Воро́неж — кала Россияныҥ кӱнбадыш келтейинде Воронежский областьтыҥ админстрациялык тӧс јери.
Воронеж суу Дон сууга киргенинеҥ 12 километр ыраагында турат; Москвага јетире 520 км кире бар. Воронеж каланыҥ эл-јоны чаган айдыҥ 1 кӱниниҥ 2021 јылда 1 050 602 кижи. Воронежский агломерацияда 1,3 млн-ноҥ артык кижи. Воронежский областьтыҥ Администрациялык-јерлӱ бӧлӱги ле Воронеж каланыҥ округыныҥ муниципал тӧзӧлмӧзи јаҥыс эл-јон јаткан јер болот.
Кала | |||||
Воронеж | |||||
---|---|---|---|---|---|
орустап Воронеж | |||||
| |||||
HGЯO | |||||
Эл-тергее | Россия | ||||
Федерацияныҥ субъекты | Воронежский область | ||||
Каланыҥ округы | Воронеж кала | ||||
Ич бӧлӱк | 6 аймак | ||||
Каланыҥ башкараачызы | Вадим Кстенин | ||||
Тӱӱкизи ле географиязы | |||||
Тӧзӧлгӧн јылы | 1586 | ||||
Кала ала | 1586 | ||||
Текши јери | 596,51 км² | ||||
Бийиги | 154 м | ||||
Климады | орто континентал | ||||
Ойдиҥ поязы | UTC+3:00 | ||||
Эл-јонныҥ тоозы | |||||
Эл-јонныҥ тоозы | ↘1 050 602 кижи (2021) | ||||
Ныктазы | 1767,84 кж./км² | ||||
Агломерация | Воронежский | ||||
Катойконим | воронежецтер, воронежец | ||||
Тоолорлу идентификаторлор | |||||
Телефонныҥ коды | +7 473 | ||||
Почтаныҥ индекси | 394000-394095 | ||||
АТТК-ныҥ коды | 20401 | ||||
МТТК-ныҥ коды | 20701000001 | ||||
Номер в ГКГН | 0006306 | ||||
Оноҥ до ӧскӧзи | |||||
Награды | Ӱлекер:Ада-Тӧрӧл учун Улу јууныҥ I степеньдӱ ордени | ||||
Каланыҥ кӱни | третья суббота сентября | ||||
Окылу эмес ады | Черноземьениҥ тӧс јери | ||||
voronezh-city.ru | |||||
| |||||
Медиафайлдар Викискладта |
XIX чактыҥ орус языковед-слависти И. И. Срезневский «воро́неж» деп сӧс кускун-«во́рон» куштыҥ адынаҥ ары барган деп јартайт. Немецкий языковед М. Фасмер, тӧрт том орус тилдиҥ Этимологический сӧзлигиниҥ авторы, Воро́неж деп сӧс «вороно́й» (чёрный) деп јарталгыш сӧстӧҥ улам барган деп бодоштырат. И. И. Срезневский ле М. Фасмердиҥ кӧрӱмин Н. П. Милонов М. Н. Мельхеев ле В. А. Никоновтыҥ топоним сӧзликтерине кийдирген. Н. П. Милонов Воро́неж ле Воро́на сууныҥ ӧҥиле бириккен деп айдат. В. А. Никонов «еж» эмезе «неж» деп сӧстӧрди, ӧскӧ јебрен тилдерде туштайт деп ајарат . В. П. Загоровский деп воронежский краеведтиҥ версиязы Воро́неж јебрен Вороне́г деп сӧстӧҥ притяжательный прилагательный «вороне́ж» бӱткен, эмезе јебренславянский кижиниҥ адынаҥ, була ӧйдӧ ойконим Воронеж XI ле XII чактарда Чернигов княжествоноҥ, «Воронега кала» дегени бери кӧчкӧн болор деп бодоштырулар бар. В. П. Загоровскийдиҥ айтканыла Вороне́жти кийнинде атла колбобой, согултаны экинчи ӱйеге тургускан. Подоньеде Воро́неж деп экинчи гипотетический кала (эмди јок), каланыҥ адыла сууны Воронеж деп адаган. Учында сууда эмдиги Воронеж кала тудулган (ӱчинчи).
