Chara globularis
Charophyta | ||||||||||
---|---|---|---|---|---|---|---|---|---|---|
Systematik | ||||||||||
| ||||||||||
Wüsseschaftlige Name | ||||||||||
Charophyta | ||||||||||
Karol et al., 2001, emend. Lewis un McCourt, 2004 |
D Charophyta sin e Gruppe vu photosynthetisch aktive Eukaryote, also Läbewäse mit Zällchärne. Zue ihne ghere d Armlychteralge, d Pflanze, d Schmuckalge un e baar isolierti Gruppe.
Wänn Schwärmerzälle bildet wäre, hän si zwoo Gaißle, wu asymmetrisch inseriert sin un zwee unterschidligi Gaißelaasetz hän. An dr Gaißlebasis het s e speziälli Struktur (multi layered structure, MLS) us Aasatzstelle fir Mikrotubuli un Zytoskelett-Dail. D Plaschtide hän bigeni Thylakoid un sin vu zwoo Membranen umgee, ohni ne periplaschtidär Endoplasmatisch Reticulum. In dr Plaschtide wird Sterchi as Reservechohlehydrat gspycheret. Si hän e uffigi Mitose un persischtänti Mitose-Spindle. D Zälldailig goht iber Phycoplaschte, bi ne Dail Gruppe au iber Phragmoplaschte un e Zällplatte. Zwische Nochberzälle git s primäri Verbindige iber Plasmodesmata, wu fadefermig - verzwygt oder uuverzwygt - sin. Alli Charophyta hän e nitbewegligi vegetativi Phase. E dail Gruppe hän mehchärnigi Zälle. Sexuälli Vermehrig isch hyfig, cha aber au fähle. Di sexuälle Arte hän e haplodiplontische Generationswächsel.
D Charophyta hän Enzym, wu in dr andere Grienalge-Gruppe fähle, zem Byschpel Glykolat-Oxidase in dr Peroxisome un Cu/Zn-Superoxid-Dismutase.
D Untersuechig vu dr Proteinsequänze vu 129 Protein vu verschidene Charophyta het ergee, ass d Vorfahre vu dr Landpflanze unter dr Jochalge (Zygnematales) z sueche sin.
Di arterychscht Gruppe sin d Pflanze, wu zämme mit dr Armlychteralge zue dr Streptophytina zämmegfasst wäre. Dernäbe het s no d Jochalge un d Zieralge un e baar isolierti Gattige:
Dä Artikel basiert uff ere fräie Übersetzig vu dere Version vum Artikel „Charophyta“ vu de dütsche Wiki Alemannisch. E Liste vu de Autore un Versione isch do z finde. |
This article uses material from the Wikipedia Alemannisch article Charophyta, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.