلا ستينتاجات من راسو، بلا مايتحقق بلي كاينة ف شي مرجع موتوق. يلا كنتي كا كتاتبي كاتزيد معلومات إضافية ل شي مقال، كاتبقا لمسؤولية ديالك باش تزيد عيون لي كاتدعم ديك لمعلومات. أي معلومات مامدعوماش تقدر تعرّض ب سوهولة ل تّحياد. ف شي حالات يقدر شي كتاتبي أخور يزيد طّاڭ ديال خاص شي عين/مصدر لهادشي، باش يعطي لفورصة ل مول تّعديل لأصلي يزيد عيون مناسبة. ولاكين ف بزاف د لحالات يقدر داكشي يتحيّد ب كل بساطة. لكتاتبي خاصّو يحاول يزيد لعيون بأمانة (ماديرش عين مافيهاش لمعلومات لمقصودة ؤلا عين خيالية لي ماكايناش ڭاع)، ؤ بدقة (متلا يدير حتا نّمرة د صّفحة ف كتاب ؤ يلا قدر حتا لمقطع من لكتاب لي فيه لمعلومة)، باش يسهّل لمراجعة ديال لعيون.
كاينين بزاف د لأنواع د لعيون، بحال لمقالات صّحافية ف لويب ؤلا ف جّورنالات ؤ لمجلات، لمقالات لعلمية، ؤ لكتوبا. كلا واحد فيهوم عندو طاݣ ؤلا قالب خاص بيه باش كيتزاد ف لموضع د تّيكست لي محتاجين ليه.
طّاݣ ref ؤ قالب:عيون
باش يتجمعو لعيون ف بلاصة وحدة، خاص لقالب د كلا عين يكون مضور بيه طّاڭ د سمية ؤلا ليان ؤلا قالب د لعين. بشكل ؤطوماتيكي كيتجمعو لعيون ف لّخر ڭاع د لمقال. يلا بغيتي يتجمعو لعيون ف موضع محدد د لمقال (ماشي ب ضّارورة ف لّخر ڭاع) متلا تحت فقرة خاصة ب لعيون، كاتستعمل موضيل:عيون ب هاد شّكل:
== عيون لكلام == {{عيون}} طّاݣ ref تقدر تزيدو ب كليك واحد على "مرجع" ف لبارة ديال تّعديل.
يلا كتبتي لعين كيما موصوف ف لفقرة لي قبل غادي تبان هاكا:
عيون لكلام
أبسط طاريقة
يلا وحلتي ف زّيادة د لعيون، ؤ بغيتي طاريقة ساهلة، يكفي تزيد سّمية د لعين بين طّاݣات د ref كيما ديجا مشروح قبل، متلاً:
الإستقصا في أخبار المغرب الأقصى، الناصري، ص. 65
يلا كانت لعين على شكل ليان د لويب، تقدر تزيدها ب أبسط طاريقة هاكا:
[http://www.google.com ݣوݣل]
صفحات د لويب
لعيون لي على شكل صفحات عامة د لويب (ديال شي سيت د لويب) كيتقادو ب ستيعمال موضيل:مرجع ويب ؤلا قالب:Cite web. هاد لقالب كيسمح ب وضع معلومات محددة على لعين، بحال لعنوان، تّاريخ فاش صدرات، تّاريخ فاش تشافت، لّيان (رابط) د لويب، لّوغة، طّرجامة د لعنوان يلا ماكانش ب دّاريجة، سّمية د سّيت، مقطع من لعين لي عندو علاقة ب لموضوع... لقالب ؤ لمودول لي خدّام من موراه كيتكلّفو ب لفورماطاج ديال نّص د لعين باش تبان بشكل مزيان ؤ مقاد. تّفاصيل ديال تّخدام د هاد لقالب كاينة ف ضّوكو د لقالب براسها. ف لكوض كيبان هاد لقالب هاكا:
{{مرجع ويب |url=لّيان |title=لعنوان |trans-title=طّرجامة د لعنوان |date=تّاريخ فاش صدرات (متلا 6 مارس 2004) |website=سّمية د سّيت |access-date=تّاريخ فاش تشافت (متلا 25 أكتوبر 2021) |quote=مقطع |language=لّوغة (ب سّمية بحال "لعربية"، ؤلا لكوض د لّوغة بحال "ar" }} باش يتزاد معا لعيون، غادي يخص تضوّر هاد لقالب ب طّاݣ د ref ب طابيعت لحال.
لكتوبا
جّورنالات ؤ لمجلات
لخبار
This article uses material from the Wikipedia داريجة article معاونة:كيفاش تزيد لعيون, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.