Газеттерде бир бӧлӱк статьялар, оноҥ комплексный билим шиҥжӱде «Воронеж: јебрен сӧс лӧ јебрен кала» деп тӱӱкичи П. А. Попов В. П. Загоровскийдиҥ версиязыла јӧп эмес. Павел Александровичтиҥ айтканыла славянско-русский топонимияда каланыҥ адыла сууны адаган бир де учурал јок. Ого коштой јебрен орус бичимелдерде славянский Воронег деп ат эмдиге јетире бир де табылбаган. П. А. Поповтыҥ айдыжыла калыктар јаҥы јерлерге келип географиялык объекттерди ар-бӱткен темдектериле адаган. Бу билимчи славянский макротопоним «Воронеж», тазылы ворон- «чёрный, тёмный» деп учурлу, суффикстери -Еж (-аж, -ож) кайдаҥ да келбеген, ар-бӱткен-тӱӱкилик область сӱреен јаан кара агашла бӱркелген, камык јебрен јон јаткан јерлерлӱ. VIII—IX чактарда Воронеж сууныҥ алты јанында, оноҥ XII—XIII чактарда јондор сууныҥ орто ло ӱстӱги агынына кӧчкӧн, эидиги Липецкий область ла Тамбовский областьтар јаар.
Оноҥ ары «Воронеж» деп атту јаҥыс Воронеж суу болгон, XVI чакта Воронеж деп атту кала тудулган. Мындый версияны кӧп саба билимчилер јарадат.
Јондык этимология каланыҥ адын ворон ло еж деп сӧстӧрдӧҥ бӱткен деп айдат; азый мында ондый укту јондор болгон, бу јондор тындулардыҥ адыла адалган, суу ла каланыҥ ады оноҥ келген. Билим бу версияны чынга бодобойт.
Воронеж кала Россияныҥ Европей јанында Среднерусский возвышенностьтыҥ ла Окско-Донской равнинаныҥ кыйузында 51° 29’ ла (Будённый јурттаҥ тӱштӱктей садтар) 51° 54’ тӱндӱк широталардыҥ ортозында (Ару (Чистый) деп кордон); 39° 01’ ла (кӱнчыгыштай Кӧлӧткӧдӧ, Тенистый деп кордон), 39° 40’ (Толши) кӱнчыгыш долгота. Кала среднерусский лесостепьтиҥ тӱштӱк јанында турат. Воронеж сууны экијараттай туруп јат, Дон сууга киргенинеҥ ары 12 км, Москванаҥ 463 км тӱштӱк-кӱнчыгыш јаар турат. Воронежке Краснолесный деп микрорайон-эксклав база кирет, оны айландыра Верхнехавский аймактыҥ јерлери јадат.
Ӱлекер:Color јаан городторго јетире (кӧндӱре/кӧӧлик јолдорло) | ||||
---|---|---|---|---|
ТД-КБ | Минск ~ 971 км Брянск ~ 478 км Орёл (кала) ~ 345 км | Санкт-Петербург ~ 1243 км Москва ~ 515 км Тула ~ 345 км Липецк ~ 128 км | Самара ~ 876 км Нижний Новгород ~ 721 км Саранск ~ 617 км Пенза ~ 510 км Тамбов ~ 218 км | ТД-КЧ |
КБ | Ӱлекер:Табличка-ru Курск ~ 231 км Киев ~ 700 км Львов ~ 1209 км | Ӱлекер:Табличка-ru Саратов ~ 510 км Екатеринбург ~ 1755 км Новосибирск ~ 3191 км | КЧ | |
ТШ-КБ | Белгород ~ 255 км Харьков ~ 326 км Одесса ~ 990 км | Луганск ~ 467 км Ростов-на-Дону ~ 563 км Краснодар ~ 834 км Тбилиси ~ 1420 км | Волгоград ~ 568 км Астрахань ~ 998 км Баку ~ 1784 км | ТШ-КЧ |
Воронежте контрастный рельеф, динамически активный структура тууразы 30 км — Кривоборский прогиб, Среднерусский возвышенность ло Окско-Донской равнинаныҥ кыйузында јадат. Окско-Донской равнина бир јылга 5,5 мм јабызап јат, Среднерусский возвышенность дезе кӧдӱрилет. Мындый кыймык јердиҥ микросейсмический колебаниелериниҥ шылтагы болуп јат, амплитудазы фоновыйдаҥ 6 катап кӧп. Микросейсмичностьтыҥ кемине Воронежский водохранилище ле каланыҥ инфраструктуразы база салтарын јетирет.
