Staatligi Hochschuel Fir Gstaltig Charlsrue

D Schwärpinkt sin Mediechunscht, Kommunikationsdesign, Produktdesign, Uusstelligsdesign un Szenografie, Chunschtwisseschaft un Mediefilosofy mit Augemerk uf Interdisziplinaritet zwische dr Fachberaich. D Hochschuel het eppe 400 Studänte*ne.

Staatliche Hochschule für Gestaltung Karlsruhe
Gründig	15. April 1992
Ort	Charlsrue
Bundesland	Bade-Wirttebärg
Land	Deutschland Dytschland
Räkter	Jan Boelen
Studänt*ene	355 WS 2018/19
Website	www.hfg-karlsruhe.de

D Hochschuel isch am 15. April 1992 as Reformhochschuel ufgmacht wore. Si isch zäme mit em Zäntrum fir Chunscht un Medietächnology (ZKM) z Charlsrue in dr Johr 1989 bis 1992 vum Heinrich Klotz grindet wore. Die Verbindig vu Lehr-, Forschigs- un Uusstelligsinschtituzione entspricht dr sälber gstellte chinschtlerische un pedagogische Ufgab, di tradizionälle Chinscht uf d Medietächnology un di elektronische Herstelligsverfahre uuszwyte.

Klassischi Forme wie Molerei sin nume mit aire Profässur bis 2004 verdrätte gsii. Dur d Verchnipfig vu chinschtlerische, aagwändte un theoretische Studiegäng het e interdisziplinär Schaffe solle gferderet wäre. Mit dr Zämefierig vu Mediechunscht, Chunschttheory un Design het dr Klotz e „elektronisch Böuhuus“ welle grinde. Syter 1997 isch d HfG Charlsrue wie au s ZKM in ere dänkmolgschitzte eemolige Munitionsfabrik unterbrocht.

Noch em Dod vum Klotz 1999 het zerscht dr Gunter Rambow di provisorisch Laitig vu dr Hochschuel ibernuu. Aafangs 2001 isch dr Peter Sloterdijk zum Räkter ernännt wore, was er bis zue symRuestand anne 2015 bliben isch. Noch ere Ibergangsphase unter em stellverdrättende Räkter Volker Albus het im Februar 2016 d Amtszyt vum Siegfried Zielinski aagfange. Im Dezämber 2017 het dää no aigene Aagobe d Minischteri fir Wisseschaft, Forschig un Chunsht Bade-Wirttebärg um di vorzytig Uflesig vu sym Verdrag bäte. As Grund het er aagee, syni Reformvorstellige seie nit dursetzbar gsii. Ab 1. April 2018 isch dr Johan F. Hartle kummisarische Räkter an de Staatlige Hochschuel fir Gstaltig Charlsrue gsii. Derno het en dr Matthias Bruhn as kummisarische Räkter abglest, voreb mit em Wintersemeschter 2019/20 derno dr Jan Boelen as Räkter yygsetzt woren isch. Ändi Merz 2022 isch dr Boelen uf Aadrag vu dr Professoreschaft im Senat abgwehlt wore, am 31. Merz 2022 hed er mieße ufhere schaffe. D Laitig vu dr Hochschuel hän dr Chanzler Thomas Fröhlich un d Prorektori Constanze Fischbeck ibernuu. In eme Interview mit der Zirizytig wirft dr Profässer un Mediechinschtler Michael Bielicky dr Hochschuel anti-israelischs Verhalte vor, sogar wäret dr terroristisch Aagriff vu dr Hamas gäge Israel im Oktober 2023.

Syt dr Aafangsjohr bis hit git s e interdisziplinär Grundgrischt mit vier Praxisstudiegäng:

• Uusstelligsdesign un Szenografie,
• Kommunikationsdesign,
• Mediechunscht
• Produktdesign

Derzue git s dr Theorystudiegang

• Chunschtwisseschaft un Mediefilosofy

In allne Studiegäng het s vu Aafang aa Projäktarbet un Kooperatione mit em ZKM in dr Nochberschaft . Fir di praxisorientiert Uusbildig vu dr HfG Charlsrue sin au Wärchstätt un Studio yygrichtet wore.

D Studänte*ne vu dr Theoryfächer mien e Praxisnäbefach derue wehle un d Studänte*nevu dr Praxisfächer au ne Theoryfach wie Chunschtwisseschaft oder Mediefilosofy as Näbefach. Di vier Praxisstudiegäng vu dr HfG Charlsrue sin durlässigi Studiefälder, wu intensivi Uusdusch mit andre Fächer zueleen un je no Forschigs- un Entwickligsschwärpinkt vu dr Hochschuellehrer*ne unterschidligi Akzäntuierige hän. Di medietheoretisch Analys durdringt d Praxisveraastaltige, uf dr andere Syte wird di medietheoretisch un chhunschtwisseschaftlig Uusbildig dur e diräkt Praxisbezug konkretisiert.

