趙雷(粵拼:ziu6 leoi4;簡化字:赵雷;英文:Zhao Lei;1986年7月20號—),中國大陸民謠男歌手,喺北京出世。作為土生土長嘅北京胡同仔,佢作詞風格多數以白描為主,又唔會冇咗文藝性,作品多數以生活做主題。
趙雷 | |
---|---|
趙雷喺2016年9月16號喺石家莊 | |
男歌手 | |
羅馬拼音 | Zhao Lei |
花名 | 雷子 |
國籍 | 中國(大陸) |
出世 | 北京 | 1986年7月20號
職業 | 民謠歌手 |
教育程度 | 高中 |
音樂類 | 民謠 |
代表作品 | 《南方姑娘》《成都》 |
唱片公司 | 獨立發行 |
佢讀高中嗰時開始接觸音樂,學結他,行匀嗮大江南北,開始咗自己嘅創作同音樂之路。2003年,17歲嘅趙雷開始地下歌手生活,後來佢由地下歌手轉去酒吧做駐唱歌手。高中畢業之後,佢放棄咗收到嘅大學錄取通知書,繼續佢嘅駐唱生活,呢段經歷為佢日後嘅創作提供咗寶貴嘅經驗。兩年後,佢去咗西藏同雲南,其間創作《咬春》、《開往北京的火車》等作品,重同民謠歌手大冰成為知己。
2009年5月,佢參加錄製《速寫穿樂》專輯,重將佢嘅作品《北京的冬天》收錄喺入面,同埋跟住微薄之鹽廠牌周圍演唱。2010年5月,參加湖南衛視快樂男聲長沙賽區海選,攞到賽季全球第2張PASS卡。佢因為同評委喬小刀嘅關係,俾傳媒話佢出貓,跟住取消咗佢比賽資格,之後佢又走咗去廣州賽區參加海選,一路憑住自己嘅原創作品,打入20強,但最終12強止步。
2011年7月,佢借錢出咗第一張個人專輯《趙小雷》,反應唔錯。同年12月4號,佢舉辦咗第一場個人專輯發布會。2012年10月至11月,佢同其他4位音樂人揸電單車搞咗一次全國巡迴演唱,叫做「十個輪子上的民謠之路」,呢場巡迴演唱由成都出發一路向東到深圳,經過15座城市,舉辦咗11場演唱會,一共30日。喺2013年,佢先後舉辦咗44場全國巡演。2014年1月24號,參加《中國好歌曲》演唱令到佢首原創歌《畫》出咗名,亦被導師劉歡揀做「最美歌詞」;10月發布第二張個人專輯《吉姆餐廳》。
2015年1月嘅「年度獨立音樂頒獎」評佢為「年度十大音樂人」,而專輯《吉姆餐廳》就評為「年度十大專輯」;9月23號發佈個人單曲《再也不會去麗江》;11月15號佢喺北京開咗首場「我們的時光」嘅全國巡演。「我們的時光」一共有13場,巡演得到行內好大嘅關注。2016年,9月6號召開發布會,宣布開始「無法長大」全國巡演;10月24號,發佈個人單曲《成都》,一出反應就好好。12月21號,發佈第3張個人專輯《無法長大》,收錄咗一啲之前單獨發佈嘅歌。
2017年1月,加盟湖南衛視《歌手2017》、為首位挑戰歌手,喺第二輪補位賽憑住《成都》一曲以第二名挑戰成功,喺第三輪補位賽遭到淘汰,因為要準備個人演唱會,3月23號發表聲明,唔再參加突圍賽。
依序 | 專輯名 | 發行時間 | 製作公司 | 發行公司 | 曲目 |
1 | 趙小雷 | 2011年8月7號 | 獨立 | 獨立 | 曲目 |
2 | 吉姆餐廳 | 2014年10月19號 | 華音鼎天唱片 | 曲目 | |
3 | 無法長大 | 2016年12月21號 | 獨立 | 曲目 |
2017年1月,加盟湖南衛視《歌手2017》、為首位挑戰歌手,喺第二輪補位賽憑住《成都》以第二名挑戰成功,跟住喺第三輪補位賽遭到淘汰,因為要準備個人演唱會,3月23號發表聲明,唔再參加突圍賽。
歌手2017 趙雷嘅競演排名 | |||||||||
期數 | 輪數 | 播出日期 | 演唱歌曲 | 原唱 | 歌曲介紹 | 排名 | 得票率 | 出場序 | 備註 |
3 | 第二輪補位賽 | 2月4號 | 《成都》 | 趙 雷 | 詞/曲:趙 雷 編曲:趙 雷、喜 子、柳 森 | 2 | 16.75% | 9 | 挑戰成功 個人最高排名同得票率 歌手互投第2名 |
4 | 第二輪淘汰賽 | 2月11號 | 《理想》 | 趙 雷 | 詞/曲/編曲:趙 雷 | 7 | 9.27% | 3 | 個人最低得票率 兩場總成績第5名 |
5 | 第三輪補位賽 | 3月4號 | 《月亮粑粑》 | 鍾志剛 | 詞/曲:鍾志剛 編曲:梁翹柏、喜 子 | 8 | 不詳 | 3 | 個人最低排名 中間加入陳汝佳嘅《彎彎的月亮》 |
6 | 第三輪淘汰賽 | 3月11號 | 《三十歲的女人》 | 趙 雷 | 詞/曲/編曲:趙 雷 | 返場表演 | 2 | — |
This article uses material from the Wikipedia 粵語 article 趙雷, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.