Кӧргӱзӱ | чаг | кочк | тулаа | канд | кӱӱк | кизу | јизӱ | кур | сыг | ӱлӱ | кӱч | јаҥ | Јыл |
---|---|---|---|---|---|---|---|---|---|---|---|---|---|
Ӱстӱги бажы, °C | 8,0 | 11,0 | 18,4 | 29,2 | 35,7 | 38,9 | 40,1 | 40,5 | 32,1 | 26,5 | 18,1 | 12,4 | 40,5 |
Орто бийиги, °C | −3,4 | −3 | 2,9 | 13,9 | 21,1 | 24,5 | 26,6 | 25,6 | 18,9 | 10,9 | 2,3 | −2,5 | 11,5 |
Орто температура, °C | −6,1 | −6,5 | −1 | 8,3 | 14,8 | 18,5 | 20,5 | 19,2 | 13,3 | 6,9 | −0,4 | −5 | 6,9 |
Ортолой јабыс, °C | −8,8 | −9,3 | −4,2 | 3,6 | 9,3 | 13,2 | 15,2 | 13,7 | 8,7 | 3,6 | −2,6 | −7,6 | 2,9 |
Сыраҥай јабыс, °C | −36,5 | −36,2 | −32 | −16,8 | −3,3 | −1,6 | 5,0 | 0,4 | −5,2 | −15,2 | −25,1 | −33,4 | −36,5 |
Јут-чыктыҥ кеми, мм | 41 | 37 | 33 | 38 | 46 | 74 | 62 | 52 | 61 | 50 | 46 | 44 | 584 |
Кайдаҥ алынган: Погода и Климат |
Кӧргӱзӱ | чаг | кочк | тулаа | канд | кӱӱк | кизу | јизӱ | кур | сыг | ӱлӱ | кӱч | јаҥ | Јыл |
---|---|---|---|---|---|---|---|---|---|---|---|---|---|
Орто бийиги, °C | −5,8 | −4,4 | 3,4 | 14,5 | 21,4 | 25,0 | 28,5 | 27,1 | 19,9 | 10,9 | 3,9 | −1,1 | 11,9 |
Орто температура, °C | −7,6 | −6,9 | 0,4 | 9,5 | 15,8 | 19,6 | 22,7 | 21,3 | 14,9 | 7,7 | 1,7 | −2,1 | 8,1 |
Ортолой јабыс, °C | −10,3 | −8,4 | −2,6 | 4,3 | 10,2 | 14,1 | 16,9 | 15,3 | 9,8 | 4,1 | −0,3 | −4,7 | 4,0 |
Кайдаҥ алынган: www.weatheronline.co.uk, |
Кӧргӱзӱ | чаг | кочк | тулаа | канд | кӱӱк | кизу | јизӱ | кур | сыг | ӱлӱ | кӱч | јаҥ | Јыл |
---|---|---|---|---|---|---|---|---|---|---|---|---|---|
Орто бийиги, °C | −5,8 | −4,4 | 3,4 | 14,5 | 21,4 | 25,0 | 28,5 | 27,1 | 19,9 | 10,9 | 3,9 | −1,1 | 11,9 |
Орто температура, °C | −7,6 | −6,9 | 0,4 | 9,5 | 15,8 | 19,6 | 22,7 | 21,3 | 14,9 | 7,7 | 1,7 | −2,1 | 8,1 |
Ортолой јабыс, °C | −10,3 | −8,4 | −2,6 | 4,3 | 10,2 | 14,1 | 16,9 | 15,3 | 9,8 | 4,1 | −0,3 | −4,7 | 4,0 |
Кайдаҥ алынган: www.weatheronline.co.uk |
Каанныҥ Воронежти тудары керегинде Јасагы табылбаган. Кӧмзӧдӧ Захарьин-Юрьев деп бояринниҥ јакылтазы бар, Москов каандыкта каруул тудумдарды јаҥыртары керегинде болгон, 1586 јылда бичилген,:
«По государеву царёву и великого князя Фёдора Ивановича всея Руси указу и по приговору бояр князя Фёдора Ивановича Мстиславского с товарищы на «Сосне», не доезжая Оскола два днища, поставить велено город Ливны, а на Дону на Воронеже, не доезжая Богатово затону два днища, велено поставить Воронеж…»
Је, 1585 јылда бичилген Разрядный приказтаҥ кӧрзӧ, Воронеж 1585 јылда бар болгон. Шибее 1586 јылда тудулган учун, Воронеж кала тӧзӧлгӧн деп 1586 јыл чотолот.
