S Ofis ar Brezhoneg (frz.
Office de la langue bretonne, alem. Amt vu dr Bretonisch Sproch) isch e Organisation, wu as Hauptziil d Erhaltig vu dr bretonische Sproch het. Si isch am 1. Mai 1999 grindet wore. Presidänti vum Ofis ar Brezhoneg isch syt dr Grindig d Lena Louarn (* 1950).
Dialäkt: Undermarkgreflerisch |
Ei Ufgab vu däre Organisation isch es, d Entwicklig vum Bretonisch soziolinguistisch un geografisch z beobachte – („Arsellva ar brezhoneg“– „Beobachtigsstell vum Bretonisch“). Derzue isch si Dreeger vum TermBret, ere Terminologii-Zentrum, wu Werterbiecher, Biecher un Charte uf Bretonisch uusegit un bretonischi Terminologie fir neji Beraich vum modärne Läbe definiert, z. B. isch Aafangs 2009 d Software fir Skype ibersetzt wore un syt em Summer 2009 wird uf translatewiki.net d Software vu OpenstreetMap.com vun eme Mitarbeiter vum Ofis ar Brezhoneg ibersetzt.
Uf dr Homepage vum Ofis ar Brezuhoneg wird e Datebank aabote, wu mer bretonischi Toponym cha sueche un au ne Datebank mit dr neje Terminologie.
D Organisation bemiet sich um d Ferderig vum Bretonisch bi Chinder un Jugedlige in dr Schuele un au um d Entwicklig vu dr Sproch in dr Elteregeneration mit Kursaagebot. Scho in dr Johr vu 1998 bis 1999 hän bi sonige Kurs eppe 9.300 Erwagseni mitgmacht. Aber au dur organisierti Korreschpondänz (z. B. per Internet) oder dur Praktika wird Bretonisch glehrt. Die Kurs wäre nit nume in dr Bretagne aabote, sundern au 28 Kurse usserhalb, dervu ellai 15 in dr Pariser Gegnig.
Anne 2003 het s Ofis ar Brezhoneg e bretonischi Stroßecharte vu dr Bretagne (5 Départements) uusegee.
Die uuabhängig Organisation het e durschnittlig Budget vu 1 Mio. Euro, s Gäld chunnt doderby in dr Hauptsach vu dr Bretagne un vum Département Loire-Atlantique.
This article uses material from the Wikipedia Alemannisch article Ofis ar Brezhoneg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.