Boko Haram

Si setzt sich für d Iifüerig vo dr Scharia in ganz Nigeria und s Verbot vo dr westlige Bildig ii. Si leent s ab an Waale mitzmache. Boko Haram isch bekannt drfür, ass si in Nigerie Christe und Muslim umbringt. Ethnisch ghööre die mäiste Mitgliider vo Boko Haram zum Volk vo de Kanuri.

D Grubbe bringt sich sälber mit de Taliban in Verbindig. Au die lokali Bevölkerig säit ere „d Taliban“. S Hauptkwardier vo dr Sekt het sich bis zum Dood vom Sekteschef Ustaz Mohammed Yusuf in Maiduguri befunde. D Füerig vo dr Grubbe het d Shura übernoo, e Root us 20 Manne, und si pflääge Kontakt noch Tschad und Kamerun. Iire Sprächer isch dr Abubakar Shekau gsi. Mä säit von ere ass si Verbindige zu Al-Qaida im islamische Maghreb, Al-Shabaab in Somalia und zu Terrorcamp in Afghanistan het. Usserdäm söll Boko Haram zämme mit Al-Qaida bi dr Bsetzig dur Ansar Dine vo Timbuktu, Gao und Kidal in Mali drbii gsi si. Boko Haram het käni Verbindige zur Ufstandsbewegig Movement for the Emancipation of the Niger Delta, wo im Nigerdelta sit 2006 gege d Ölindustrii kämpft.

Noch Bricht vom Merz 2015 het sich Boko Haram formell dr Terror-Miliz Islamische Staat (IS) aagschlosse.

  Commons: Boko Haram – Sammlig vo Multimediadateie

• Auf der Suche nach einer Strategie gegen Boko Haram (PDF; 363 KB), Bibliografii Dezämber 2014
• Emilie Oftedal: Boko Haram – an overview, FFI-rapport 2013/01680, Forsvarets forskningsinstitutt (ängl.)
• Amnesty International: Nigeria – Trapped in a Cycle of Violence (PDF; 1,2 MB), Report Novämber 2012
• Human Rights Watch: Spiraling Violence – Boko Haram Attacks and Security Forces Abuses in Nigeria (PDF; 8,9 MB) Report Oktober 2012