水舞間(英文:the House of Dancing Water,葡文:a Casa das Águas Dançantes)係個大型水上匯演,乃新濠天地(澳門)嘅常設節目,用舞蹈同特技,講述一個穿越時空嘅史詩式愛情故事,全長大概85分鐘;首演於2010年9月16號,由2020年6月18號起休演至今——總入場人次超過600萬。其籌劃花咗5年,使咗超過20億港紙;由佛朗哥·德拉戈領銜創製;演員約有80人,嚟自超過25個國家。該劇專用之水舞間劇院(英文:Dancing Water Theater),主要由貝氏建築事務所及米雪爾·卡奚特設計——舞台水池好大,容量為370萬加侖;觀眾席可以容納1,961個人,而且設有20個傷殘人士座位。
呢個騷喺香港亦都好出名,該地傳媒經常用「水舞間」嚟形容室內水浸或者嚴重漏水嘅景象,語氣詼諧。
响2015年5月11號,有個30歲嘅英國藉水舞間女演員綵排時跌傷咗,要去醫院。
This article uses material from the Wikipedia 粵語 article 水舞間, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.