Dr Helmut Dold (* 31.
Oktober">31. Oktober 1958) isch e dytsche Musiker. Mer chännt en in dr Region Lohr as „De Hämme“.
Dr Dold isch im Lohrer Stadtdail Kuebach ufgwagse as Suhn vum Metzgermaischter Fridolin Dold un syre Frau Gretel. Noch em Abitur un em Wehrdienscht im Luftwaffe Musikkorps II z Charlsrue het er an dr Musikhochschuel z Fryburg klassischi Drumpete bim Robert Bodenröder studiert.
Är isch aber kai klassische Musiker wore un het derfir Blosmusik un Jazz gmacht. An dr städtische Musikschuel Lohr duet er syter anne 1987 Drumpete unterrichte. Dernäbe isch er langi Johr Dirigänt vum Blosorcheschter Hailigezell gsii un het Dixieland gspiilt mit „Papa Klaus und seinen Dixie-Waidags“ z Lohr un speter bi „Fräulein Mayer’s Hinterhausjazzern“ z Fryburg, bi dr „SWR TV Anstaltsband“, mit dr „Albert-Louis-Jazzband“ un dr „Iris Oettinger Jazzband“ z Stuegert. Är dritt Solo uf, mit em Philipp Moehrke as Klavierpartner oder au mit sym Dixie-Quartett, derzue mit em Uwe Ladwig un em Lothar Binder as Trio „Bixology”
Us syre Liebi zum alemannische Dialäkt un wel er au aigeni Lioeder het welle schrybe isch sy Mundart-Comedy-Programm „De Hämme“ entstande. Im Silberburg-Verlag het er vier Biecher mit Witz im Dialäkt publiziert, derzue het er verschideni CD vereffetligt.
Är isch ghyrote un läbt mit syre Frau Diana z Lohr.
This article uses material from the Wikipedia Alemannisch article Helmut Dold, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.