Gerhard Gebauer: Ditsche Bolitiker

Dezember">15. Dezämber 1926 z Heimboldshausen; † 3. Juni 2017 z Villinge-Schwennige) isch e dytsche Jurischt un Kommunalbolitiker (SPD) gsii.

Dr Gerhard Gebauer isch vu 1960 bis 1961 Burgermaischter, vu 1962 bis 1972 Oberburgermaischter vu Schwenningen am Neckar gsii. Är het si stark fir d Zämelegig vu dr Stadt mit Villingen im Schwarzwald zur gmainsame Stadt Villinge-Schwennige yygsetzt. Syt dr Fusion 1972 isch dr Gebauer bis 1994 Oberburgermaischter vu Villinge-Schwenninge gsii. Syt 1999 het er er Sitz im Gmairot vu dr Stadt ghaa.

Vu 1962 bis 1971 isch dr Gebauer im Kraisdag vum Landkrais Rautweil gsii, wu Schwenninge bis zue dr Fusion mit Villinge derzue ghert het. Mit dr Fusion 1972 isch au dr Schwarzwald-Baar-Krais entstande, wu dr Gebauer syterhär au im Kraisdag ghockt isch.

Vu 1973 bis 1994 isch dr Gebauer Mitglid vum Bresidium un vum Hauptuusschuss vum Dytsche Stedtdag un vu 1980 bis 1983 dr Vizebresidänt vu däm gsii. In däre Zyt het er si vor allem fir d Europaarbet vu dr Stedt yygsetzt. Dr Gebauer isch ab 1983 Mitglid vum Bresidium un vum Hauptuusschuss vum Rot vu dr Gmaine un Regione vu Europa/Dytschi Sektion (RGRE/DS) mit Sitz z Brüssel. Syt 1995 isch er Ehremitglid vum Dytsche Stedtdag gsii.

• Viele polnische Städte suchen Partner in Deutschland, in: Europa kommunal 1996, Heft 1, S. 18–23.
• Villingen-Schwenningen, Villingen-Schwenningen, Probst, 1977 (mit dr Christa Brand).
• Die Lehre von der Teilgeschäftsunfähigkeit und ihre Folgen, Tübingen, Mohr, 1954, zugl. Dissertation, Tübingen, 1953.

• 1981 Bundesverdienschtchryz am Band vum Verdienschtorde vu dr Bundesrepublik Dytschland
• 1995 Bundesverdienschtchryz 1. Klasse vum Verdienschtorde vu dr Bundesrepublik Dytschland
• 1995 Ehresenator vu dr Hochschuel fir Bolizei Villinge-Schwenninge
• 2007 Ehreburgerschaft vu dr Stadt Villinge-Schwenninge
• 2010 Ehreburgerschaft vu dr Stadt Zittau

• Red vum Oberburgermaischter Rupert Kubon zur Verleihig vu dr Ehreburgerwurd 2007