vom Fäldhieter Aglüegti Versione

Hilf

• Willchuu
• Navigation

• Namesruum

• Nutzerchonto
• Ändere
• Syteverwaltig
• Bild un Doon
• Wiki-Handbuech
• Glossar

E vom Fäldhieter aglüegti oder patrulierti oder gsichteti Version isch eso eini vo me Artikel, me Bild oder re Vorlag, wo öbber speziäll markiert hät. Dodra cha mer erkänne, dass öbber, wo regelmäßig zu de Alemannische Wikipedia bydrait, festgstellt hät, dass si kei offesichtlige Vandalismus enthaltet. E fachligi Briefig wird dodemit aber nit garantiert. S Zyl vo derre Funktion isch es, dass em Läser e gwüssi Grundqualität botte wird. Fäldhieter wird mer, we'mer sit re Wyli zu de Alemannische Wikipedia bydrait und einem e Administrator de Fäldhieter-Status gitt (nit genau gregelt).

Di gsichtete Versione ghöre zu de MediaWiki-Erwiterig Gsichteti und briefti Versione.

Mr erreiche d'Grundqualität, indem

1. d'Änderige vo neue oder anonyme Nutzer zerscht vo me erfahrenere Autor vo de Wikipedia (=Fäldhieter) dureglüegt und als aglüegt markiert werre.
2. de Läser normalerwis jewyls di neusti gsichteti Version azeigt griegt.

Säll Brinzip isch durch e Meinigsbild bstätigt worre. Aglüegti Versione sorge also defür, dass bi de Wikipedia für d'Bearbeitige vo Nit-Sichter s Vier-Auge-Brinzip forciert wird.

Entwurfsversion

 

Wenn e Nutzer ohni de Fäldhieter-Status e Artikel bearbeitet, no wird sini Version sofort abgspeichert und cha über d'Schaltflächi Entwurf erreicht werre (lüeg Bild uff de rächte Site). Zum Entwurf chunnt mer über s Zeiche  , wo obe rächts azeigt wird. Über d'Schaltflächi   chunnt mer zu de neuste vo sälle Versione, wo e Fäldhieter markiert hät; si isch aber au über de Riter Artikel erreichbar.

Wenn öbber e Entwurfsversion ändert, no git's e neui Entwurfsversion. Zum erreiche, dass de Läser de Entwurf sofort siht, müeß sälli Version vo me Fäldhieter aglüegt und markiert werre. Au Änderige vo Fäldhieter a-n-re Entwurfsversion werre im Läser zerscht emol nit azeigt.

Bi andere Wikimedia-Brojäkt wie zum Bispyl de Dütsche Wikipedia griegt mer de Fäldhieter-Status automatisch, we'mer e gwüssi Azahl Bearbeitige i-n-re gwüsse Zit gmacht hät. Uff de Alemannische Wikipedia vergitt e Administrator oder Bürokrat de Sichterstatus noch Ermässe oder uff Wunsch, wenn de Nutzer, wo's bedrifft, scho e Wyli bi dem Brojäkt deby isch und güeti Arbet gleistet hät.

 

Fäldhieter

• chönne Versione als gsichtet markiere und sälli Markierig entferne
• chönne mit de Schaltflächi Zruggsetze di letschte Änderige vo me Nutzer uff d'Version devor zrucksetze
• hän Züegriff uff d'Site Spezial:Site, wo nit gsichtet sin

Uff sälli Site hän alli Nutzer Züegriff, Fäldhieter werre aber au no drüber informiert, wie vyli Nutzer d'Site beobachte:

• Spezial:Site mit Versione, wo nit gsichtet sin

Uff d'Liste mit allne Site mit gsichtete Versione hän aber alli Nutzer volle Züegriff.

Wie markiert mer e Version als gsichtet?

 

 

E Fäldhieter cha d'Markierig uff sälli Arte setze:

Manuäll

• Über e Chaste am Änd vo de Site chönne d'Fäldhieter d'Version, wo si grad läse, markiere.
• We'mer de Underschyd zwüsche zwei oder meh Artikelversione alüegt, no hät's dört drüber e Chaste mit re Schaltflächi für s Setze vo de Markierig.

Automatisch

Administratore und Sichter markiere mänkmol Artikelversione automatisch als gsichtet: mer goht bi ihne devo us, dass es sich nit um Vandalismus handelt. Sälli automatischi Markierig wird in sälle Fäll gsetzt:

• De Nutzer legt e Artikel neu a.
• Es wird e Artikel bearbeitet, wo di letschti Version vo me Fäldhieter aglüegt worre isch. Säll gältet au für Bots. E neui Version wird aber nit markiert, wenn d'Version devor nit vo me Fäldhieter aglüegt worre isch.
• Es wird uff e Version zruckgsetzt, wo e Fäldhieter aglüegt hät.

Sichtige werre i me separate Logbüech gspeichert und in de Versionsgschicht azeigt. S Sichte erzügt e neui Version vom Artikel, wo di ybundene Vorlage eso mit abgspeichert werre, wie si zum Zitpunkt vo de Sichtig gsi sin.

Erschtmoligi Sichtig vo Artikel

We'mer e Artikel zum erschte Mol als gsichtet markiert, no sott mer bsunders vorsichtig sy. Mer sott also de Artikel gründlig läse und in de Versionsgschicht noch verstecktem Vandalismus durelüege. We'mer spöteri Änderige sichtet, no längt's, we'mer d'Underschyd zu de letschte gsichtete Version alüegt.

Bittschön achte bi de Erschtsichtig druff, dass d'Mindestaforderige erfüllt werre. Es isch au e güeti Glägeheit, zum Fehler und Lücke finde und ändwäder gly behebe, chläre oder diskutiere und mit me Baustei druff hywyse.

Nochsichtige

Gsichteti Versione sin e nützligs Werkzüg für di effiziänteri Begüetachtig vo neue Bydräg:

• E neui, güeti Bearbeitig müeß mer jetz numme no eimol uff Vandalismus briefe.
• Mer cha Bearbeitige, wo nochenand erfolgt sin, mit einem Mol markiere.
• Wenn e Artikel vandaliert und denoch vo me verdraueswürdige Nutzer bearbeitet worre isch, no isch's friehner möglig gsi, dass dodemit Vandalismus versteckt wird. Säll cha mer durch di gsichtete Versione vermyde.
• Mer vergisst kei Bearbeitig.
• Es git meh Lüt, wo bi de Kondrolle vo de letschte Änderige chönne mithälfe.
• In Kombination mit Kategorye hän Pordal, Redaktione und Wikibrojäkt d'Mögligkeit, ihr gsamte Berych uff neui Änderige z briefe.

Anonymi Nutzer sehn bim Uffrüefe vo-n-re Site di letschti Version, wo e Fäldhieter dureglüegt und markiert hät. Über d'Schaltflächi Entwurf am obere Rand chönne si aber di aktuälli Version erreiche und bearbeite. Wenn no kei Version vo me Fäldhieter aglüegt worre isch, no wird di aktuälli azeigt. Agmäldeti Nutzer sehn gly di aktuällsti Version, chömme aber über d'Schaltflächi Artikel zu de letschte gsichtete Version.

Agmäldeti Nutzer chönne in ihre Ystellige agee, welli Versione ihne azeigt werre solle und welli Nutzeroberflächi dodefür verwändet wird. Usserdem chönne Ammanne säll für jedi Site einzeln umstelle.

Es chönne nit numme Artikel vom Fäldhieter aglüegt werre, sondern au Vorlage und Bilder. Dodurch wird in de Artikel Änderige an gsichtete Vorlage diräkt azeigt werre, wenn de Artikel sälber vom Fäldhieter aglüegt worre isch.

E anderi Art, Versione z markiere, isch di briefti Version, wo vyl meh erfordert. Im Momänt isch aber no nüt über d'Kriterie und s Vorgehe festglegt.