Fir ass mer zum Studium zuegloo wird, bruuch mer di allgmain oder fachbunde Hochschuelryfi un mer mueß e Ufnahmbriefig mache.

An dr HfG Charlsrue wäre kaini Bachelor-/Master-Studiegäng aabote, wel ab em erschte Semeschter s Projäktstudium mit Inhalt, wu nit chenne modularisiert wäre, praktiziert wird. Si vergit no dr international anerkännte Diplom- bzw. Magischterabschluss. Noch em Magischterabschluss isch derzue au d Promotion (Dr. phil.) uf em Biet vu dr Chunschtwisseschaft, dr Medietheory un dr Filosofy megli. Di international Bologna-Kompatibilitet vu dr HfG-Abschliss isch gwährlaischtet. Anne 2008 het dr Wisseschaftsrot in sym Evaluationsguetachte dr HfG Charlsrue e „uuszaichnet Uusbildigskonzäpt“ bschynigt.

• Mediechunscht (Diplom) mit dr Lehrbiet
  • Digitali Chunscht/InfoArt
  • Film
  • Moving Images
  • Fotografy
  • Sound
  • 3D-Labor
  • Game-Lab
• Produktdesign (Diplom)
• Kommunikationsdesign (Diplom)
• Uusstelligsdesign un Szenografy (Diplom) mit dr Lehrbiet
  • Szenografy
  • Uusstelligsdesign
  • Kuratorischi Studie un dramaturgischi Praxis
• Chunschtwisseschaft un Mediefilosofy (Magischter) mit dr Lehrbiet
  • Chunschtwisseschaft un Medietheory
  • Filosofy un Eschthetik

• Volker Albus (Produktdesign)
• Michael Bielicky (Info-Art/Digitali Medie)
• Matthias Bruhn (Chunschtwisseschaft un Medientheorie)
• Anja Dorn (Kuratorischi Studie un Dramaturgischi Praxis)
• Omer Fast (Mediechunscht)
• Johan Frederik Hartle (Chunschtwisseschaft un Medietheory)
• Stephan Krass (Literarischi Chunscht)
• Susanne Kriemann (Mediechunscht/Chinschtlerischi Fotografy)
• James Langdon (Kommunikationsdesign)
• Urs Lehni (Kommunikationsdesign)
• Andreas Müller (Uusstelligsdesign)
• Matteo Pasquinelli (Medietheory)
• Razvan Radulescu (Film)
• Sereina Rothenberger (Kommunikationsdesign)
• Heike Schuppelius (Szenografy)
• Rebecca Stephany (Kommunikationsdesign)
• João Tabarra (Mediechunscht)

