Unione Sovietica
Articulu in nugoresu
Sa Uniòne de sas Repùbbricas Sotzialìstas Sovièticas (URSS) (in russu: Союз Советских Социалистических Республик – СССР), connòtta fìntzas comènte Unione Sovietica (Сов́етский Со́юз) fit unu istàdu federale comunista de s'Euràsia nordorientale.
.svg)
Istoria
Fit nàschia in su 30 de Nadàle de su 1922, bocàndeche s'Impèriu Tzarìsta a pùstis de sa ghèrra tzivìle russa, e sìche fit morta in su 26 de Nadale de su 1991, a pustis de esser istada, pàris chin su prus mannu inìmicu suo de sos Istados Unidos, una superpotèntzia a libèllu mundiale e unu de sos prus mannos protagonistas de s'istoria de su sèculu de XX, sìat in sa prima meitàde de su seculu sìat in sa Segunda Gherra Mundiale, siat a pustis de sa gherra e a su cumìntzu de sa Gherra Frìtta.
Su nùmeru de sas repubricas chi nde fachìan parte fit meda cambiàda in su tèmpus. Pacu prima de sìche mòrrer, 15 Repubricas Sotzialistas Sovieticas fachian parte de sa Federatzione, chin sa prus manna sènde cussa Russa, chi si narat oje Federatzione Russa. Eddùncas, fintzas sa mannèsa de sas terras fit cambiada meda, sènde comùncas prus o màncu manna cantu s'Imperiu Russu, chène peròe Polonia e Finlandia.
B'aìat unu partidu politicu ebbìa chi fit reconnottu de manèra uffitziale, su Partidu Comunista de s'Unione Sovietica (PCUS), chi lu ghiàbat unu segretariu generale e su Politburo, chi fit su sìmbulu mundiale de s'ideologia comunista in su seculu de XX.
Repubricas Sotzialistas Sovieticas
- Repùbrica Sotzialìsta Soviètica de s'Armenia
- Repùbrica Sotzialìsta Soviètica de s'Azerbaigian
- Repùbrica Sotzialìsta Soviètica de Turkmenistan
- Repùbrica Sotzialìsta Soviètica de Moldavia
- Repùbrica Sotzialìsta Soviètica de Estonia
- Repùbrica Sotzialìsta Soviètica de Lituania
- Repùbrica Sotzialìsta Soviètica de s'Ucraina
- Repùbrica Sotzialìsta Soviètica de Tagikistan
- Repùbrica Sotzialìsta Soviètica de Kirghizistan
- Repùbrica Sotzialìsta Soviètica de Uzbekistan
- Repùbrica Sotzialìsta Soviètica de Kazakistan
- Repùbrica Sotzialìsta Soviètica de Bielorussia
- Repùbrica Sotzialìsta Soviètica de Lettonia
- Repùbrica Sotzialìsta Federale Soviètica de Russia
- Repùbrica Sotzialìsta Federale Soviètica Transcaucasica
- Repùbrica Sotzialìsta Soviètica de Carelia-Finlandia
Aggantzos de foras
This article uses material from the Wikipedia Sardu article Unione Sovietica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.