Kuba
Kuba (span.
Cuba, amtligi Bezeichnig Republik Kuba) isch en Inselstaat in dr Karibik. Er gränzt im Nordweste bzw. Norde an Golf vo Mexiko bzw. an Atlantisch Ozean und im Süde an s Karibische Meer. Hauptstadt vom Land isch Havanna.
| República de Cuba Republik Kuba | |||||
| |||||
| Amtsspraach | Spanisch | ||||
| Hauptstadt | Havanna (La Habana) | ||||
| Staatsoberhaupt | Miguel Díaz-Canel | ||||
| Regierigschef | Manuel Marrero Cruz | ||||
| Flächi | 110.860 km² | ||||
| Iiwohnerzahl | 11.451.652 | ||||
| Bevölkerigsdichti | 103,3 Iiwohner pro km² | ||||
| Human Development Index | 0,863 (51.) | ||||
| Währig | Kubanischer Peso, Konvertible Peso | ||||
| Unabhängigkeit | vo Spanie: 10. Dezember 1898 vo de USA: 20. Mai 1902 | ||||
| Nationalhimne | La Bayamesa | ||||
| Nationalfiirtig | 1. Januar: Siig vo dr Revolution (1959) | ||||
| Zitzone | UTC−5 UTC−4 (Summerzit) | ||||
| Kfz-Kennzeiche | C | ||||
| Internet-TLD | .cu | ||||
| Vorwahl | +53 | ||||
 | |||||
 | |||||
Geographii
Dr Archipel ghört zu de Grossen Antille. Er bestoht näbe dr Hauptinsle Kuba, wo die grössti Insle in dr Karibik isch, dr Isla de la Juventud (früehner Isla de Pinos) und öbbe 4195 chliineri und chliinsti Insle mit ere Gsamtflechi vo 110.860 km². Die maximali Usdehnig vo dr Hauptinsle isch vo West (Cabo San Antonio) bis Ost (Punta Maisí) 1250 Kilometer. Die schmalsti Nord-Süd-Usdehnig isch 31 Kilometer. Dr Abstand zum amerikanische Festland isch 140 Kilometer uf Key West (USA) und 210 Kilometer uf Yucatán (Mexiko). Dr Umriss vo Kuba erinneret an d Form vom ene Chrokodil.
Dr höchsti Punkt isch dr Pico Turquino (1.974 m ü. NN) in dr Sierra Maestra.
D Hauptstadt Havanna isch mit öbbe zwei Millione Iiwohnern die grössti Stadt vo Kuba, denn chömme Santiago de Cuba, Holguín und Camagüey.
Im Südoste vo dr Insle, an dr Guantánamo-Bucht, befindet sich d Guantanamo Bay Naval Base, e Marinestützpunkt vo dr US-Marine. Rächtsgrundlag isch e Verdrag vo 1934, si Gültigkeit wird vo Kuba bestritte.
D Zitzone vo Kuba isch UTC−5. Es git e Summerzit ähnlig wie in Europa.
Klima
S Klima isch dropisch und wird vom Nordostpassat brägt. Es git e drochnigeri Johreszit vom November bis April und e rägnerischi Johreszit vom Mai bis Oktober.
Kuba lit im Iizugsgebiet vo dropische Wirbelstürm, wo sich jedes Johr vom Juni bis November über em Atlantik und in dr Karibik bilde. Nit sälte drifft drbii e schwere Hurrikan s kubanische Festland und richdet schweri Verwüestige aa, wo Kuba bsundrigs hert dräffe, wil s wirtschaftlig schwach isch. Bsunders Privathüüser, wo meistens nid sehr stark baut si, si de stark Wind schutzlos usgliiferet. Aber z Kuba het s a sehr guet funktionierende Katastropheschutz, so dass es, im Gegesatz zu de Nochberinsle, sälte zun ere grössere Zahl vo Dodesfäll chunnt.
In dr Hurrikansaison 2008 het drei schweri Hurrikan gha, wo Kuba drife hai, – Gustav, Ike und Paloma, und isch eini vo de schlimmste Naturkatastrophe in dr kubanische Gschicht gsi. Hundertduusigi vo Wohnige si zerstört worde, d Infrastruktur stark beschädiget und grossi Deil vo de Ärnte vernichdet worde. D Gsamtschäde wärde uf öbbe zehn Milliarde US-Dollar gschetzt, öbbe zwanzig Prozänt vom kubanische Bruttoinlandprodukt vo 2007. Siibe Mensche si umchoo.
Litratur
- Ottmar Ette und Martin Franzbach: Kuba heute (Politik, Wirtschaft, Kultur). Frankfurt 2001, ISBN 3-89354-575-1
- Frank Fernández: Anarchismus auf Kuba. Moers 2007, ISBN 3-9810846-3-2
- Bert Hoffmann: Kuba, Verlag C.H.Beck, München 2002, ISBN 978-3-406-44787-7
- Heinz Langer: KUBA - Die lebendige Revolution. Verlag Wiljo Heinen, Böklund 2007, ISBN 978-3-939828-06-8
- Fernando Mires: Kuba – Die Revolution ist keine Insel. Hamburg 1984, ISBN 3-88022-187-1
- Jens Sobisch: KulturSchock Cuba – andere Länder, andere Sitten. Reise Know How, Bielefeld 2010, ISBN 978-3-8317-1270-0
- Bernd Wulffen: Kuba im Umbruch – von Fidel zu Raúl Castro. Christoph Links Verlag 2008. ISBN 978-3-86153-486-0
- Michael Zeuske: Insel der Extreme. Kuba im 20. Jahrhundert. Rotpunktverlag, Zürich 2004. ISBN 3-85869-208-5
Weblingg
Commons: Kuba – Sammlig vo Multimediadateie- Länder- und Reiseinformation vom Uswärtigen Amt
Fuessnote
This article uses material from the Wikipedia Alemannisch article Kuba, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.