Song-Dynastie

In de Song-dynastie wier China wee hereênigd wat a sins 907, bie de val van de Tang-dynastie, nie mi hebeurd was. Vanof 907 toet 960 wier China verdeêld in een deêl van de Vuuf Dynastie'n en een deêl van de Tien Konienkrieken. De Song-dynastie speeln of in twi periodes: De Noôrdelijke en de Zudelijke Song.

Heschiedenisse van China de tradisjoneel as wettelijk beschouwde dynastie'n zien vet edrukt
Chinese Prehistorie		Chinese Mythische Tied Xia-dynastie
Shang-dynastie
Zhou-dynastie
	Westelijk'n Zhou
	Oôstelijk'n Zhou
		Lente en 'Erfst
		Striedende Staeten
Qin-dynastie
Han-dynastie
		Westelijk'n Han
		Xin-dynastie
		Oôstelijk'n Han
Drie Konienkrieken
		Shu Han
		Wu
		Wei
Jin
	Westelijk'n Jin
	Oôstelijk'n Jin
		Zestien Konienkrieken
Zudelijke en Noôrdelijke Dynastie'n
Sui-dynastie
Tang-dynastie
					Twidde Zhou
Liao
	Vuuf Dynastie'n				Tien Konienkrieken
	Noôrdelijke Song			Song-dynastie
Jin	Westelijke Xia	Zudelijke Song
Yuan-dynastie
Ming-dynastie
Qing-dynastie
Rippebliek China
Volksrippebliek China			Republiek China (Taiwan)

 

De Noôrdelijke Song-dynastie duurn van 960 toet 1127 en ten tiede van de Noôrdelijke Song-dynastie reheern deze over eel China, in tehenstellieng tot de Zudelijke. Den oôdstad ten tiede van deze dynastie was Kaifeng. Op 9 jannewari 1127 vieln de Jurchen den oôdstad Kaifeng binn'n en plundern dezen. Zie richen in 't hebied de Jin-dynastie op, de mensen die an ontsnapt waeren uut de an'n van de Jurchen trokk'n ten zuden van de Jangtsekiang en onderieuwen di de Zudelijke Song-dynastie.

De keizers van de Noôrdelijke Song-dynastie waeren:

• Keizer Taizu (960-976)
• Keizer Taizong (976-997)
• Keizer Zhenzong (997-1022)
• Keizer Renzong (1022-1063)
• Keizer Yingzong (1063-1067)
• Keizer Shenzong (1067-1085)
• Keizer Zhezong (1085-1100)
• Keizer Huizhong (1100-1126)
• Keizer Qinzong (1126-1127)

 

De Zudelijke Song-dynastie duurn van 1127 toet 1279 en reheern ten zuden van de rivier de Jangtsekiang. Den oôdstad van deze dynastie was Hangzhou.

In 1140 wouen de mensen van de Zudelijke Song-dynastie een pohieng 't veroverde hebied uut de Noôrdelijke Song-dynastie te herovern onder leidieng van heneraol Yue Fei, mè Yue Fei wier echter vermoôrd deur zen oveliengen vanwehe den angst tehen de macht van de militairn.

In 1234 verovern de Monhoôln Noord-China in de vurm van de Jin-dynastie en ze riepn in 1271 de Yuan-dynastie uut. Vanwehe de dreihieng van de Yuan-dynastie vluchen de keizerlijke of'oudieng a in 1276 ni Kanton, allaen keizer Gong Di bleef in Hangzhou. Een broertje van de keizer, Zhao Shi (keizer Duānzōng), nehen jaer, wier uuteropen toet keizer, winae an ze ni 't hudihe Hongkong trokk'n. Zhao Shi stierf echter an een ziekte en zen broertje Zhao Bing (keizer Bing) van zevene volhen um op.

Op 19 maerte 1279 wier 't leher van de Zudelijke Song-dynastie ten onder in de Slag bie Yamen en iermie kwam der een ènde an de tied van de Song-dynastie.

De keizers van de Zudelijke Song-dynastie zien:

• Keizer Gaozong (1127-1162)
• Keizer Xiaozong (1162-1189)
• Keizer Guangzong (1189-1194)
• Keizer Ningzong (1194-1224)
• Keizer Lizong (1224-1264)
• Keizer Duzong (1264-1274)
• Keizer Gong Di (1274-1276)
• Keizer Duānzōng (1276-1278)
• Keizer Bing (1278-1279)