換錢黨家陣指班從事黑市貨幣兑換嘅友仔。佢哋畀出嘅匯率往往會抵過正規銀行及找換店所提供嗰啲。呢行亦有部分人唔止無牌,重會做法律根本唔畀之事,包括超額嘅跨境或跨國匯款——例如收走顧客擺喺甲地嘅子貨幣,再喺乙地向對方交出丑貨幣。換錢黨本身係法外行業,不乏唔老實而掠客人水者,有啲純粹騙徒會謊稱自己係佢哋。因為換錢黨經常帶住好多現錢,所以容易成為賊匪謀財害命嘅目標。
「換錢黨」以前指一種(表面/實際)身分為(服務/貨物之)賣方嘅騙徒——收完買方嘅真銀紙之後,會玩魔術噉樣用假銀紙替換,然後屈對方,話佢頭先畀嘅係假銀紙,唔接受而威逼再次用真銀紙磅水。「找錢黨」同本段所述者容易混淆,關鍵分別在於前者以顧客身分登場,後者表現嘅角色則為商家。
This article uses material from the Wikipedia 粵語 article 換錢黨, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.