第24屆日本參議院議員通常選舉會喺2016年7月25號舉行,改選日本參議院242席入面半數嘅121席。
第24屆日本參議院議員通常選舉 | |||||||||||
---|---|---|---|---|---|---|---|---|---|---|---|
日本選舉政治專題 | |||||||||||
‹ 2013 • • 2019 › | |||||||||||
2016年7月25號 | |||||||||||
選舉類型 | 參議院 | ||||||||||
議席數目 | 242 | ||||||||||
選舉席次 | 121 | ||||||||||
安倍晉三-自由民主黨 | |||||||||||
獲得參議院議席 | 56 ▼ 13.8% | ||||||||||
岡田克也-民進黨 | |||||||||||
獲得參議院議席 | 32 ▲ 88.2% | ||||||||||
山口那津男-File:Komeito logo.svg公明黨 | |||||||||||
獲得參議院議席 | 14 ▲ 27.3% | ||||||||||
志位和夫-日本共產黨 | |||||||||||
獲得參議院議席 | 6 ▼ 25% | ||||||||||
政黨議席分佈圖 | |||||||||||
121 自由民主黨 25 公明黨 12 大阪維新會 2 社會民主黨 1 日本元氣會 12 獨立人士 | 49 民進黨 14 日本共產黨 3 守護日本之魂黨 2 生活黨與山本太郎與夥伴們 | ||||||||||
日本參議院議長 | |||||||||||
雖然外界普遍認為自由民主黨安倍晉三嘅經濟政策未見到明顯成效,選舉前民意調查顯示執政嘅自民、公明兩黨仍然會響改選修面攞到過半數議席贏出。
日本參議院有二百四十二個議席,每三年改選一半議席,即係一百二十一席。
呢次選舉係安倍政府夾硬通過安保法案之後第一場全國性嘅選舉,結果係畀人當做民眾對安倍經濟學同新安保法等政策嘅一次公投。
安倍陣營今次選舉目標係要贏得過半改選議席,保住推動修憲力量,響參議院嘅主導權。事實上,執政黨響不需要改選嘅一百二十一席入面佔咗七十六席,加上部分在野黨派支持修憲立場,實際已經過咗三分之二。有分析就話,雖然安倍經濟學成效唔掂,而安保法又唔受歡迎,但係另一邊廂,反對派陣營勢力薄弱,唔能夠攞到民眾信任,所以外界相信首相安倍晉三嘅執政聯盟應該會贏出,焦點就落係攞唔攞到三分二議席去幫安倍推動修憲。
今屆重有另一變數,就係今屆選舉係日本舊年通過將投票年齡降到十八歲嘅第一次選舉,估計會增加二百四十萬名年輕選民。有分析就話,呢批年輕選民歷史包袱較細,或者會支持安倍修憲;不過,分析指民眾對選舉嘅關注冇增加,投票率或者會低過三年前嘅參議院選舉;投票之前各個黨派話事人都盡最後努力,響多個主要城市街頭拉票。
除咗經濟政策,修憲議題同核電問題都同樣備受關注。
響當前日本經濟環境唔好之下,首相安倍晉三大打經濟牌,表示呢場選舉係關乎畀日本經濟振興,又抑或重返黯淡時代。
首相安倍晉三冇提到修憲問題,反而主打經濟同社會福利牌。佢承認目前嘅經濟政策仍然不足。不過一旦放棄,日本將會返到黑暗時代,佢認為應該全力推動經濟。
而在野民進黨黨魁岡田克也就批評,安倍經濟學只會令到日本財富分布更加唔均勻,同埋批評安倍唔提修憲係鬼祟做法,警告如果修憲陣營攞到三分二議席,安倍肯定順勢推動修憲。
日本共同社報道,截至星期三(22號)中午,已經有成四百幾人報名參選。
6月22號,日本參議院選舉競選活動開鑼,首相兼自民黨總裁安倍晉三,選擇去到兩個月前發生過地震嘅熊本縣,為造勢活動打頭炮。
由安倍領導嘅自民黨甚至有好大機會單獨攞到六十席左右,係1989年以來第一次;而在野民進黨只可以攞到三十席左右,難以對執政黨構成威脅。
如果支持修憲嘅四個政黨:自民黨、公明黨、大阪維新會同守護日本之魂黨,加埋攞到七十八席,再加上未改選嘅議席,就可以達到修憲要到嘅三分二議席門檻,分析話到時安倍最快會響今年秋天推動修改,俗稱和平憲法入面嘅憲法第九條,山咗放棄戰爭嘅條款。
根據日本總務省統計,截至10號夜晚六時半,各地平均投票率係百分之三十六左右,低過三年前嘅參議院選舉。而提前投票嘅人有成千六萬,較上次選舉高過兩成,係歷年最多。
最新點票結果話,執政自民、公明兩黨連同冇改選嘅議席,已經攞到參議院過半數議席。如果以執政聯盟為首,支持修改憲法嘅政黨響參議院已經攞到修憲要到嘅三分二議席,有助首相安倍晉三推動修憲,為解禁集體自衛權鋪路。
安倍話,今後會加快安倍經濟學嘅步伐,回應國民對政黨嘅期望。不過,安倍同時表示佢作為自民黨黨魁,任期重有兩年先完,會繼續同各個政黨傾,現時傾改憲法重係太早。
This article uses material from the Wikipedia 粵語 article 第24屆日本參議院議員通常選舉, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.