Dr Gamal Abdel Nasser (egüptisch-Arabisch für جمال عبد الناصر Dschamāl ʿAbd an-Nāsir, DMG Ǧamāl ʿAbd an-Nāṣir; * 15.
Januar">15. Januar 1918 z Alexandria; † 28. Septämber 1970 z Kairo) isch en egüptische Offizier und Staatsmaa gsi. Vo 1952 bis 1954 isch er Ministerbresidänt vo Egüpte gsi, vo 1954 bis 1970 Staatsbresidänt und in dr Zit vo dr Veräinigung vo Egüpte mit Sürie Bresidänt vo dr Veräinigte Arabische Republik.
Vo 1936 bis 1940 isch er uf d Milidäärakademii z Kairo gange. Wo d Brite 1942 dr König Faruq I. zwunge häi, e pro-britischi Regierig iizsetze, het dr Nasser nid demissioniert wien e Hufe anderi Offizier. Er isch Leerer an dr Milidäärakademii worde und isch äine vo de Gründer vom illegalen „Komitee vo de freie Offizier“ worde. Vo 1948 bis 1949 isch er Hauptmaa im Palestinachrieg gsi und isch e Delegierte bi de Waffestillstandsverhandlige mit Israel uf dr griechischen Insle Rhodos gsi. Im Nasser sini Vorbilder si dr Brofeet Mohammed, dr George Washington, dr Voltaire und dr Gandhi gsi. Er isch en Antisemit gsi, wo wääred em Zwäite Wältchrieg mit de Dütsche sümpatisiert het und het fest dra glaubt, ass d Brotokoll vo de Wiise vo Zion autentisch sige.
Under dr Füerig vom Nagib und vom Nasser häi die Freije Offizier 1952 im e Putsch dr König Faruk I. gstürzt. Dr General Nagib isch Bresidänt worde, dr Nasser Brömiee und Inneminister. Dr Nagib het aber e parlamentarischs Reschiim welle, wääred dr Nasser für e Milidäärdiktatur gsi isch. Am 24. Februar 1954 het dr Nasser dr Nagib abgsetzt.
1956 wurde isch dr Nasser zum Bresidänt vo Egüpte gweelt worde und het dä Boste bis zu sim Dood bhalte.
Dä Artikel basiert uff ere fräie Übersetzig vum Artikel „Gamal_Abdel_Nasser“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Gamal Abdel Nasser, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.