Inschtitut Fir Donauschwebischi Gschicht Un Landeskund

Institut für donauschwäbische Geschichte und Landeskunde, IDGL) isch e Forschigsinschtitut vum Land Bade-Wirttebärg. S isch am 1. Juli 1987 grindet wore un het sy Sitz z Dibenga. S isch diräkt em bade-wirttäbergische Inneminischterium noogornet un ghert nit zue dr Universitet Dibenga.

Institut für donauschwäbische Geschichte und Landeskunde
Inschtitut fir donauschwebischi Gschicht un Landeskund
Gründig	1. Juli 1987
Bestand	ca. 30000 Monografie, 500 Periodika
Koordinate	, 9° 3′ 44,8″ O48.5290489.062431
Ort	Dibenga, Mohlstraße18
Läitig	Reinhard Johler
Website	Webseite des Instituts

S IDGL forscht zue dr Gschicht vu dr Bsidlig vu Oscht- un Sidoschteuropa dur Dytschi, vor allem dur Donauschwobe. Näbe sproch- un literaturwisseschaftlige Aasätz wäre au demografischi un ethnischi Froge untersuecht. E wichtig Thema isch au s Schicksal vu dr Flichtling un Verdribene, wu noch em Zweete Wältchrieg z Bade-Wirttebärg ufgnuu wore sin.

Vu 1987 bis 2004 isch dr Hans Gehl Laiter vum Forschigsberaich Donauschwebischi Dialektology un Volkskunde gsii un het do s Werterbuech vu dr donauschwebische Fachwortschätz uusegee. No syre Pensionierig 2004 het si dr Schwärpunkt vum Forschigsberaich in Richtig Literaturwissenschaft verschobe.

S Inschtitut het e aigeni Bibliothek mit iber 30000 Monografie un rund 500 Periodika. Derzue git s e aige Archiv. Näbe dr Forschig macht s IDGL au Lehrveraastaltige un git Publikatione uuse, unter anderem e aigeni Schrifteraie, d Schriftenreihe des Instituts für Donauschwäbische Geschichte und Landeskunde,.

Stellverdrättende Laiter isch dr Hischtoriker Mathias Beer.

S IDGL isch au Sitz vum ‘‘Zentrums für deutsche Geschichte und Kultur in Südosteuropa’’ (churz: ZDGS). Des isch anne 2011 grindet wore, go d Forschig zue däm Thema sichtbarer mache. Bi dr Grindig mitgmacht hän näb em IDGL s Ludwig-Uhland-Inschtitut fir Empirischi Kulturwisseschaft (LUI) un s Inschtitut fir Oschteuropäischi Gschicht un Landeskund.

Bi dr Arbet steen kulturälli Diversitet, Komplexitet un Verflächtige im Vordergrund, wäge däm wäre au thematisch verwandti Forschigsrichtige ufgriffe, zem Byschpel di allgmain Migrationsforschig oder d Forschig zue dr Gschicht vu Sidoschteuropa.

Sprächer vum ZDGS isch au dr Hischtoriker Mathias Beer.

• Horst Förster (Hrsg.): 10 Jahre Institut für Donauschwäbische Geschichte und Landeskunde Tübingen : Forschung - Lehre - Öffentlichkeitsarbeit, Tübingen : Institut für Donauschwäbische Geschichte und Landeskunde 1997

• Internetpresänz vum Inschtitut

48.5290489.06243148° 31′ 44,6″ N, 9° 3′ 44,8″ O

Dä Artikel basiert uff ere fräie Übersetzig vu dere Version vum Artikel „Institut_für_donauschwäbische_Geschichte_und_Landeskunde“ vu de dütsche Wiki Alemannisch. E Liste vu de Autore un Versione isch do z finde.