ᱥᱚᱵᱷᱤᱭᱮᱴ ᱥᱟᱶᱛᱟ
ᱥᱚᱵᱷᱤᱭᱮᱴ ᱡᱩᱢᱤᱫ (ᱨᱩᱥ ᱯᱟᱹᱨᱥᱤ ᱛᱮ: Сове́тский Сою́з, ᱥᱚᱵᱷᱮᱥᱠᱤᱭ ᱥᱚᱭᱩᱡᱽ, ᱚᱭ.ᱯᱤ.ᱮ.: ), ᱟᱱᱩᱥᱴᱷᱟᱱᱤᱠ ᱞᱮᱠᱟ ᱛᱮ ᱭᱩᱱᱤᱭᱚᱬᱱ ᱚᱯ ᱥᱚᱵᱷᱤᱭᱮᱴ ᱥᱚᱥᱤᱭᱮᱞᱤᱥᱴ ᱨᱤᱯᱟᱵᱽᱞᱤᱠ (ᱨᱩᱥ ᱯᱟᱹᱨᱥᱤ ᱛᱮ: Сою́з Сове́тских Социалисти́ческих Респу́блик, ᱥᱚᱭᱩᱡᱽ ᱥᱚ ᱵᱷᱮᱴᱥᱠᱤᱠᱷ ᱥᱚᱴᱥᱤᱭᱮᱞᱤᱥᱴᱤᱥᱮᱥᱠᱤᱠᱷ ᱨᱮᱥᱯᱟᱵᱽᱞᱤᱠ ᱟᱭ.ᱯᱤ.ᱮ.: , ᱦᱩᱰᱤᱧ ᱛᱮ ᱭᱩ.ᱮᱥ.ᱮᱥ.ᱟᱨ (ᱨᱩᱥ ᱯᱟᱹᱨᱥᱤ ᱛᱮ: CCCP, ᱮᱥᱮᱥᱮᱥᱟᱨ) ᱑᱙᱒᱒ ᱥᱮᱨᱢᱟ ᱠᱷᱚᱱ ᱑᱙᱙᱑ ᱥᱮᱨᱢᱟ ᱦᱟᱹᱵᱤᱡ ᱭᱩᱨᱮᱥᱤᱭᱟ ᱢᱟᱨᱟᱝ ᱫᱤᱥᱚᱢ ᱨᱮ ᱵᱟᱦᱟᱞ ᱞᱮᱱ ᱢᱤᱫᱴᱮᱱ ᱥᱚᱢᱟᱡᱽᱵᱟᱹᱫᱤ ᱫᱤᱥᱚᱢ ᱾ ᱱᱚᱣᱟ ᱫᱚ ᱛᱟᱦᱮ ᱠᱟᱱᱟ ᱟᱭᱢᱟ ᱦᱩᱰᱤᱧ ᱫᱤᱥᱚᱢ ᱥᱚᱵᱷᱤᱭᱮᱴ ᱡᱩᱢᱤᱫ ᱫᱤᱥᱣᱟᱹ ᱨᱟᱡᱽ ᱾ ᱱᱚᱣᱟ ᱫᱤᱥᱚᱢ ᱨᱮᱱᱟᱜ ᱠᱟᱹᱣᱰᱤ ᱟᱹᱨᱤ ᱟᱨ ᱥᱚᱨᱠᱟᱨ ᱛᱟᱞᱢᱟ ᱢᱤᱫ ᱛᱟᱦᱮ ᱠᱟᱱᱟ ᱾ ᱥᱚᱵᱷᱤᱭᱮᱴ ᱜᱟᱶᱛᱟ ᱫᱚ ᱢᱤᱫ ᱫᱚᱞᱟᱱ ᱫᱤᱥᱚᱢ ᱛᱟᱦᱮ ᱠᱟᱱᱟ, ᱢᱚᱥᱠᱚ ᱨᱮ ᱨᱟᱡᱽ ᱛᱷᱟᱯᱚᱱ ᱦᱩᱭ ᱞᱮᱱᱟ ᱟᱨ ᱠᱚᱢᱤᱣᱱᱤᱥᱴ ᱯᱟᱨᱴᱤ ᱦᱚᱛᱮ ᱛᱮ ᱥᱟᱥᱚᱱᱚᱜ ᱠᱟᱱ ᱛᱟᱦᱮᱱᱟ ᱾
.svg)
ᱥᱚᱵᱷᱤᱭᱮᱴ ᱥᱟᱶᱛᱟ ᱵᱮᱨᱮᱫ