Смутное время тушта Воронежтиҥ јоны ол ӧйдиҥ Јаҥыла јӧп эмес, ого удура болгон. 1605 јылда Воронеж самозванец Лжедмитрийди (I) јӧмӧгӧн, онызы божогон кийнинде Василий Шуйскийге удура болгон. 1610 јылда Лжедмитрийди (II) јӧмӧгӧн, Лжедмитрий II 1610 јылда јаҥар айдыҥ 22 кӱнинде ӧлтӱрткен. Воронежецтер польский королевич Владислав IV бакпаган.
Крымда каандыкла јуулажарга (орустап ханство) орус башкару бойыныҥ јанына Донныҥ казактарын јаба тарткан (XV—XVII) . Оныҥ учун, 1613 јылда Воронежте јаткандар казактарга акча, сукно, курсак-тамак ла јуу-јепсел аткаратан болгон, бу «донской отпусктар» деп адалган. Оны суула јетиретен болгон. Јетирерге Воронежте — стругтар деп керптер тудулган. Онойдо 1613 јылда казактарга Воронежте јаткандар 11 «постав» јетирген (36 аршин) сукно, 189 четверть аш, 22 пуд корголјын (свинец), 4 пуд сера, 22 пуд селитра, 55 кӧнӧк аракы, 1614 јылда — 1 000 салковой, 23 постава сукно, 200 четверть аш, 60 пуд тары (порох), 30 пуд свинец, 30 пуд селитра, 100 кӧнӧк аракы. Воронежте јаткандар Москванаҥ посолдорды уткып, Осман империя јаар аткарып, олор ойто келзе уткып туратан.
1695 јылда Петр I каанныҥ Азовский походында орус черӱ Азов шибеени алып болбогон. Табару келишпей калган, шибееде турецкий гарнизон болушты талай ажыра алган. Оныҥ учун Азов јаар экинчи походко белетениште Москванаҥ ыраак јок Преображенское јуртта кышкыда 22 галера ла 4 брандер туткан, крептерди бӧлӱктеп-бӧлӱктеп Воронежке экелеле, ойто јуугандар. Бу ла ӧйдӧ Воронежский кырайда бӱдӱн јарым муҥ кире стругтар, тайлай-кемелер ле плоттор, онойдо ок бир кереп тудулган. Азов шибеени экинчи походто орус черӱ алып соккон. Орус флот Азов шибеени курсакла јуу-јепселле талай келтейинеҥ јеткилдеерге бербеген.
1917 јылда Воронежте эсерлер Петроградта керектерди јонноҥ јажырып ийерге јазанган. Большевиктер ле сол-эсерлер Военно-революционный комитет тургуссын деп сакып болбой, бойлоры кыймыктанган, ӱлӱрген айдыҥ 30 кӱни (кӱчӱрген айдыҥ 12 кӱни) 1917 јылда 5-чи пулемётный полк тӱймеен чыгарган кийнинде, Воронежте јаҥ большевиктерге (А. С. Моисеев башкарган военно-революционный комитетке) кӧчкӧн. 3 (16) јаҥар айдыҥ 1917 јылда банкты комитет база колго алган. 10 (23) јаҥар айдыҥ 1917 јылда Воронежский советтиҥ исполнительный комитеди Кызыл Черӱниҥ спецотрядын јууган. 28-јаҥар айдыҥ 31 кӱни 1917 (чаган айдыҥ 13 кӱни 1918) јылда (9-13 (26) чаган айдыҥ 1918 јылда) Воронежте I-кы Губернский крестьянский съезд болгон, мында јаҥныҥ јаҥы бӱдӱм-органдары тудулган.