Eemoligi Brofässer*ne

• Beatrix von Pilgrim (Szenografy)
• Werner Aisslinger (Produktdesign)
• Hans Beller (Film)
• Hans Belting (Chunschtwisseschaft) em.
• Martin Bohus (Mediechunscht/Film)
• Michael Clegg (chinschtlerischi Fotografy)
• Didi Danquart (Mediechunscht/Film)
• Thomas Heise (Mediechunscht/Film)
• Louis-Philippe Demers (Mediali Uusstelligsgstaltig)
• Elger Esser (Mediechunscht/Fotografy)
• Vadim Fishkin (Chunscht vu dr Neie Medie)
• Günther Förg (Molerei)
• Chup Friemert (Designtheory un Designgschicht)
• Ludger Gerdes † (Molerei)
• Siegfried Gohr (Chunschtwisseschaft un Medietheory)
• Markus Grob (Architäktur)
• Götz Großklaus (Mediegschicht)
• Boris Groys (Filosofy un Medietheory)
• Byung-Chul Han (Filosofy un Medietheory)
• Candida Höfer (Mediechunscht/Fotografy)
• Anna Jermolaewa (Chunscht vu dr Neie Medie)
• Isaac Julien (Mediechunscht)
• Ines Kaag un Désirée Heiss (Designduo Bless) (Produktdesign)
• Dietmar Kamper † (Medietheory, Soziology un Filosofy)
• Dieter Kiessling (Mediechunscht)
• Mischa Kuball (Mediechunscht)
• Wilfried Kuehn (Uusstelligsdesign un Kuratorischi Praxis)
• Marie-Jo Lafontaine (Plaschtik un Multimedia)
• Daniel Libeskind (Architäktur)
• Armin Linke (Fotografy)
• Hansjerg Maier-Aichen (Produktdesign)
• Christian Möller (Uusstelligsdesign)
• Marcel Odenbach (Mediechunscht)
• Dietrich Oertel (Architäktur)
• Jai Young Park (Plaschtik un Multimedia)
• Florian Pfeffer (Kommunikationsdesign)
• Tania Prill (Kommunikationsdesign)
• Gunter Rambow (Visuelle Kommunikation)
• Chris Rehberger (Kommunikationsdesign)
• Manfred Reichert (Musik)
• Edgar Reitz (Film)
• Lois Renner (Mediechunscht/Fotografy)
• Peter Anselm Riedl (Chunschtwisseschaft)
• Wolfgang Rihm (Kumpesition)
• Rolf Sachsse (Honorarbrofässer fir Theorie vu dr Gstaltig)
• Michael Saup (Mediechunscht/Digitali Medie)
• Michael Schirner (Kommunikationsdesign)
• Florian Schneider (Mediechunscht/ Sound)
• Helmut Schuster † (Molerei)
• Johannes Schütz (Szenografy)
• Michael Simon (Szenografy)
• Peter Sloterdijk (Filosofy)
• Lothar Spree (Mediechunscht/Film)
• Thomas Struth (Mediechunscht/Fotografy)
• Andrei Ujica (Film)
• Uwe Laysiepen (Mediechunscht)
• Wolfgang Ullrich (Chunschtwisseschaft un Medifiilosofy)
• Klaus vom Bruch (Mediechunscht)
• Stephan von Huene † (Mediechunscht)
• Sven Voelker (Kommunikationsdesign)
• Peter Voß (Medie)
• Penelope Wehrli (Szenografy)
• Hannes Wettstein † (Produktdesign)
• Beat Wyss (Chunschtwisseschaft un Medietheory)

• Websyte vu dr HfG Charlsrue
• Staatliche Hochschule für Gestaltung Karlsruhe im Stadtwiki Charlsrue
• Thierry Geoffroy / Colonel lecturing at ZKM in 2011

0V Universitete un Hochschuele z Bade-Wirttebärg

Staatligi Universitete	Friburg • Haidelberch • Haalbrunn • Hoohoem • Kallsruh • Konschtanz • Mannem • Stuegert • Dibenga • Ulm
Privati Universitete	Friedrichshafe
Pedagogischi Hochschuele	Friburg • Haidelberch • Kallsruh • Ludigburg • Gmend • Waegaade
Chunschthochschuele (inkl. Musikhochschuele)	Friburg • Haidelberch • Kallsruh (Musik, Bildendi Chinscht, Gstaltig) • Ludisburg (Filmakademi, Darstellendi Chunscht) • Mannem (Musik un Darstellendi Chunscht, Popakademi) • Rauteburg • Gmend • Stuegert (Musik un Darstellendi Chunscht, Bildendi Chinscht) • Drossenga • Dibenga
Staatligi (Fach-)Hochschuele	Albstadt-Semmerenga • Bibra • Esslenga • Furtwange • Haalbrunn • Kallsruh • Kähl • Konschtanz • Ludisburg • Mannem (HS, HdBA) • Nirtenga-Geislenga • Offeburg • Oole • Pforze • Raveschburg-Waegaade • Reitlenga • Rauteburg • Schwetzinge • Stuegert (HfT, HdM) • Ulm • Villinge-Schwenninge
Chilchligi un Privati (Fach-)Hochschuele	Calb • Friburg (EH, HKDM, KH) • Hailbrunn • Haidelberch (Fresenius, SRH, HfJS) • Isny • Kallsruh • Konschtanz • Liabazell • Ludisburg • Mannem • Reitlenga • Riedlenga • Stuegert (AKAD, Freii HS, media, Merz, VWA, HfK+G, Macromedia)
Duali Hochschule Bade-Wirttebärg	Haalbrunn • Hoedna • Kallsruh • Löörech • Mannem • Mosbach • Raveschburg • Stuegert • Villinge-Schwenninge

49.0016666666678.383888888888949° 0′ 6″ N, 8° 23′ 2″ O

Dä Artikel basiert uff ere fräie Übersetzig vu dere Version vum Artikel „Staatliche_Hochschule_für_Gestaltung_Karlsruhe“ vu de dütsche Wiki Alemannisch. E Liste vu de Autore un Versione isch do z finde.