Boko Haram: Nigeriese jihadistiese terreurorganisasie

Boko Haram, volle naam Jama'atu ahlis sunna lidda'awati waljihad (Arabies: جماعة اهل السنة للدعوة والجهاد, jama'atu ahli s-sunna li-d-da'awati wa-l-jihad) wat vertaal kan word as Mense gewy aan die verspreiding van die woord van die profeet en die jihad is 'n terroriste-organisasie in Nigerië, wat streef na die streng toepassing van die Sjaria dwarsoor die land.

Die organisasie het die karakter van 'n kultus.

Boko Haram: Nigeriese jihadistiese terreurorganisasie
Vlag wat deur Boko Haram gebruik word.

Boko Haram het berug geword weens die groot aantal aanvalle en die ontvoering op 15 April 2014 van 'n groot groep skoolmeisies in Chibok. Die groep gebruik ook alle moontlike vorme van geweld. Die totale aantal slagoffers van Boko Haram-geweld het sedert 2011 tot meer as 23 000 gestyg. Die meeste geweld deur Boko Haram word in noordoostelike Nigerië gepleeg.

Boko Haram is sedert 2014 aan die Islamitiese Staat verbind. In die lente van 2014 het Boko Haram se leier, Abubakar Shekau, 'n eed aan die Islamitiese Staat in Irak en die Levant (ISIL) gesweer en sy eie beweging "die Wes-Afrikaanse provinsie IS" genoem.

In November 2015 het die Australiese Institute for Economics and Peace die Global Terrorism Index vir 2014 gepubliseer. Dit het getoon dat Boko Haram in 2014 die dodelikste en vinnigste groeiende terreurgroep in die wêreld was, ten spyte van die gelyktydige opkoms van ISIL.

Agtergrond

Die onderliggende oorsake van die groei van Boko Haram is die voortdurende godsdienstige geweld tussen Christene en Moslems in Noord-Nigerië en die feit dat Noord-Nigerië skaars voordeel trek uit vinnige Nigeriese ekonomiese groei en in vergelyking met die suide verder en val verder agter raak.

Naam en ideologie

Die naam beteken in die plaaslike taal bedrog is sondig, maar word dikwels verkeerd vertolk as "Westerse onderwys is haram." Die woord 'boko' word in die Hausa-taal gebruik om bedrog of onenigheid aan te dui, soos die verpligte 'Westerse opvoeding' wat onder Engelse koloniale heerskappy in Noord-Nigerië ingestel is. Alhoewel Boko Haram die Westerse opvoeding teenstaan, is hierdie weerstand nie hul hoofdoel nie.

Boko Haram streef na 'n Islamitiese staat in Wes-Afrika wat 'n verbod op alle onderwys insluit wat nie op Islam gebaseer is nie. Die groep vergelyk hom met die Taliban in Afghanistan en word soms plaaslik so genoem. Boko Haram veg nie net teen die Westerse onderwys nie, maar ook teen kulturele, godsdienstige en wetenskaplike invloede wat aan die Weste toeskryf word. Die groep verbied byvoorbeeld, die dra van T-hemde en broeke en die uitbring van 'n stem tydens verkiesings. In Boko Haram se siening word die staat Nigerië geregeer deur ongelowiges. Die beweging is egter nie konsekwent met die uitdrukking van sy doelwitte nie. Hulle het gesê dat alle Nigeriërs moet bekeer word na die Islam, maar ook dat hulle Christene as dhimmis sal beskerm of dat hulle 'n onafhanklike Noord-Nigerië wil hê, waaruit Christene óf moet vertrek of as dhimmis moet bly. Met die toewyding aan die Islamitiese staat blyk dit dat hulle hulself as Wes-Afrikaanse deel van die IS-kalifaat beskou, maar hierdie band is waarskynlik net nominaal. Daar is ook nominale skakels met al-Kaïda in die Islamitiese Magreb.

Verwysings

Hierdie artikel is in sy geheel of gedeeltelik vanuit die Nederlandse Wiki vertaal.

Tags:

ArabiesNigeriëSjariaTerrorisme

🔥 Trending searches on Wiki Afrikaans:

GrondbesoedelingPrimêre sektor van die ekonomiePersToekoms van die AardeAluminiumKunsmatige algemene intelligensieDieremishandelingHandbalSkoenlapperKrieketLidwoordSosiale mediaBeaufortskaalChemiese elementWerkersdagWatersuiweringInentingJuan Antonio VillacañasOnderwerp (taalkunde)TafelbergRomanJansenvilleBrasiliëVryheidsmanifesBorsEkotoerismeMierKuberkrakerSelfoonDroomSelfstandige naamwoordSeksposisieMiltVleilandVersamelnaamPersentasieOopbroninhoudWebwerfVloeistofInfeksieGesondheidNasionalismeConsolidated B-24 LiberatorKoue OorlogNasionaal-Sosialistiese Duitse ArbeiderspartyProstaatkankerAntisemitismePuberteitKanadaLys van Kaapstad se voorstedeKlimaatTuberkulosePerdWêreld- Ekonomiese ForumBlourokkeVlinderOogproblemeDroogteWet op NaturellengrondSwangerskapEkostelselMasturbasieGoogle MapsBeesvleisJavaScriptLys van elemente volgens simboolBoer Soek 'n VrouMagsverheffingJan van RiebeeckHoenderOrrelVerantwoordelikheidDemografie van Suid-AfrikaDriedimensioneel🡆 More