Эл-јонныҥ тоозы | ||||||||||||||
---|---|---|---|---|---|---|---|---|---|---|---|---|---|---|
1615 | 1626 | 1676 | 1777 | 1811 | 1818 | 1840 | 1856 | 1860 | 1863 | 1897 | 1913 | 1914 | 1920 | 1923 |
7000 | ↘2000 | ↗5000 | ↗13 000 | ↗22 100 | ↘20 000 | ↗43 800 | ↘37 700 | ↗40 000 | ↗40 900 | ↗80 599 | ↗94 800 | ↘93 700 | ↘90 000 | ↗95 000 |
1926 | 1931 | 1933 | 1939 | 1956 | 1959 | 1962 | 1967 | 1970 | 1973 | 1975 | 1976 | 1979 | 1982 | 1985 |
↗122 000 | ↗161 570 | ↗212 400 | ↗326 932 | ↗400 000 | ↗447 164 | ↗516 000 | ↗611 000 | ↗660 182 | ↗713 000 | ↗749 000 | →749 000 | ↗782 950 | ↗820 000 | ↗851 000 |
1986 | 1987 | 1989 | 1990 | 1991 | 1992 | 1993 | 1994 | 1995 | 1996 | 1997 | 1998 | 1999 | 2000 | 2001 |
↗856 000 | ↗872 000 | ↗886 844 | ↗890 000 | ↗900 000 | ↗902 000 | ↗903 000 | ↗905 000 | ↘903 000 | ↗904 000 | ↗910 000 | ↘904 000 | ↗908 900 | ↘907 700 | ↘901 800 |
2002 | 2003 | 2004 | 2005 | 2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 |
↘848 752 | ↗850 000 | ↘849 800 | ↘848 800 | ↘846 300 | ↘840 700 | ↘839 900 | ↗843 496 | ↗889 680 | ↗979 884 | ↗991 269 | ↗1 003 638 | ↗1 014 610 | ↗1 023 570 | ↗1 032 382 |
2017 | 2018 | 2019 | 2020 | 2021 | ||||||||||
↗1 039 801 | ↗1 047 549 | ↗1 054 111 | ↗1 058 261 | ↘1 050 602 |
1682 јылда старообрядчестволо тартыжу тушта, ого удура Воронежский ле Борисоглебский епархиялар тӧзӧлгӧн. 1990-чы јылдарда православный серикпелер ойто епархияларга кирген.
Воронежте эки старообрядческий храм, эки серикпе бар (Российский союз евангельских христиан-баптистов) Воронежский Еврейский Религиозный Община, Римско-католический приход Пресвятой Девы Марии Заступницы бар.
Каланыҥ ичинде ӧзӱмдерлӱ парктар ла скверлер: Кольцовский сквер, Петровский сквер, балдардыҥ тӧс паркы «Парк Орлёнок», парк «Алые паруса», парк «Танаис», Комсомольский парк, Авиастроительдердиҥ паркы, Воронежский тӧс парк, парк «Дельфин», парк «Южный», ВГЛТУ-ныҥ јанында дендрарий ле о.ӧ. Садово-парковый кеендикте агаштардыҥ сӱрекей баалу бӱдумдери бар, парктар, окылу корулаар јерлер болот, ондо каштан, эрмен, ясень, клён остролистный, липа, тыт, чиби, карагай, тал (орустап плакучая ива), пирамидальный терек, беле, туя ла о.ӧ.
1972 јылда Воронежский водохранилищеде јӱзӱн-јӱӱр курт-коҥыс, балык, ракообразныйлар бар болгон. Рактар (Daphnia ла Chydorus spharicus) сууларды арчыйт, томоноктордыҥ личинкаларын (орустап комары-звонцы) (анчада Chironomus plumosus), двустворчатый моллюсктар база бар. Јас-јайда Воронежте водохранилищеде томоноктор кӧптӧйт, бу айалга куштардыҥ тоозы кӧптӧӧрине јарамык болот (боро кучыйак, каргаа, галка, таан, кӱӱле о.ӧ.), јарганат.
