第6代奧斯塔公爵 艾莫恩王子

 

艾莫恩1967年響佛羅倫斯出世，係時任奧斯塔公爵阿瑂迪奧王子同老婆克勞德共同嘅第二個細路，第一個仔。佢曾經到過Francesco Morosini Naval Military School同保高尼大學讀書。讀完書後，佢到過摩根公司響英國嘅分行打工，亦到過意大利特種部隊服役。

自2000年開始，艾莫恩就係倍耐力響俄羅斯分行嘅業務總裁。佢對於深化俄羅斯同意大利貿易關係上有努力過、深得兩國當局信任，因而分別獲頒俄羅斯嘅友誼勳章同意大利嘅意大利共和國功績勳章。響2019年開始，佢出任馬耳他騎士團嘅大使。

2021年6月，老豆走咗，佢繼承老豆嘅一切銜頭。

佢老豆宣稱自己有意大利同克羅地亞王位、兼且係薩伏依王朝首領，艾莫恩作為大仔自然係繼承人。但係前國王翁貝托二世獨仔、前意大利王儲域托里奧·伊曼紐亦宣稱自己係薩伏依王朝首領，所以兩家人一直響到拗。2006年，阿瑂迪奧話域托里奧·伊曼紐爾嘅婚姻係「貴庶通婚」，唔可以成為王朝首領，自己先係正統。雖然係咁，但由於域托里奧·伊曼紐爾嘅合法性比較高（佢係前國王個仔），所以艾莫恩依然只係「奧斯塔公爵」。

2008年，佢同希臘公主奧嘉結婚，婚後有三個仔女：

• 翁貝托王子，目前係繼承人
• 阿瑂迪奧王子
• 伊莎貝拉公主