Inkalane: Isihlahla senkalane
Inkalane (ILatin: Aloe arborescens), noma umhlabane uhlobo lwesihlahla olubizwa ngokuthi inhlaba esimila kwaZulu-Natali, eMpumalanga kanye nase Limpopo esisetshenziswa ngabalephi bendabuko ukwelapha.
Lesi sihlahla sinamahlamvu amade aqinile aluhlaza cwe acijile emachosheni. Uma sekusondele ubusika ngenyanga kaNhlaba kuze kube nguNtulikazi lesi sihlahla sikhipha izimbali ezinombala okhangayo. Lezi zimbali zinemibala egqamile okubalwa kuyo obomvu kanye nophuzi kanti zithandwa kakhulu izinyosi kanye nezinyoni ngoba zithanda umpe oluthokala kulezi zimbali.
Ukusetshenziswa
Lesi sihlahla sisetshenziswa ukwelapha izifo ezingi ebantwini kanye nasezilwaneni. Amahlamvu enhlaba ayagaywa bese ephuziswa lowo onesisu esibuhlungu. Amahlamvu agayiwe abuye anikezwe izinkukhu ukuzivikela ezifweni ezinigi. Amahlamvu alesi sihlahla abuye asetshenziswe ukulapha amathole. Omunye umsebenzi obalulekile walesi sihlahla ukulapha isikhumba somuntu oshile.
This article uses material from the Wikipedia isiZulu article Inkalane, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki isiZulu (DUHOCTRUNGQUOC.VN) is an independent company and has no affiliation with Wiki Foundation.