«Звезда Алтая» (алтайлап Алтайдыҥ чолмоны) ― Россияда Алтай Республиканыҥ орус тилле чыгып турган газеди.
Тӧзӧӧчилери: Алтай Республиканыҥ Башкарузы; Государственный јууны ― Эл-Курултай; «Звезда Алтая» газеттиҥ редакциязы.
Бу газетте Алтай ичинде политикалык, экономикалык, социальный јӱрӱм ле культура керегинде јетирӱлер чыгат. Онойдо ок Эл-Курултайдыҥ ла Башкаруныҥ окылу документтери (јасактар ла јӧптӧр) кепке базылат. Бир неделеде 5 муҥ тиражла чыгат.
Газет чыгараачы ӧмӧлик РКП(б)-ныҥ Ойрот обкомыла 1922 јылда ӱлӱрген айдыҥ 3-чи кӱнинде јӧптӧлгӧн. Ол тушта газеттиҥ ады «Ойрот край» болгон. 1922 јылда кӱчӱрген айдыҥ 7-чи кӱнинде Улалуда бу газеттиҥ баштапкы номери орус тилле, 1 муҥ экземплярла чыккан.
Газеттиҥ ады бир канча катап солунган: «Ойротский край» (1922—1931), «Красная Ойротия» (1932—1947), 1948 јылдаҥ ала «Звезда Алтая».
1972 јылда кӱчӱрген айдыҥ 4-чи кӱнинде СССР-диҥ Ӱстӱги Совединиҥ Јӧби аайынча «Звезда Алтая» ла «Алтайдыҥ чолмоны» деп газеттер «Знак Почёта» орденле кайралдаткандар.
This article uses material from the Wikipedia Алтай article Звезда Алтая, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ӧскӧзи кӧргӱзилбеген болзо, контентти CC BY-SA 4.0 лицензияла эдинерге јарар. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Алтай (DUHOCTRUNGQUOC.VN) is an independent company and has no affiliation with Wiki Foundation.