Baschar Al-Assad

Dr Baschar Hafiz al-Assad (arabisch بشار حافظ الأسد‎‎, DMG Baššār Ḥāfiẓ al-Asad; * 11.

September">11. Septämber 1965 z Damaskus) isch e süürische Politiker und Bresidänt vo Süürie. D Herrschaftsform vo siner Familie über Süürie beschriibe Politikwüsseschaftler as Diktatur.

Baschar Al-Assad
Dr Baschar al-Assad z Russland, Mai 2018

Dr Assad het im Joor 2000 as Noochfolger vo sim Vater Hafiz al-Assad d Ämter vom Generalsekretär vo dr Baath-Bardei und vom Staatsbresidänt vo Süürie übernoo. In de Waale vo 2000 und 2007 het er offiziel mee as 97 % vo de Stimme überchoo. Gegekandidate het s käini gee. Won er an d Macht cho isch, häi en vili Staate as e potenzielle Reformer aaglueg. Aber im Joor 2011 häi die Veräinigte Staate und die Öiropäischi Union si Ruckdritt gforderet, wil er milidäärisch gege Demonstrante vom Arabische Früelig in Süürie vorgange isch. D Underdruckig het 2011 zum Usbruch vom Bürgerchrieg in Süürie biidräit. Au d Meerhäit vo dr Arabische Liga het en 2012 zum Ruckdritt ufgforderet. Mit „Waale“ 2014 und 2021 het er si Herschaft bis hüte „legitimisiert“.

Im Dezämber 2013 het die Hoochi Kommissarin vo de Veräinte Nazioone für Menscherächt dr Assad aaklagt, ass er Chriegsverbräche autorisiert häig. Är het im Joor 2016 d Vorwürf vo Chriegsverbräche zrugggwiise und die milidäärische Intervenzioone von e baar Staate im süürische Bürgerchrieg kritisiert, wil die, wien er behauptet het, s Ziil häige, iin z stürze. Under em Assad sinere Herschaft si süstematischi Entfüerige, Mord und Folter dur d Armee und dr süürisch Ghäimdienst beläit.

Liddratuur

  • Shmuel Bar: Bashar’s Syria: The Regime and its Strategic Worldview. In: Comparative Strategy. Bd. 25, 2006, S. 353–445, doi:10.1080/01495930601105412 (PDF).
  • David W. Lesch: The New Lion of Damascus: Bashar al-Asad and Modern Syria. Yale University Press, New Haven 2005, ISBN 978-0-300-10991-7.
  • Flynt Leverett: Inheriting Syria: Bashar's Trial by Fire. Brookings Institution Press, Washington D.C. 2005, ISBN 978-0-8157-5204-2.
  • Volker Perthes: Syria under Bashar al-Asad: modernisation and the limits of change. Oxford University Press, Oxford 2004, ISBN 0-19-856750-2.
  • Eyal Zisser: Bashar al-Asad and his Regime – Between Continuity and Change. In: Orient. Bd. 45, H. 2, Juni 2004, S. 239–256 (online).

Weblingg

Baschar Al-Assad  Commons: Baschar al-Assad – Sammlig vo Multimediadateie

Fuessnoote

Tags:

11. September1965Arabische SpracheDIN 31635DamaskusDiktaturPolitikerRegierungssystemSyrien

🔥 Trending searches on Wiki Alemannisch:

CookieEnglische SpracheTFacebookMars (Planet)Mozilla FirefoxBayernOliver GimberSI-Einheitensystem4BTogoWaleFrankreichArmenischer KalenderYasdVandalenSchiaUniversität des Oberelsass2010WasserstoffBariLiu XiaoboFlammenkuchenAußerfernUSAISO-3166-1-KodierlisteFair useSt. GallenWeltwirtschaftsforum1846GKastanieElsässer FranzösischNATOElias Landolt (Geobotaniker)ItalienEBayLeipzigQuelleVaginaSingapurAustronesische Sprachen1932FestplattenlaufwerkServer1925SpracheUkraineWechselstromAargauerdeutschListe der Gemeinden im Département Ille-et-Vilaine65MilchstraßeWeil am RheinSchamlippe2TürkeiOsternKanton Uri6LaosMaliWikidata1706PlosivPornofilmMarinus I.🡆 More