אינקא אימפעריע
די אינקא זענען געווען א ציוויליזאציע אין די יארן איידער קאלומבוס איז אנגעקומען אין אמעריקע.
די אינקא אימפעריע איז געווען אין די אנדן פון דרום אמעריקע. אריגינעל האט דאס ווארט ״אינקא״ באדייט דער מלך אדער קייסער פון דעם אינקא פאלק, אזוי ווי ״פרעה״ אין מצרים. די אינקא אימפעריע איז געווען די גרעסטע אימפעריע אין די קאנטינענטן פון אמעריקע, און פון די גרעסטע אין דער וועלט.
די אינקא האבן געהערשט לענגאויס דעם מערב בארטן פון דרום אמעריקע א ביסל לענגער ווי 100 יאר, ביז צו דער שפאנישער אינוואזיע אינעם 16טן יארהונדערט. דער צענטער פון דער אימפעריע איז געווען ארום דער שטאט קוסקא, היינט אין דרום פערו. דורכאויס זייער אימפעריע האבן זיי געבויט טראקטן און בריקן כדי צו מאכן מעגלעך פארן צווישן זייערע געמיינדעס.
די אינקא אימפעריע האט אנגעהויבן ארום דער טיטיקאקא אזער אין יאר 1197. פון 1438 ביז 1533, האבן די אינקאס פארברייטערט זייער שטח איבער א גרויסן טייל פון מערב דרום אמעריקע, איינשליסנדיק די אנדן בארגקייטן. דער שטח פון דער אימפעריע האט איינגעשלאסן גרויסע טיילן פון די היינטיקע לענדער עקוואדאר, פערו, באליוויע, ארגענטינע און טשילע.
אין 1533, האט דער שפאניער פראנציסקא פיזארא הינגעריכטעט אטאהואלפא, דער לעצטער אינקא קייסער.
וועבלינקען
This article uses material from the Wikipedia ייִדיש article אינקא אימפעריע, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.