ᱥᱚᱵᱷᱤᱭᱮᱴ ᱥᱟᱶᱛᱟ ᱨᱮᱱᱟᱜ ᱨᱮᱦᱮᱫ ᱫᱚ ᱚᱠᱴᱚᱵᱚᱨ ᱞᱟᱲᱟᱣᱱᱟ ᱵᱚᱱ ᱢᱮᱱ ᱫᱟᱲᱮᱭᱟᱜᱼᱟ, ᱚᱠᱟ ᱨᱮ ᱵᱷᱚᱞᱮᱰᱤᱢᱤᱨ ᱞᱮᱱᱤᱱ ᱟᱜ ᱟᱹᱭᱩᱨ ᱛᱮ ᱵᱚᱞᱥᱮᱵᱷᱤᱠ ᱠᱚᱣᱟᱜ ᱦᱚᱛᱮ ᱛᱮ ᱡᱟᱨ ᱵᱚᱫᱚᱞ ᱛᱮ ᱯᱨᱚᱵᱷᱤᱡᱚᱱᱟᱞ ᱥᱚᱨᱠᱟᱨ ᱨᱟᱹᱯᱩᱫ ᱦᱩᱭᱱᱟ ᱾ ᱩᱱᱠᱩ ᱜᱮ ᱨᱟᱥᱤᱭᱟᱱ ᱥᱚᱥᱤᱭᱟᱞᱤᱥᱴ ᱯᱷᱮᱰᱟᱨᱮᱥᱚᱱ ᱨᱤᱯᱟᱵᱽᱞᱤᱠ ᱠᱚ ᱵᱮᱨᱮᱫ ᱠᱮᱫᱟ (ᱚᱠᱟ ᱛᱟᱭᱚᱢ ᱛᱮ ᱑᱙᱓᱖ ᱥᱮᱨᱢᱟ ᱨᱮ ᱨᱟᱥᱤᱭᱟᱱ ᱥᱚᱵᱷᱤᱭᱮᱴ ᱯᱷᱮᱰᱟᱨᱮᱴᱤᱵᱷ ᱥᱚᱥᱤᱭᱮᱞᱤᱥᱴ ᱨᱤᱯᱟᱵᱞᱤᱠ ᱠᱮᱫᱟ ᱠᱚ) ᱾ ᱱᱚᱣᱟ ᱦᱩᱞ ᱫᱚ 'ᱟᱨᱟᱜ' ᱟᱨ ᱦᱩᱞ ᱵᱤᱨᱩᱫᱷᱤ 'ᱯᱚᱱᱰ ᱠᱚ ᱛᱟᱞᱟ ᱨᱮ ᱚᱲᱟᱜ ᱞᱟᱹᱲᱦᱟᱹᱭ ᱮᱦᱚᱵ ᱞᱮᱱᱟᱴ' ᱾
ᱫᱚᱥᱟᱨ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱟᱨ ᱨᱮᱭᱟᱲ ᱞᱟᱹᱲᱦᱟᱹᱭ ᱮᱛᱚᱦᱚᱵ
ᱫᱚᱥᱟᱨ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱱᱟᱥᱮ ᱢᱟᱲᱟᱝ ᱥᱴᱮᱞᱤᱱ ᱱᱟᱜᱤ ᱡᱟᱨᱢᱟᱱᱤ ᱠᱚ ᱥᱟᱶᱛᱮ ᱱᱚᱱ ᱮᱜᱽᱨᱮᱥᱚᱱ ᱯᱮᱠᱴ ᱨᱮ ᱥᱩᱦᱤ ᱞᱮᱫᱟ, ᱚᱱᱟ ᱵᱟᱱᱟᱨ ᱫᱤᱥᱚᱢ ᱑᱙᱓᱙ ᱥᱮᱨᱢᱟ ᱨᱮ ᱯᱚᱞᱮᱱᱰ ᱠᱤᱱ ᱫᱚᱠᱷᱚᱞ ᱞᱮᱫᱟ ᱾ ᱡᱩᱱ ᱑᱙᱔᱑ ᱨᱮ ᱡᱟᱨᱢᱟᱱᱤ ᱠᱚᱫᱚ ᱥᱚᱵᱷᱤᱭᱮᱴ ᱥᱟᱶᱛᱟ ᱠᱚ ᱟᱠᱨᱚᱢᱚᱱ ᱠᱮᱫᱟ, ᱚᱱᱟ ᱤᱭᱟᱹᱛ ᱟᱹᱰᱤ ᱢᱟᱨᱟᱝ ᱜᱷᱟᱴ ᱢᱟᱹᱨᱣᱟᱹ ᱞᱟᱹᱲᱦᱟᱹᱭ ᱮᱦᱚᱵ ᱱᱟ ᱾ ᱞᱟᱹᱲᱦᱟᱹᱭ ᱨᱮ ᱥᱚᱵᱷᱤᱭᱮᱴ ᱥᱟᱶᱛᱟ ᱨᱮᱭᱟᱜ ᱟᱹᱰᱤ ᱵᱟᱹᱲᱛᱤ ᱠᱷᱚᱛᱤ ᱦᱩᱭᱮᱱᱟ, ᱪᱟᱜ ᱥᱮ ᱥᱴᱮᱞᱤᱱ ᱜᱨᱮᱰ ᱞᱮᱠᱟᱱ ᱢᱟᱨᱟᱝ ᱞᱟᱹᱲᱦᱟᱹᱭ ᱪᱟᱞᱟᱜ ᱠᱟᱱ ᱛᱟᱦᱮᱱᱟ ᱾ ᱑᱙᱔᱕ ᱥᱮᱨᱢᱟ ᱨᱮ ᱥᱚᱵᱷᱤᱭᱮᱴ ᱥᱟᱶᱛᱟ ᱨᱮᱱ ᱵᱟᱨᱞᱤᱱ ᱠᱚ ᱫᱚᱠᱷᱚᱞ ᱠᱮᱫᱟ ᱾ ᱟᱨᱟᱜ ᱯᱷᱟᱹᱫᱽ ᱠᱚ ᱫᱚᱠᱷᱚᱞ ᱞᱮᱫ ᱴᱚᱴᱷᱟ ᱠᱚ ᱛᱟᱭᱚᱢ ᱛᱮ ᱤᱥᱴᱥᱨᱱ ᱵᱞᱚᱠ ᱨᱮᱭᱟᱜ ᱥᱮᱴᱮᱞᱥᱭᱤᱴ ᱨᱟᱡᱚᱥᱴᱤ ᱦᱩᱭ ᱮᱱᱟ ᱾ ᱑᱙᱔᱗ ᱥᱮᱨᱢᱟ ᱦᱟᱹᱵᱤᱡ ᱨᱮᱭᱟᱲ ᱮᱛᱚᱦᱚᱵ ᱞᱮᱱᱟ ᱾ ᱥᱚᱵᱷᱤᱭᱮᱴ ᱥᱟᱶᱛᱟ ᱠᱷᱚᱱ ᱦᱚᱨᱚ-ᱡᱟᱝᱜᱮ ᱧᱟᱢ ᱟᱥᱟ ᱟᱨ ᱵᱚᱛᱚᱨ ᱛᱮ ᱯᱟᱪᱷᱮ ᱨᱮᱱ ᱫᱤᱥᱚᱢ ᱠᱚᱫᱚ ᱑᱙᱔᱙ ᱥᱮᱨᱢᱟ ᱨᱮ ᱟᱴᱞᱟᱱᱴᱤᱠ ᱴᱨᱤᱴᱤ ᱚᱨᱜᱟᱱᱟᱭᱡᱮᱥᱚᱱ ᱠᱚ ᱱᱮᱨᱮᱫ ᱠᱮᱫᱟ ᱾
ᱥᱴᱮᱞᱤᱱ ᱜᱩᱨᱩᱜ ᱛᱟᱭᱚᱢ
᱑᱙᱕᱓ ᱥᱮᱨᱢᱟ ᱨᱮ ᱥᱴᱮᱞᱤᱱ ᱜᱚᱡᱩᱜ ᱛᱟᱭᱚᱢ ᱠᱟᱹᱣᱰᱤ ᱟᱹᱨᱤ ᱨᱮ ᱱᱟᱥᱮ ᱞᱟᱦᱟᱱᱛᱤ ᱧᱮᱞ ᱧᱚᱜ ᱞᱮᱱᱟ, ᱚᱠᱟ ᱫᱚ 'ᱫᱟ-ᱥᱴᱮᱞᱤᱱᱟᱭᱡᱮᱥᱚᱱ' ᱟᱨ ᱠᱷᱨᱩᱥᱮᱵᱷᱟᱥ ᱛᱷᱚ' ᱠᱚ ᱢᱮᱛᱟᱣᱟᱜ ᱠᱟᱱ ᱾ ᱱᱚᱝᱠᱟ ᱦᱩᱭ ᱞᱮᱱᱟ ᱱᱤᱠᱤᱴᱟ ᱠᱷᱨᱩᱥᱥᱮᱵᱽ ᱟᱨ ᱟᱹᱭᱩᱨ ᱛᱮ, ᱡᱮ ᱠᱟᱹᱣᱰᱤ ᱟᱹᱨᱤ ᱨᱮᱭᱟᱜ ᱞᱟᱜᱮ ᱩᱛᱱᱟᱹᱣ ᱦᱩᱭᱮᱱᱟ, ᱟᱹᱰᱤ ᱟᱭᱢᱟ ᱱᱤᱡᱩᱛ ᱪᱟᱹᱥᱤ ᱦᱚᱲ ᱠᱚ ᱵᱮᱨᱮᱛᱤᱭᱟᱹ ᱠᱟᱹᱢᱤ ᱞᱟᱹᱜᱤᱫ ᱱᱟᱝᱜᱨᱟᱦᱟ ᱛᱮ ᱠᱚ ᱩᱪᱟᱹᱲ ᱥᱮᱱ ᱞᱮᱱᱟ ᱾ ᱞᱟᱯᱷᱟᱝ ᱥᱮᱨᱢᱟ ᱦᱟᱯᱟᱨᱟᱣ ᱨᱮ ᱥᱚᱵᱷᱤᱭᱮᱴ ᱥᱟᱶᱛᱟ ᱫᱚ ᱯᱟᱹᱦᱤᱞ ᱩᱯᱚᱜᱨᱚᱦᱚ ᱛᱩᱧ ᱠᱟᱛᱮ, ᱚᱱᱟ ᱨᱮᱭᱟᱜ ᱜᱚᱨᱚᱵᱽ ᱠᱚ ᱦᱟᱢᱮᱴ ᱞᱮᱫᱟ, ᱞᱟᱯᱷᱟᱝ ᱥᱮᱨᱢᱟ ᱨᱮ ᱯᱟᱹᱦᱤᱞ ᱦᱚᱲ ᱠᱚ ᱠᱩᱞ ᱞᱮᱫ ᱠᱚᱣᱟ ᱾ ᱑᱙᱗᱐ ᱥᱮᱨᱢᱟ ᱨᱮ ᱟᱢᱮᱨᱤᱠᱟ ᱥᱮᱞᱮᱫ ᱫᱤᱥᱚᱢ ᱥᱟᱞᱟᱜ ᱱᱟᱥᱮ ᱥᱟᱹᱜᱟᱹᱭ ᱢᱚᱡᱽ ᱧᱚᱜ ᱞᱮᱱᱟ, ᱢᱮᱱᱠᱷᱟᱱ ᱑᱙᱗᱙ ᱥᱮᱨᱢᱟ ᱨᱮ ᱟᱯᱷᱜᱟᱱᱤᱥᱛᱟᱱ ᱨᱮ ᱯᱷᱟᱹᱫᱽ ᱠᱚ ᱠᱩᱞ ᱠᱮᱫ ᱠᱚ ᱠᱷᱟᱱ ᱥᱟᱹᱜᱟᱹᱭ ᱟᱨᱦᱚ ᱵᱟᱹᱲᱤᱡ ᱫᱚᱲᱦᱟᱭᱱᱟ ᱾ ᱞᱟᱹᱲᱦᱟᱹᱭ ᱨᱮ ᱠᱟᱹᱣᱰᱤ ᱟᱹᱨᱤ ᱥᱚᱢᱯᱚᱛᱛᱤ ᱨᱮᱭᱟᱜ ᱟᱹᱭᱢᱟ ᱠᱷᱩᱛᱤ ᱦᱩᱭ ᱞᱮᱱᱟ ᱟᱨ ᱟᱢᱮᱨᱤᱠᱟ ᱫᱚ ᱢᱩᱡᱟᱦᱤᱫᱤᱱ ᱞᱟᱹᱲᱦᱟᱹᱭ ᱯᱷᱟᱹᱫᱽ ᱠᱚᱭ ᱜᱚᱲᱚᱣᱟᱜ ᱠᱚ ᱛᱟᱭᱚᱢ ᱠᱷᱚᱱ ᱥᱟᱹᱜᱟᱹᱭ ᱵᱟᱹᱲᱤᱡ ᱩᱛᱟᱹᱨᱮᱱᱟ ᱾
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱥᱚᱵᱷᱤᱭᱮᱴ ᱥᱟᱶᱛᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.