انکا
انکا دکھنی امریکہ دی اک قوم سی جس نے 1200ء توں 1533ء تیکر جنوبی امریکا دا وڈا علاقہ فتح کر لئیا ۔ اس عظیم الشان سلطنت دا راجگھر کوزکو ( ہن دکھنی پیرو دا اک شہر) سی ۔ اس سلطنت دے پہلے بادشاہ نے انکا دا لقب اختیار کیتا تے بعد چ سلطنت دے سارے لوک انکا کہلان لگے ۔ 1533ء چ سپین دی فوج نے اس دی آخری بادشاہ اتاہولیا نوں دھوکھے نال گرفتار کر لئیا تے 1569ء تیکر ساری انکا سلطنت ہسپانویاں دے قبضے چ آ گئی ۔
انکا سلطنت تہذیب تے تمدن ، علم تے فن چ اوس ویلے دیاں ساریآں امریکی قوماں چوں اگے سی ۔ اینہاں نے سیاست تے معیشت دا اک خاص نظام بنائیا ہوئیا سی ، جس دے مطابق بادشاہ دیس دا حکمران ہون دے علاوہ رعایا دا دینی آگو وی سی ۔ پیداوار دے سارے زریعے حکومت دی تحویل چ سن تے ریاست لوکاں دیاں بنیادی ضرورتاں پوریاں کرن دی پابند سی ۔ انکا نے زراعت نوں ترقی دتی ، سڑکاں ، پل تے پانی دی ذخیرے اسارے ۔ دھات سازی ، برتن سازی تے کپڑا بنان چ اینہاں نوں کمال حاصل سی ۔ایہہ لوک سورج دی پوجا کردے سن ۔
This article uses material from the Wikipedia شاہ مکھی پنجابی (Shāhmukhī Pañjābī) article انکا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.