燉冬菇 (粵拼:dan6 dung1 gu1) (demotion),書面語嗌 降級(粵拼:gong3 kap1) 或者 降職(粵拼:gong3 zik1) ,係指喺公司或者其他機構組織入面,打工仔嘅職位畀人強制性降低,有時連人工都扣埋。而畀人燉冬菇嘅原因可能因為遲到得太多,做錯嘢或者違反咗某啲規定等等。喺某啲情況之下,如果打工仔嘅工作表現唔好或者公司面臨緊財務危機,噉嗰個人就有機會畀人燉冬菇。
至於點解叫燉冬菇,係因為以前香港差人嘅軍帽就好似一隻冬菇,以往當差,由軍裝調去便衣就係一種「升調」,意味住做得出色。如果便裝犯錯,就會畀人「下調」再着返軍裝,即係又要戴返嗰頂似冬菇嘅軍帽,所以俗稱「燉冬菇」。
This article uses material from the Wikipedia 粵語 article 燉冬菇, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.