Dalbe Quartier vo Basel | ||
---|---|---|
| ||
Flechi | 2,94 km² | |
Iiwohner | 9903 (Jan. 2003) | |
Bevölkerigsdichti | 9903 / 2.94 Iiwohner/km² | |
Usländeraadeil | 20,1 % | |
BFS-Nr. | 2701-005 | |
Postleitzahl | 4052 |
Dialäkt: Baseldütsch |
D Dalbe (dt. St. Alban) isch e Quardier vo dr Stadt Basel. Es ligt im Grossbasel am südöschtlige Stadtrand und wird vo de Quartier Breiti, Bruederholz, Gundeldinge, Am Ring und de Vorstedt begränzt. De Iiwohner vom Dalbe-Quartier sait mä Dalbanese oder Dalb(l)emer.
S Dalbe-Quardier gältet als dr vornähmschti und grienschti Stadtdeil vo Basel, well sich do e baar Villequardier (z. B. s Gellertquardier) befinde. In däm Quardier hän friehner, aber au hüt immer no die meischte Aaghörige vo de vornähme und wohlhabende Altbasler Familie gwohnt.
S Dalbe-Quartier isch nach em Dalbe-Klooster benennt. Im Dalbequartier befindet sich au d Dalbekiirche (St. Alban-Kirche) , s Dalbedoor (St. Alban-Tor) und s letschte Stügg vo dr Basler Stadtmuure bim Rhyufer im Dalbeloch (St. Alban-Tal). Dur d Dalbe, wo im Südoschte an d Birs gränzt, fliesst dr Dalbediich.
In de Köpf vo vilne Bewohner isch d Dalbe in mehreri Gebiet unterteilt. Zum eine isch im Weschte s Gebiet ume SBB Bahnhof, wo fliessend in d Aesche (s Gebiet um e Aescheblatz und d Aeschevorstadt) übergoht. S Gebiet zwüschen em Joggeli-Dänkmol und de beide Brugge über d Isebahnlinie wird hüffig als Grosspeter bezeichnet. Gege Norde kunnt me sehr schnäll ins Gebiet, wo hütte allgemein als Gellert-Quartier bezeichnet wird. Ganz in Oschte lit s Joggeli. Döt stöhn unter anderem s Fuessballstadion, dr St. Jakob-Park, d St. Jakob-Halle, s Gartebad St. Jakob und d Iishalle St. Jakob-Arena. Aber nur s Fuessballstadion isch uf städtischem Bode, dr Räscht ghört zur Baselbieter Gmeind Münchestei. Vom Joggeli us nach Süde goht s dr Bärg uf zum sognennte Wolf. Vo döt us chunnt me in dr südlichscht Zipfel vom Dalbe-Quartier, wo allgemein als Dreispitz bekannt isch. Das isch e Induschtriiareal, won e grosse Deil drvo zum Kanton Basel-Landschaft ghört.
This article uses material from the Wikipedia Alemannisch article Basel-St. Alban, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.