1994 јылдыҥ јаҥар айында Воронежте Воронежский зоосад ачылган, 2009 јылда зоопарк деп статус алган. 2000 јылда «Информационный сборник евроазиатской региональной ассоциации зоопарков и аквариумов» (EARAZA) Воронежский зоосадты списокко кошкон.
Воронеж јаан промышленный тӧс јер болуп јат, кичинек јерде антропоген объекттердиҥ ныктазы (концентрациязы) јаан, бу айалга калага, ар-бӱткенге коомой салтарын јетирет. 2000 јылдаҥ 2003 јылга јетире каланыҥ стационар источниктери кейге јайган кирдиҥ кеми бастыра јаба 28,699 муҥ тонна, ол тоодо кату бӱдӱмдӱзи — 6,794 муҥ тонна, газ бӱдӱмдӱ — 21,905 муҥ тонна. Атмосферага кӧӧлик транспорт јаан салтарын јетирет. Кӧӧлик транспорттыҥ кейге јайган кири текши тоодо 90 процент. Социально-гигиенический мониторингтиҥ темдектегениле 2008 јылда Воронежте кейде кирдиҥ кеми 3,8 (16-га јетире јараар). Тобракта корголјын (орустап свинец), цинк, куулы (орустап медь) ле кадмий табылган.
Калада Воронежский водохранилище ле кара суулар киртиген. Воронежский областьтыҥ Роспотребнадзоры 2013 јылдыҥ јаҥар айдыҥ 27 кӱнинде ле 2014 јылдыҥ чаган айыныҥ 9 кӱнинде ӧткӱрген шиҥжӱ иштердиҥ турултазыла суу гигиеналык, микробиологиялык некелтелерге келишпейт.
Эмдиги Воронеж — Воронежский областьтыҥ экономикалык тӧс јери ле Россияда јаан экономикалык тӧс јерлердиҥ бирӱзи. Баш отрасльдар — аш-курсак, химия, радиоэлектронный промышленность, машиностроение ле розничный саду.
2010 јылдыҥ чаган айыныҥ бажында Воронежте 13 252 ишјокту (орустап безработный) болгон, ол бастыра Воронежский областьтыҥ ишјокторыныҥ 50 %-ти болгон.
Воронеж каланыҥ округыныҥ бюджеди (2013) керегинде айдылган, кирелте 13 487 968 муҥ салкой, чыгымдалганы — 14 648 198 муҥ салкой.
2015 јылда каланыҥ кирелтези 15,757 млн салкой болгон.
Калада российский ле гранарјаннаҥ коммерциялык банктарыныҥ филиалдары иштейт.
Воронежте машиностроение ле металлообработка јанынаҥ предприятиелердиҥ (продукциязыныҥ кеми 29,43 миллиард салкой), баш предприятиелер: Воронежский акционерный самолётостроительный общество,
Онойдо ок химический промышленностьто (продукцияныҥ кеми 8,69 миллиард салкой):
Онойдо ок электронный промышленностьтыҥ предприятиелери:
1702 јылда Воронеж калада Воронеж сууныҥ оозынаҥ 15 јуучыл кереп чыгып, олордоҥ јӱк ле ӱч кереп: «Разжённое железо (линейный корабль)», «Святая Наталья» ла «Святой Георгий» офицерлер ле матросторло бӱткӱлинче јеткилделген болгон. 1702 јылдыҥ кӱӱк айдыҥ 2 кӱнинде Апраксин воронежский верфьте тургуза ла офицерлер керек деп Москва јаар самара бичиген. 1703 јылда Воронежте офицерлер белетеер баштапкы адмиралтейский школ ачылган, бу Арасей ичинде мындый профильдӱ баштапкы школ болгон. Ӱредӱде болуп албай тургандарын мастеровой эдип аткарган. 1714 јылда 10 јаштаҥ ала 15 јашка јетире балдарга калада баштапкы ӱредӱ заведение ачылган. 1745 јылдыҥ кӱӱк айыныҥ 31 кӱнинде Воронежте Феофилакттыҥ епискобыныҥ јӧбиле Воронежский духовный семинария ачылган. 1786 јылда дезе калада јондык училище иштеп баштаган, онызы 1809 јылда губернский гимназия боло берген. Калада баштапкы бийик ӱредӱ заведение — Петр Великийдиҥ адыла адалган сельскохозяйственный институт (эмдиги Император Петрдыҥ Воронежский государственный аграрный университеди) — 1913 јылда ачылган.
