Griecheland Makedonie

Dä Artikel behandelt die griechisch Region Makedonie, fer witteri Bedütige lueg under Makedonie

D Hauptstadt und der wichtigscht Hafe isch Thessaloniki.

Μακεδονία Makedonía Makedonie
Hymne: Μακεδονία ξακουστή (Birüemts Makedonie)
Hauptstadt	Thessaloniki
Regione	Westmakedonie Zentralmakedonie Ostmakedonie
Iiwohnerzahl	2,625,681 (2005)
Flächi	34,177 km²
Bevölkerigsdichti	77/km²

Griechisch Makedonie werd hüt vor alem ( 98 % ) vo griechische Makedonier bevölkert. Es git aber zwoo chliini Minderheite, d Meglenorumäne und d Arvanite, speziell i de Präfekture Kilkis und Florina. Nooch de Volkszählung vo 2001 bestoot d Bevölkerung us dene Nationalitäte:

• Grieche (Griechischi Makedonier) 98%
• Arvanite (Grieche-Albaner) 0,9 %
• Meglenorumäne (Grieche-Rumäne) und Vlache 0,4 %
• Roma 0,3 %
• Sunschtigi 0,4%

Im Norde grenzt Makedonie aa Albanie, Nordmazedonie, un Bulgarie. Im Weschte grenzt Makedonie aa de griechisch Teil vom Epirus un im Süde aa Thessalie. Im Oschte grenzt Makedonie aa de griechisch Teil vo Thrakie. Der gröschte Teil vum griechische Mkedonie lit am Ägaische Meer, wo en Tail vom Mittelmeer isch.

De höchscht Berg vo Makedonie und au Griecheland isch de Olymp, wo 2917 m höch isch. Noch de griechische Mythologi isch de Olymp de Sitz vo de Götter, wo au de Thron vom Zeus stoot.

 

De Alexander de Gross stammt usem altmakedonische Königshuus.

I de Römerzit isch Macedonia en aigni Provinz gsi.

De Apostel Paul het en Tromm ghaa, wonem bifole het, uf Makedonie z goo und het dodemit d Christianisierig vo dem Landstrich iiglaitet.

Vom 15. Johrhundert hed d Region zum Osmanische Riich ghört. Noch em Balkanchrieg vo 1912 isch si denn zum 1822 gründete Griecheland cho. Im Zweite Wältchrieg isch Makedonie vo Nazi-Dütschland und Bulgarie bsetzt gsi.

Di 3 Regione und di 13 Präfekture sind:

 

• Westmakedonie (Δυτική Μακεδονία/Ditikí Makedonía), Hauptort Kozani (Κοζάνη)

1. Kastoria (Καστοριά), Hauptort Kastoria
2. Florina (Φλώρινα), Hauptort Florina
3. Kozani (Κοζάνη), Hauptort Kozani
4. Grevena (Γρεβενά), Hauptort Grevena

• Zentralmakedonie (Κεντρική Μακεδονία/Kentrikí Makedonía), Hauptort Thessaloniki

5. Pella (Πέλλα), Hauptort Edessa (Έδεσσα)
6. Imathia (Ημαθία), Hauptort Veria (Βέροια)
7. Pieria (Πιερία), Hauptort Katerini (Κατερίνη)
8. Kilkís (Κιλκίς), Hauptort Kilkis
9. Thessaloniki (Θεσσαλονίκη), Hauptort Thessaloniki
10.Chalkidike (Χαλκιδική), Hauptort Polygyros (Πολύγυρος)
11. Serres (Σέρρες), Hauptort Serres

• Ostmakedonie und Thrakie (Ανατολική Μακεδονία και Θράκη/Anatoliki Makedonia kai Thraki)

12. Drama (Δράμα), Hauptort Drama
13. Kavala (Καβάλα), Hauptort Kavala

• Ostmakedonie und Thrakie hätt no 3 Präfekture im griechische Tail vo Thrakie (Θράκη/Thraki).

• Uf de Halbinsle Chalkidiki lit usserdem no de Berg Athos (Άγιον Όρος/Ajion Oros "Heilige Berg") mit sinere autonome Mönchsrepublik.

Makedonie het en Fährhafe mit nationale Bidütig, vo wo Schiff anderi Häfe ide Ägäis astüüret und en wichtige internationale Handelshafe.

De „Makedonia Airport“ (international Flughafe-Code: SKG (IATA-Code), LGTS (ICAO-Code)) isch en wichtige Vercherschnote vode internationale Luftfaart.

  Commons: Makedonie – Sammlig vo Multimediadateie

• Charte vu Makedonie
• Musee'e vo Makedonie
• Antiki Quelle för Makedonie
• Infos zue dr Bevölcherigszahle vu Makedonie
• www.macedonia.info