Воронежте светский билим иштер Алексей Андреевич Хованскийдиҥ иштеринеҥ башталган, Воронежский кадетский корпуста орус тилдиҥ ӱредӱчизи болуп иштеген (Великий князь Михаил Павловичтиҥ Михайловский кадетский корпусында), «Филологические записки» деп Россияда баштапкы билим языковедческий журналды тӧзӧп, оныҥ редактор-издатели болгон, 1860 јылда баштапкы номери кепке базылган.
Эмдиги калада 37 бийик ӱредӱ заведение ле 53 орто-профессионал ӱредӱ заведение бар, ондо 127 муҥнаҥ артык студент ӱренет. Огош балдарга 116 детский сад, 128 школго 118 муҥ школьник јӱрет. Калада альтернативный школдор бар: «Радуга» деп вальдорфский школ, «Классика», «Перспектива», «Светлана» деп таҥынаҥ школдор.
Воронежте государстволык университеттер, институттар ла академиялар:
а также филиалы МИИТ, РАНХиГС, Г. В. Плехановтыҥ адыла адалган Российский государственный социальный университет, РГСУ, РЭУ ла адмирал С. О. Макаровтыҥ адыла адалган Государственный университет морского и речного флота.
Бӱгӱнги Воронежте эмчиликтиҥ 38 муниципал учреждениези иштейт: каланыҥ тӱрген болуш јетирер клинический больницзы № 8, № 10 ( «Электроника» деп больница), биле ле оны кӧптӧдӧри јанынаҥ тӧс јер, эки бала табар больница ла о.ӧ. : областной клинический больницалар.
Воронеж кала областьта культуралык јаан тӧс јер болуп јат. Калада театрал кеендик ӧзӱм алынган, Воронежтиҥ музейлери , библиотекалары, выставочный залдары, Воронежтиҥ кинотеатрлары, филармониязы ла цирк иштейт. Јылдыҥ ла Воронежте фестивальдар ӧдӧт: калыктар ортоло фестиваль «Джазовая провинция» (2003 јылдаҥ ала), «Всероссийский фестиваль японской анимации» (2000 јылдаҥ ала), «Поэтех» деп поэзияныҥ фестивали (2007 јылдаҥ ала) ла о.ӧ. 2011 јылдаҥ ала Воронежте јылдыҥ ла Платоновский фестиваль искусств болот.
Воронежте тогус кинотеатр иштейт. Башка тураларда «Пролетарий (кинотеатр)», «Спартак (кинотеатр)» ла «Юность (кинотеатр)». Саду ла ойындарлу јерлерде кинотеатры «Star&Mlad» («Град», ТЦ «Московский проспект»), «КИНО ОККО» (ТРК «Арена»), «Синема Парк» (ТРЦ «Галерея Чижова»), «Максимир» ле «Левый берег» ондый ла атту саду ӧдӧр јерлерде. Воронежский кинопрокат рыноктыҥ кеми кайда да 1,2-1,5 млрд салкой.
Воронеж — јаан транспортный узел, бу система кейде, темирјол ло кӧӧлик транспорттоҥ турат.
Чертовицы јурттыҥ јанында каланыҥ кыйузыныҥ 5 км киреде аэропорт «Воронеж» бар. 1995 јылдаҥ ала аэропорт международный статусту. 2019 јылда кӱӱк айдыҥ 31 кӱнинде Воронежте јондык аэропортты Петр Первыйдыҥ адыла адаган. Оноҥ улай ла Москва, Санкт-Петербург, Сочи, Симферополь јаар рейстер болот. Воронежский аэропорттоҥ Ереван, Ташкент, Стамбул јаар рейстер; чартерный рейстер — Анталья, Барселона, Ираклион, Салоники јаар болуп јат. Воронежтиҥ Солјараттай аймагында на территории авиастроительный предприятиениҥ јеринде ОАО «ВАСО» деп экспериментал (ченелтелер эдер) аэродром «Придача» бар. Аэродромло онойдо ок граждан авиацияныҥ ЗАО „Полёт“ деп авиационный компаниязы база тузаланат. Воронежтиҥ Советский аймагында «Тенистый» деп микрорайондо («Јуукта садтар» ла «Ыраакта садтар») деп јерде јуучыл аэродром «Балтимор» турат.
Калада темирјол вокзалдыҥ станциялары: Воронеж I, Воронеж-Курский ле Придача (станция) (вокзал Воронеж-Южный). Эмдиги ӧйдӧ кӧп саба транзит пассажирский поездтер «Центр — Кавказ» Воронеж-1 станцияга кирбейт, «Придача» станция ажыра ӧдӧт, ондо тарифный стоянка бар. Сол јаратла темирјол «Отрожка-Придача» деп перегондо тоннель кечире барат, онызы Димитровтыҥ оромыныҥ Придача деп аэродромныҥ алдыла ӧдӧт, узуны 800 метр. Онойдо ок промышленный темирјол транспорт иштейт.
Воронеж кала ажыра автомагистраль «Дон» (эбирилчик јол) ло регионал учурлу трасса Курск — Воронеж — Саратов. Эки кӧӧлик вокзал ла бир кӧӧлик станция: Центральный автовокзал, Солјараттай автовокзал ла Тӱштӱк-Кӱнбадыш автостанция.
Калада профсоюзтардыҥ баш стадионы иштейт, ого 32000-наҥ артык кӧрӧӧчилер бадып јат, «Олимпик» деп спортивный комплекс, «Юбилейный» деп атту спорттыҥ тош ӧргӧӧзи, Суу алдында спорттыҥ ӧргӧӧзи, бассейн «Спартак», спортивный комплекс «Факел», яхт-клуб, Владислав Третьяктыҥ адыла адалган олимпий резервтиҥ специал детско-юношеский школы, шахматный клуб ла о.ӧ. Воронежте международный ла всероссийский спортивный маргаандар спорттыҥ кӧп бӱдӱмдериле ӧдӧт: бокс, спортивный ориентированиеле, художественный гимнастикала, скалолазаниеле, шахматла, греко-рим кӱрешле, велоспортло, бильярдла, лыжероллерлерле о.ӧ. Воронежтиҥ спортчылары алдында Олимпий ойындарда, Телекейлик Чемпионаттарда, Европаныҥ чемпионаттарында алтын, мӧҥӱн, кӱлер медальдарды ойноп алатан болгон.
Карындаштык калалар
Ороон, тала | Карындаштык кала | нӧкӧрлӧшкӧн јыл |
---|---|---|
Брно | 1968 | |
Везермарш (аймак) | 1989 | |
Чунцин | 1992 | |
Сливен | 1995 | |
Леон (Испания) | 1996 | |
Гомель | 2019 |
Ада-Тӧрӧл учун Улу јуу ӧйинде кӧп архитектуралык кереестер оодылган, бызылган. Је тӱӱкилик учурлу кереестер эмдиге бар. 2000 јылда «Историко-культурное наследие Воронежа» деп бичик издательстводо кепке базылган, ондо каланыҥ архитектуразын билимчилер шиҥдеп, кезик туралар реконструкцияныҥ да кийнинде, тӱӱкилик јаан учурын салбаган деп темдектеген.
Граждан архитектурада тӱӱкилик туралардыҥ тоозы 200 кире бар.
Бӱгӱнги Воронежте тӱӱкилик учурлу туралар јоголорго јеткен. Темдектезе:
This article uses material from the Wikipedia Алтай article Воронеж, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ӧскӧзи кӧргӱзилбеген болзо, контентти CC BY-SA 4.0 лицензияла эдинерге јарар. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Алтай (DUHOCTRUNGQUOC.VN) is an independent company and has no affiliation with Wiki Foundation.